Unicode👬
ထူးအောင်လေးတစ်ယောက်စာသင်ခန်းထဲမှာတစ်ယောက်တည်းထိုင်စောင့်နေသည် ။ စည်သူကကျူတိုရီရယ်ဖြေစရာနဲ့Term Paperအတွက်လုပ်စရာတွေရှိနေသေးတဲ့အတွက်ကြောင့်ထူးအောင်လေးထိုင်စောင့်နေသည် ။ ပိစိလေးဂိမ်းဆော့ပြီးစောင့်နေစဉ် စည်သူရောက်လာတာမြင်တော့သူပျော်သွားသည် ။
"ပျင်းနေပြီလား ၊ ကိုယ်ပြောပါတယ် အရင်ပြန်နှင့်ပါဆိုတာကို"
"မရပါဘူး အစ်ကိုနဲ့ပဲအတူတူပြန်မှာ ၊ အခုပြီးပြီမလားဟင်"
"မပြီးသေးဘူး ၊ အခုမှမိတ္တူဆွဲပြီးပြန်လာတာ ၊ ပိစိအတွက်မုန့်ဝယ်လာတယ် ၊ အခန်းထဲမှာစောင့်မနေနဲ့တော့ ၊ ကားထဲမှာသာစောင့်နေ ၊ ကားတံခါးကိုသေချာလော့ချထား ၊ ရော့ ကားသော့ ၊ သိပ်တော့ကြာတော့မှာမဟုတ်ပါဘူး"
"အင်းပါ အဲ့တာဆိုကျွန်တော်ကားထဲမှာပဲစောင့်နေတော့မယ်"
"ဟုတ်ပြီ ၊ ပြွတ်စ် သွားတော့ ၊ ကိုယ်ဒီကလှမ်းကြည့်နေမယ်"
အဆောင်ထဲကနေသူ့ကားထားထားသည့်နေရာကိုလှမ်းမြင်နေရတော့ ပိစိလေးကားထဲဝင်သွားတဲ့အထိရပ်ကြည့်နေလိုက်သည် ။ ပိစိလေးကားထဲရောက်သွားပြီဆိုမှသူအပေါ်ထပ်ကိုတက်လာလိုက်သည် ။ ထူးအောင်ကတော့ ကားပေါ်မှာစားစရာသောက်စရာတွေနဲ့ပျော်မွေ့နေတော့သည် ။ စားပြီးသောက်ပြီးတာနဲ့ကားပေါ်မှာတင်နှစ်နှစ်ခြိုက်ခြိုက်အိပ်ပျော်သွားပါတော့သည် ။ စည်သူလာတော့ အိပ်ပျော်နေတဲ့ကောင်လေးကိုသူမနှိုးရက် ။ မနက်ပိုင်းအစောကြီးကျူတိုရီရယ်ရှိလို့ဆိုပြီးသူနဲ့အတူတူလိုက်လာတော့မနက်စောစောထထားရတော့အိပ်ချင်နေရှာမှာပေါ့ ။ သူ့အတွက်နဲ့အတန်းချိန်မရှိဘဲလိုက်လာခဲ့တဲ့ကောင်လေးအခုအိပ်ပျော်နေတာကိုသူမနှိုးတော့ဘဲ ကားဘေးမှာသာကားကိုမှီပြီးဖုန်းသုံးရင်းရပ်စောင့်နေလိုက်တော့သည် ။
"ဝှါးးးးးအိပ်လို့ကောင်းလိုက်တာ ၊ အမေ့ !"
မျက်လုံးဖွင့်လိုက်တော့ကားအရှေ့အဖုံးပေါ်မှာထိုင်နေသည့်စည်သူ့ကိုမြင်တော့လန့်သွားသည် ။ အချိန်ကြည့်လိုက်တော့ငါးနာရီထိုးတော့မည် ။ ဆောင်းရာသီမို့လို့မှောင်ရီစပျိုးနေပြီဖြစ်ပါသည်။
YOU ARE READING
သူနဲ့ကျွန်တော်(Season - 2)
RomanceUnicode + Zawgyi ဒါလေးကတော့သူနဲ့ကျွန်တော်ဒုတိယတွဲလေးပါ ထူးအောင်နဲ့စည်သူရဲ့အကြောင်းလေးပေါ့ ဖတ်ကြည့်ရင်သေချာပေါက်ပျော်စေရပါမယ် ဒါေလးကေတာ့သူနဲ႕ကြၽန္ေတာ္ဒုတိယတြဲေလးပါ ထူးေအာင္နဲ႕စည္သူရဲ႕အေၾကာင္းေလးေပါ့ ဖတ္ၾကည့္ရင္ေသခ်ာေပါက္ေပ်ာ္...