#جمار
#البارت١٦
التمن يعيطن وعمه كريمه شكت ثوبه وكله تصيح يبوووو يبووووو عمه كوثر تكول عمت عيني عليك خويييييه واكفه والصدمه تقره الف منو المات وليش هذا العياط كلشي مااكدر اسمع بعد افتر بيناتهن والدموع تنزل احسه دموع بارده
ماجنت احسه من تنزل بيبي تخربطت وكعت بالكاع وهنه التمن يعيطين وصراخهن مله البيت واني على وكفتي مثل الواحد الدخل بغيبوبه وانفصل على الدنيا
انتبهت ام علي كاعده بعيد عني ولازمه فوطتهه وتنعى وتبجي
شويه وكالو اجويي
ركضن لطرمه ويعيطن ويملخن بشعرههن عماتي
دخلووو
وياريتهم مادخلو ولاعيني شافت هذا اليوم
اصعب يوم شفته بحياتي
هذا اليوم الي انكسرت بي...
هذا اليوم الي راح السند الجنت اتحامى بي
هذا اليوم الي بدت احزاني واهاتي..هذا اليوم الي
صرت لناس غنيمه شوكت تتقاسمهه
هذا اليوم الي صرت فريسه ضعيفه يريدون يفترسوني
بالحياة لان مالي سند
دخلو وهمه شايلين تابوت ومن بين الشايلينه حاتم وعيونه حمر من البجي
كلت هذا ابووووووويه اي ابويه ودموعي تجري اريد اصيح اريد الطم واصرخ واكول ولك يابببببه .
جمدت بمكاني من شفت دخلو التابوت الثاني
لا لا لا لا ياربي لا مستحييييل موثنينهم
ربي انت رحيم شون تاخذهم مني ثنينهم
اكو غلط اكيد غلطانين
بس اجت مرت عمي صاحب وجرتني
..وج يعمه شبيج تبسمرتي تعاي عايني على امج وابوج قبل لايروحون لنجف
..جرتني وشمرتني على تابوت امي
هاي امي اي اي امي هسه يله صحيت من صدمتي
وحسيت على هذا المصاب امي وابوي ماتو
راحو وعافوني وحيده
عافوني وحيده لا الي اخت واشكيله همي
ولا اخو مثل سويت الخوان يحن عليه ويكول اني عضيدج بهاي الدنيا
..بدون وعي شمرت الغطا الخشب مال التابوت
وشفت امي ذبيت روحي عليهه وحضنتهه واصرخ
ولج يمممممممممممه ولج يمه شون انطاج كلبج وعفتيني يمه
ولج يمه مو الصبح كلتي العصر اجي
وح يمه ليش خلفتي ومااجيتي يمه
شون عفتيني يمه منو الي بعد يمه
