[[Completed]]ကောင်းကင်ဘုံသို့ ကြွလှမ်းစံမြန်းနေသည်၊ မနှောင့်ယှက်ရ။ ADND

အခန်း(၁၀၆) အရှက်ရခြင်း အခန္း(၁၀၆) အရွက္ရျခင္း

[Unicode]

"ရှင့်မှာအခြား ကြိုတင်စီစဉ်ထားတာတွေရှိနေလို့ရှိရင်၊ ကျွန်မမပြောခဲ့ဘူးလို့ပဲ..."

"အဆင်ပြေပါတယ်" ဟွမ်ကျုံးက သူမကိုကြည့်လာသည်။ "(၁)နှစ်၊ (၂)နှစ်ဆိုရင်တောင်မှ၊ အဆင်ပြေပါတယ်"

ကုန်းဟုံတစ်ယောက် ကြောင်အမ်းအမ်းဖြစ်လို့သွားသည်။ တအောင့်မျှကြာသော် သူမက မျက်နှာကိုအုပ်လိုက်တော့၏။ ဟွမ်ကျုံးက သူမအား ဤကဲ့သို့ကြည့်လိုက်သည့်အချိန်ဆိုလျှင် သူမကိုယ်သူမ သူ၏ကမ္ဘာကြီးတစ်ခုလုံးဟု ခံစားလိုက်ရပေလိမ့်မည်။

"အရမ်းအကြာကြီးတော့မလိုပါဘူး" ကုန်းဟုံက ဆရာမှ သူမအား တောင်ပေါ်တွင် မည်မျှပင်ကျင့်ကြံအားထုတ်စေချင်နေကြောင်းနှင့် သူတို့နှစ်ယောက်အတူတူတွဲလျက်ကျင့်ကြံအားထုတ်ကြလျှင် ပို၍ဖြစ်ဖြစ်မြောက်မြောက်ရှိမည်ဟု သူမခံစားမိကြောင်းပါ ဟွမ်ကျုံးအားပြောပြလိုက်သည်။

"ဒါကောင်းတာပေါ့" ဟွမ်ကျုံးကပြောလေသည်။ "ငါက ပျင်းစရာကောင်းပြီး အထီးကျန်နေတဲ့လူတစ်ယောက်ပဲဟာ။ မင်းသာအတူတွဲပြီးရှိမနေပေးရင် နေရာတွေအားလုံးက အတူတူပဲ"

"ရှင်ကတော့လေ ဘယ်နှယ့်လုပ် ဒီလိုမျိုးတွေးပစ်လိုက်နိုင်ရတာလဲ" ကုန်းဟုံက လက်မခံချေ။ "ရှင်က အားလုံးကောင်းပါတယ်နော်"

ဟွမ်ကျုံးက တစ်ခုခုပြောလိုသော်လည်း ရပ်လိုက်၏။ ထို့နောက် သူက "မင်းသာ ငါနဲ့စကြာဝဠာတူစုံယှဉ်တွဲကျင့်ကြံဖို့ အတူတူတွဲနေပေးမယ်ဆိုရင်၊ ငါ့ရဲ့စိတ်စွမ်းအင်သွေးကြောလည်း ပိုပြီးပြန်ကောင်းလာမှာပဲ"

"ဒါဆိုရင် ရှင်အဲ့ဒီဆေးတွေမလိုဘဲ လုံးဝပြန်ကောင်းလာမှာလား" ကုန်းဟုံ၏မျက်လုံးများတလက်လက်တောက်ပလို့လာသည်။ သူမလှည့်လျက် အနောက်ပြန်လျှောက်လိုက်ကာ ဟွမ်ကျုံးကိုပြောလေ၏။ "သူတို့အားလုံးပြောကြတာတော့ ရှင်က ရှားပါးပါရမီရှင်တစ်ယောက်တဲ့။ ရှင့်ရဲ့စိတ်စွမ်းအင်သွေးကြောသာ လုံးဝပြန်ကောင်းလာလို့ရှိရင်၊ ရှင်စိတ်အာရုံအသွင်ကွဲပြားသွားခြင်းအဆင့်ကနေ စိတ်အာရုံမြင်ကွင်းထူးအဆင့်ကိုဖြတ်သန်းရောက်ရှိသွားမှာလားဟင်"