Rogue and Prowess

CHAPTER 10

Mileiya Montreval

Curiosity kills the cat, they say, and I am the willing prey.

"Dr. Grace, there are letters for you today." Pumasok ang secretary ko at inilapag sa table ko ang iilang sulat. Ang iba rito ay inaasahan kong dadating. Pinasadahan ko ng tingin ang mga sulat nang mapukaw ng isang hindi pamilyar ang attensyon ko. It's in a black envolope. Kinuha ko iyon at pinagmasdan. Walang nakalagay na kahit ano sa labas ng envelope.

"Kanino galing 'to?" Tanong ko sa secretary ko na nasa harapan ko pa rin.

"Tinanong ko na po 'yan sa baba pero ang sabi ay naka-address lang daw po sa sa 'yo. Walang sinabi kung kanino galing." Napakunot ang noo ko sa sagot n'ya. Don't tell me it's a death threat or what? Sinenyasan ko na ang secretary ko na lumabas na. Itinigil ko rin ang ginagawa ko para buksan ang kakaibang sulat. Sa lahat ng naiisip ko ay walang tumama. Hindi ko inaasahan ang laman ng sulat.

Pictures of three women.

Halos mabitawan ko ang mga litrato nang matanto kung sino ang mga ito. Una sa lahat ay dahil kilala ng kung sinumang nagpadala nito ang tunay kong pagkatao dahil ang unang litrato ay ang sa mommy ko.

Kyena Noriega, Zana Vashti, and Mileiya Montreval

Hindi ko alam kung matatakot ako o ano dahil hindi malinaw sa akin ang gustong mangyari ng taong nasa likod nito. Walang ibang kasama ang litrato. Walang anumang mensahe na kalakip ito. Sinuri ko rin ang likod nito ngunit wala rin namang nakalagay.

Sinubukan kong ipagpatuloy ang trabaho ngunit wala akong magawang matino dahil binabagabag pa rin ako ng mga pictures na natanggap ko. Bukod sa taguri sa tatlong babaeng iyon sa organisasyon, ang alam ko ay magkakaibigan sila noong kolehiyo. Hindi lamang si Mileiya at ang mommy, kung hindi maging si Zana Vashti.

Wala akong ibang alam sa dalawang babaeng kasama ni mommy kung hindi ang pangalan nila at ang katotohanang dominions din sila. They also died on the war against AUP happened 18 years ago. Anong mayroon sa kanilang tatlo na hindi ko alam? Kung tama man ang hula ko ay nais ng kung sinuman alamin ko ang koneksyon ng tatlong ito. Ngunit bakit? At sino?

I tried searching using Tieria Dominions' data ngunit basic information lamang ang ibinigay sa akin nito. Ayon dito ay naunang naging kasapi ang mommy ko, sunod ay si Mileiya at panghuli si Zana. Tingin ko ay ang mommy ang naging daan nila patungo sa organisasyon.

Napahilamos ako sa mukha nang wala akong mahanap na kamag-anak o kahit sinong maiuugnay sa dalawa. Si mommy lang talaga. Pwede kong itanong ito kay Mama Faira ngunit wala s'ya. Siguradong may alam s'ya kahit papaano sa magkakaibigan na ito.

Tumayo ako at dire-diretsong lumabas ng Le Fereshte. Ibinilin ko sa secretary ko na aalis ako. Sumakay ako ng kotse at wala sa sariling pinaandar ito. Hindi ko kayang balewalain ang kahit anong may kinalaman sa mga magulang ko.

Pagkapasok ko ay pamilyar na pakiramdam ang sumalubong sa akin. Matagal na simula noong huli akong nagtungo rito. Sa bawat hakbang ay nahihigit ko ang paghinga. Hindi ko mawari kung kinakabahan ba ako o ano.

Tahimik ang buong bahay at lahat ng gamit ay naroon pa rin kung saan naaalala kong nakalagay ang mga ito nang iwan ko. Naramdaman ko na lamang ang panggigilid ng luha ngunit pinigilan ko ito. Tears won't change the fact that everything is gone now... everyone.

Sa halip na titigan ang kabuuan ng bahay ay dumeretso ako sa kwarto ko. May secret passage rito na nakadugtong sa isang secret room sa bahay na ito. Maging sa blue print ay hindi nakalagay ang secret room na iyon. Tanging ang mga Grace lamang ang nakakaalam sa bagay na ito.

This secret room has advance technology like Tieria Dominions is using. Nakatago lahat dito ang mahahalagang bagay na may koneksyon sa organisasyon. Hindi ko alam kung bakit sa kabila ng pag-alis ni Mama ay pinili n'ya pa ring itago ang mga bagay na ito. Sa totoo lang ay maaari itong magpahamak sa amin. Siguro nga ay hindi n'ya talaga ginustong bitawan ang pagiging dominion. Kung hindi lang dahil sa amin ni Marah ay marahil kasama pa rin s'ya ni Miss Morseff ngayon.