-ليعم الصمت على المكان نعم يعرفون الإجابة لكن الواقع اصعب وخاصة عندما نطقت به صفية .
-ليتكلم حسن خلاص كدة ياجماعه انتم معزومين على فرح صفية و حمدى يوم الخميس إن شاء الله ليقول له كمال قبل ماتقول ل حمدى عايز اتكلم معاك لوحدنا و متخافش مش هقولك ألغى الفرح لينتهد حسن اتفضل وخرجوا خارج البيت ولكن قبل خروجهم طلب كمال من معتصم أن يذهب وراء يوسف.
-تميمة تبكى وتقول لعمها يعنى ايه ماما ممكن تتجوز حد غير بابا .هو ربنا بيعمل فيا كدة ليه هو أنا مش من حقى أعيش ذى باقى الناس. ليمسكها مروان و يحضنها ويقول تميمة مين عرفك أن لو صفية ويوسف رجعوا لبعض هيعيشوا كويسين، تميمة ماتبقيش أنانية لازم تفكرى فى مامتك شوية هى معشتش حياتها .لتصرخ تميمة أنا مليش دعوة بحد أنا عايزة أعيش بينهم هما الاثنين ولو الكلام اللى بتقوله صح كانوا خلفونى ليه .لتذهب إليها مريم وسارة يحاولون أن يهدئوها .
-فى الخارج ...
(حسن):ها ياكمال بيه قول اللى انتى عايز تقوله.
(كمال):عارف انى رائي مش مهم بس عايزك تجاوب تميمة لو اتجوزت حمدى هتعيش سعيدة .
(حسن):لارد .......
(كمال):يبقى كدا أنا احساسى صح .
(حسن):والمفروض اعمل ايه أنا دلوقت اقولها لا والله ارجعى لجوزك غصب، ولا انسى اللى أتعمل فيكى، ولا أقول ل حمدى ايه.
(كمال):الكلام لازم يكون قدام حمدى تعرف تجيبه هنا والله العظيم هاريح الكل.
-ليقوم حسن بالاتصال على حمدى ليحضر وفعلا جاء وتعرف على كمال وقص عليه كمال قصة صفية بدون الدخول فى تفاصيل لاحراجها .
(حمدى ):طيب والمفروض اعمل ايه أنا .أنا واحد خلصت تعليم واشتغلت ونسيت نفسى ولما افتكرت اتجوز شفت صفية و اتمنيت اكمل معاها بس كدة مش عارف هكمل معاها اذاى وانت دلوقت بتقولى أنها لسه بتحب ابنك يعنى دلوقت مش عارف اعمل ايه .
(كمال):بص يا حمدى انت وحسن، أنا عارف انكم بتعزوها بس هطلب طلب و يريد تنفذوه علشان كلنا نرتاح و صدقنى لو حسيت انها عايزاك هسبها و امشى صفية اتظلمت ومن حقها تعيش .
(حسن):قول ياكمال بيه بس لو معجبنيش الكلام خلص الموضوع على كدة .
(كمال):صفية دلوقت وافقت على حمدى ويوم الخميس الفرح صح كدة .ماشى احنا هنقعد لغاية الفرح وانت ياحسن هتقول لصفية انك بلغت حمدى على الميعاد شوفها خلال 3 أيام دول واحكم هى عايزا تكمل ولا تلغى وقولها خلاص يوسف راضى بالأمر الواقع وأنا بس عايزكم تراقبوها واحكموا.
(حمدى):كلام حلو بس لو طلعت عايزا ابنك استفدت ايه أنا .
(كمال):استفدت انك متعيش معاها على كذبه. استفدت انك مش هتكون السبب لعذبها لسنين عمرها اللى جاية وشوف يابنى تعمل ايه وانا هنفذ .
YOU ARE READING
وجع تميمة
Poetryيعتبر الخذلان هو واحد من أقسى التجارب التي قد تنقل الناس ، خاصة إذا كانوا من أقرب الناس إلى القلب ، وكانوا في قمة صدقهم ، وكسر القلب هو أصعب أنواع الألم النفسي ، والتي قد تسبب وجع القلب ،
