ليته لم يولد

البارت السادس والثلاثون

صباح الخير
ليته لم يولد. البارت السادس والثلاثون

عنوان الحلقة ( تسريع الزمن )

* الواتباد ماعرف شبيه صار شكد اكتب واريد انشر ما ينشر وارجع والكاه محذوف ومداكدر انشر البارت اطول ماعرف شنو السبب يقطع بالبارت واذا ارجع انشر التكملة بغير بارت ما ينشر ماعرف المشكلة عندي هو الواتباد او بالنت هاي من البارحة لو ما ينشر لو من احفظه ورى شوية تروح كل الكتابة
تعبني كلش ومداعرف حل المشكلة هسة داكتب بالبارت مرة ثانية انشره الكم الصبح حتى طويل لان هذا قصير كلش بس احل مشكلة الوات الي مدافتهم ليش هيج ديصير *

انتظروني ...

صوت المطر العالي والهواء شجرة البرتقال الي كدامي تترواح اغصانها واوراقها بالارض 
اكدر اشوف جارتنا ام هيثم وهي واكفة بالسطح تلم بالهدوم على السريع

اما ابنها هيثم فهسة يلا رجع من برا وبايده المظلة
وبنفس الوقت رجع مراد وياه

دخل ونزع الكوت مالته ابتسمت تقربت منه واخذت الكوت بعد خصلات شعري وابتسم وراح
علگت الكوت مالته وبعدها رجعت كعدت على القنفة
اتفرج مسلسل

نزل مراد وكعد بصفي اخذ شوي من الفشار الي اني مسويته وكال بصوت مبحوح لان دائما يتمرض واني اضحك عليه اكوله شلون دكتور المفروض تعالج الناس مو انت الي تتمرض

مراد :- باجر خطوبة علي

صفنت وكتله

- يا علي ؟!

مراد :- شبيج علي الصيدلاني شبسرعة نسيتي

استغربت مادري ليش
كتله

- هاا مبروك انت رح تروح ؟!

مراد :- والله مادري يجوز اي ويجوز لا اذا تريدين انتي هم تعاي غير جو شوية

- لا يمعود مابيه حيل اني

مراد :- بكيفج صدك اصيل اريد اكلج شي

ـ كول
تنهد وعدل كعدته وكال

- اني اسبوع الجاي احتمال اسافر

فتحت عيني وعدلت كعدتي متفاجئة من الي كاله وهو اصلا مصارله غير اسبوعين من رجع من السفر

- شنو شنو هو انت ذاك اليوم رجعت

مراد :-اصيل تعرفين اهلي هناك