#جمار
#البارت١٩
جمار... بعد ماشفت شون حاتم ياشرلي بايده ويكول اذبحج
اجتني فكره ان اقبل بالعقد وبعدين لو نص الليل انهزم لبيت جدي وخلي حاتم يجي ويسولف يم جدي حتى يخلي دمه بطوله
بس تجري الرياح بما لاتشتهي السفن
ضل يردد الشيخ واني اردد ورا ونفس الشي ويه ارام
كمل العقد وباركلنه
شتبارك شيخنه كل ضنك زوجتنه ماتدري انت كتبت بهذا اليوم عذابي وموتي البطيء
اوووف يابه وين انته تعال شوف حالي
هيبة الأبو ماكو بغلاتة
هيبة وتزامط بي بناتة
عليهن هضم و رايداتة ... ترة بالضيم يالتنشد عليهن
عيني علة دربك أربية
وأگلك علة العالوا علية
من يردة من يردة بوية العايل علية من يردة 😔
يا بوية وياك حملنة وأخذنة 😭
حاتم...روحي لمي هدومج وانزلي على السريع
صعدت واني ابجي والطم على وجهي شون ازوجت واني زواجي من سيف تحدد بعد فتره
شون يربي شسوي
وصلت لصاله فوك رحت على باب البيتونه ردت افتحه واطفر على الجيران
بس لكيته مقفول لا يالله اني بيدي قفلته بس وين المفتاح حطيته احاول اتذكر بس ماكو عايده
سمعت حاتم صعد الدرج بسرعه ركضت للغرفه فتحت الكنتور
حاتم...يله ماكملتي
جمار اي هسه طلعت جنطه زغيره وخليت جم قطعه وملابس داخليه هيج اخلي شون ماكان كل ضني بس اطلع اشرد من عدهم
وحاتم واكف على راسي
كتله اريد ابدل
حاتم... يله بسرعه اني وره الباب
طلع ... لبست بنطرون جينز اسود وتشيرت اسود طويل ولميت شعري بقراصه باوعت على المرايه شفتي مشكوكه وخدي احمر من الراشديات عيوني حمر من البجي
شلت جنطتي وفتحت الباب شافني حاتم نزل واني ورا بكلبي اكول
الموت الشاف ابوي وامي شماله ماشافك لو يركض على الزنيين والغمان عايفهم على كلوبنه
فتح باب الاستقبال دخل وكالي تعالي
دخلت محد جان موجود بس ارام الباقين طالعين
اجه ارام واول ماشاف وجهي راح لزم حاتم من ياخته ويجر بي
ارام...لك حقير ليش هيج ضاربهه
حاتم...ايييييدك عني اردته صااااااار
اجه ارام عليه ولزم وجهي بثنين اديه وكال
