تعالووو خل نسولف شويه هواي جاي تجيني رسائل
ان ماكو هيج شي اكو احد يزوج اخته بهيج طريقه من وره القمار
ماشي
بعام ٢٠٠٩ او ٢٠٠٨ مااذكر بالضبط اكو برنامج على راديو
دجله يذيعه الشاعر الكبير عدنان هادي العصر يطلع جان يطرح مشكله احد المستمعين ويطلب من المستمعين ارائهم وحلولهم حول المشكله
مره طرح مشكله وكال اكو واحد عنده ولد ثنين وذوله كبار ومتخرجين وبنيه بعدهه تدرس كليه
هو جان تاجر جبير اصدقاء السوء جرو للعب القمار بده يخسر شي وره شي عرفو ولده وبنته وبدو ينصحو ومنهم بنته الي ماتركته ودوم تحاول ويه ابوهه حتى يترك القمار وصدك الرجال ترك القمار
فد يوم اصدقائه مسوين حفله همه وزوجاتهم راح وبنته اصرت تروح ويا اخذهه
هناك بالحفله سوو كعده مال قمار وجروو وياهم
وكام الرجال يقامر لدرجه قامر بكلشي يملكه
اخر شي واحد كله تراهن على بنتك وصدك راهن وخسر وكام ذاك الشخص ويجر بالبنيه مايهمه توسلاته ولا كلام اصدقائه ابوهه راسا من شاف بنته ضربته جلطه
البنيه من خذاهه الرجال بنص الطريق شمرت نفسه من السياره وضربته سياره ثانيه وماتت
ابوهه ولده ذبو بدار العجزه
من طرحو مشكلتهم لشاعر عدنان هادي كالو ابونه جاي يتوسل نروح نشوفه ومانقبل لان ماهمنه المال الخسره بس اختنه شنو ذنبهه ماتت وهيه تحاول تحمي شرفهه
المايصدك هاي القصه يروح لعدنان هادي ويساله صح لو جاي اجذب
وهواي اكو قصص عن مصائب القمار لو احجيهه الكم ميت بارت مايكفي
تره القمار مثل الارضه الي تاكل الخشب لحد مايتهالك ويوكع الله يحمي شبابنه من هاي الافه
حبيباتي جمورات كلبي انتضرن انشر مشهد من قصتي الجايه
واي وحده عدهه قصه حلوه وتستحق الكتابه
خل تراسلني وعيوني الهه
