جمار

البارت الثامن

#جمار

#البارت٨

بقلمي زينه التميمي

مااشوف الا بابا ضربه راشدي بكل قوته

على صوت ضربته شهكت.هي ماردت حطت ايدهه

على حلكهه وضلت تبجي وهو يحجي ويصيح

كتلج اسكتي اسكتي بس ولايمج

مره لسانح متبري منج اني روحي طالعه والدرب كوه اشوفه وانتي انهديتي عساني ميت والله مخلصني منج ومن بنتج

ضلت امي دايره وه على الشباك وتبجي بخنيك

شكد كرهت نفسي بذيج اللحضه بسبب طيشي وغبائي

بسبب رعونيتي كلبت العرس عركه وهوسه بسببي امي

ابوي ضربه وهو كول عمره يباوع على حلكه

وهسه اكيد حاتم راح يتشدد على اكثر
اوف شسويت اني بنفسي

مر الوكت واني احس الدرب شطوله

اني وامي نبجي بهدوء بدون اي صوت

بابا هدء شويه اكثر من مره مد ايده راد يشوف حلكه
من ضربه شفته تمسح بي بالكلينس واكو دم

حاول اكثر من مره بس هيه دفعت ايده ودايره وجه على الشارع

وصلنه للبيت نزلت ام علي وراحت نامت واني هم رحت لغرفتي هيه بالطابق الارضي
وبابا ضل يقفل بالباب دخلت بدلت على السريع

وذبيت روحي على السرير

وجان اشوف امي دخلت وسدت الباب وراهه واجت نامت

على السرير يمي حسيت بابا صعد لغرفته واجه نزل فتح الباب وشافهه نايمه يمي هز راسه وراح

ماحجيت ولاكلمه بس حطيت راسي على المخده وضليت الوم بنفسي عل طيشي وغبائي

باوعت على امي نامت ماكدرت افك حلكي بكلمه

بس اعرف سكوته هذا وراه شي نمت واني الف فكره براسي

كعدت الصبح على صوت امي...جمار جمار اكعدي
باوعت لكيته لامه هدومه وهدومي وتكلي يله

كومي بدلي بسرعه

كتله وين نروح..خزرتني بمعناهه لاتسالين

رحت غسلت وبدلت شون ماجان على السريع

طلعنه لطرمه راحت لسيارته هيه تسوقه نادرا

بابا يوصله دائما رحت فتحت الباب طلعت السياره

وردت سديت الباب صعدنه ومشت السياره
بيتنه قريب على الشارع العام

اول ماصعدنه الشارع انداريت شفت بابا طلع ويباوع ورانه كمت ابجي اوووف شسويت اني

بدون كلام ولانبست بحرف لان اباوع على امي صايره نار طلعنه على بيت خالتي نهله هنه بس خوات ثنين واخو واحد جدو وبيبي وخالو دريد سافرو لسويد من
وره الاوضاع بالعراق