#جمار
#البارت٢٧
علياء ...اخذني الفضول اشوفهه رحت يمهه واقتربت يم وجهه وجانت الصدمه
هاي جمار
كتله جمار جمار فتحت عيونه وركزت بيه زين عرفتني
ودموعه كأنما كانت تنتظر الاشاره الخضراء حتى تنزل
وخانكه عبرته بحيث بس شفايفهه ترجف
احاجيهه ماتحجي وكامت تون متوجعه رحت بسرعه جبتلهه مسكن واجيت انطيته الهه وضليت يمهه لحد مانامت
جمار...صحيت من البنج وعيوني ادور كمت اتوجع واصيح من الالم اجو انطوني مسكن
هده الوجع واجوي شرطه اثنين وسالوني من ضربج كتلهم ماادري اهلج وين كتلهم ميتين وعايشه بالشوارع ومااعرف شون انضربت
ماقتنعو بكلامي بس الدكتور كلهم حالتهه تعبانه
راحو وبعد مااجوي ليش همه بحالي اصلا
لو كايلتلهم منو اني ودره بيه حاتم خاف هم بجي يكتلني
اوووف لو ضاله يم ارام مو احسن
جان البجي انيسي الوحيد واسمع النلس تتهامس خطيه منو مسوي بيهه هيج لو اكيد مصخم وجهه وهلهه كتلوهه وشمروهه بالزباله اووووف يايمه وين انتي تعاي شوفي بعدج شصار بيه اني مدللتج وعزيزتج تعاي خل انام بحضنج تعبت
اباوع لسرير واشم ريحه الديتول والمنظفات
صرت انام بسرير المستشفيات اكثر من ماانام بفراش البيت ليش الله مايموتني كل مره اوصل لحلك الموت وارجع
جنت افكر شون اذا صرت زينه وين اروح وين انطي وجهي غافيه وافكر وسمعت وحده تكول جمار جمار
فتحت عيني باوعت زين هاي علياء كامت دموعي دموعي تجري وخانكه عبرتي بودي اصرخ واكلهه علياء اريد امي تعبت مليت جاي اموت على البطيء
كامت جروحي توجعني راحت جابتلي مسكن شربته ونمت
علياء ..بعد مانامت كلت الصباح رباح ..الصبح كعدت غيرتلهه ملابسه وكلتهه وانطيتهه علاجهه وكتلهه احجيلي كلشي
حجتلي من تزوجت لحد ماضاربهه حاتم كتله خل اوديج لبيت جدج
جمار...لا فدوه اكيد هسه كلهم حاتم لكيتهه ويه صاحبهه وهمه ناس بابه عرب مراح يتفاهمون
علياء .. خوش لعد ضلي على نفس حجايتج اذا احد هنا سالج
مشت الايام وتحسنت صحتع وجان لازم اخرجهه فاخذتهه لبيتنه وكتلهم بالمستشفى اريد اكسب بيهه اجر
رحنه واستقبلتنه ام علي خطيه انقهرت من سمعت قصتي بقيت يمهن ايدارني ويعتنن بيه علاجي جان غالي اكل لعلياء عوفي مااريد وهيه ابد ماترضة جان راتبه قليل بس عايشه على البقاشيش جان ببتهن بسيط بالتجاوز غرفتين ومطبخ وصحيات كاعده علياء واخته ام علي وجهالهه ايتام
مر اسبوعين واني هنا واجه اخو علياء
