#جمار
#البارت٣٠
رقيه..هذا سحب ومحد مطفي الكربائيات وجاي تنزل الدكمه كتله راح اطفيهن واجي كعدت واخذت تلفوني واضوي بي طفيت المجمده والثلاجه وشفت الطرمه ضلمه هيه الدكمه مالت كلوب الطرمه بره يم شباك الاستقبال
طلعت على كيف اني وصلت لدكمه وجان واحد يحط ايده على حلكي وجرني لترك
احاول احرر روحي اريد اصرخ مااكدر ساد حلكي بحيث حسيت فجي راح ينشلع
ضل يجر بيه راد يدخلني الدير جان ضلمه الاضويه مطفايه
مااعرف شون حركت راسي وكدرت اعض ايده عضه حسيت سنوني انطبكن من شده العضه صاح اخ
وتركني ركضت بكل قوتي واصرخ دخلت للبيت واني اصرخ من دخلت للغرفه ام علي فزت ركضت ورميت نفسي بحضنه وابجي كلهه كعدت على صوتي
جدي اجي يركض وعمي ومرته
صاحب..بنتي احجي شكو شبيج
جمار...واحد جرني واااحد جرني لترك لترك
ابجي واشهك وكوه اطلع الكلمه بسرعه عمي وجدي طلعو سلاحهم وطلعو يفترون داير مداير البيت ورجعو كلشي ماكو
ام علي حاضنتي وتقره عليه وتكول خاف مخترعه
واني مثل السعفه ارجف حتى سنوني يطكن من اارجف
فرح..وج يمه احجي شصار كلشي ماجاي نفتهم منج
رقيه..يمه كعدتي كالت كهرباء ماكو كتله لان مامطفين الكهربائيات جاي يطفي السحب
كالت راح اطفيهن واجي راحت سمعته فتحت باب المطبخ شويه واجت تركض وتصرخ
كريمه..شطلعج باليل ياعمه هاي اكيد شافت بزونه لو جلب واخترعت بس لاتطلع دايسه
ام علي ..باجر اخذه لسيد خل يقره عليهه سوده بوجي شوف شون ترجف
جمار..اريد احجي واكول واحد جرني وراد يدخلني لترك بس من الخوف والصدمه حتى لساني ثكل اريد اسيطر على نفسي ومااكدر جابلي حب فاليوم شربته ونما واني لازمه ثوب ام علي
الصبح من كعدت سولفتلهم على الصار بس محد يصدكني صرت مااطلع من الغرفه وافز من اقل حركه
وين جبروت جمار ولسانهه كله اختفى خابر ارام
واول ماسمعت صوته كمت ابجي
ارام..شبيج يروحي ليش تبجين منو وياج
جمار...ماكدرت اكله السبب ادري بيه هسه يجي كتله مخنوكه وروحي طالعه شوكت ارجع
ارام...شعندي اني غير جدج كلي اني اردلك خبر لو بيدي هسه اجي اخذج
جمار...تعبت مااريد اضل يوم هنا
ارام..بس اصبري شويه هسه راح اخابر جدج واستعجله
ضليت ايام بالغرفه اكعد حتى من تطفى الكهرباء كوه يجروني اكعد بالحديقه وبليل اذا ردت اروح للحمام اكعد ام علي تروح وياي
