☆☆الجزء 6☆☆
زيد: ألو حبيبة
أمل: زيد نهار كامل و نتا غابر و ماسولتيش فيا
زيد: غير سامحني الخدمة شغلاتني ... فينك نتي دابا؟
قطعت معاها مين قالت لي بلي مازلا فالمقهى دزت عندها مشينا بزوج لداري تعشينا و من بعد قلت لها بلي مسافر على قبل مهمة تعطات لي ووعدتها غير نرجع نخطبها من عند عمها و نحددو موعد الزواج ...
فقت صباح بكري جمعت حوايجي فيقت أمل تسالمنا و تبوسنا تودعنا على أمل نتلاقاو عن قريب و تكون حرمي المصون...
فاتت 3 أشهر رجعت لألمانيا مهمتي نجحات فبلاد ايطاليا قدرت نخدعهم و نوهمهم بلي أنا الملازم جاك رغم لقيت صعوبة مين دخلت مقرهم السري قدمت بطاقة هوية مزورة باسم جاك الا أن دخلت عند المقدم الايطالي ماكنتش عارف بلي عارفو من وجهو فديقيقة الأخيرة تفاوضت معاه و طمعتو مسكين و هو ماعرفش بلي أنستخدمو كطعم غريتو بالفلوس و توعدتو بلي الا عاوني ندخل لقواتهم المسلحة و خديت لي بغيت نضمو لتراب الوطني الألماني برتبة أعلى من رتبتو هاء مسكين تاق و قدمني ليهم بصفتي الملازم جاك أكيد فالأول فجأتهم بكفائتي العسكرية حتى تاقو فيا و سلموني بعض الأسرار و قدرت نخد المخططات لي تسرقو من بين يدينا و عطيتهم أسرارنا الخاطئة و كشفت الخونة لي تعاونو ضدنا قدرت بخطة محكمة نرجع للألمانيا و معايا الخونة و حتى الايطالي الا أننا ماعرفناش كيفاش حتى فالصباح اليوم موالي لقيناه مقتول اليوم تلقيت تهاني من سيادة العميد و زملائي لكفائتي التي لا يعلى عليها و أنا غادي دابا عند حبيبتي لي توحشتها مشيت طيران لمقهى لي خدامة فيه لقيتها الداخل مشيت بخطوات خفيفة غمضتها لعنين
أمل:ماي لوفر
زيد:(بستها فعنقها) عرفتني
أمل:(مصدومة) زييد فوقاش جيتي عنقتها بالجهد بست جبينها و عوينتها و فمها توحشتها بزاف و فرحان حيت صافي مابقا و الو أنخطبها
زيد: توحشتك أ أمل بزااف
أمل:(ببرودة) حتى أنا
زيد: (فرحان) غدا وجدي لي راسك أنخطبك من عند عمك
أمل: تخطبني ؟؟؟
زيد:(خفيت ابتسامتي) ااه نخطبك علاش مابغيتيش نتزوجو
أمل: لا ماشي هكاك غير
زيد: ماكاين ما غير اليوم نخطبك (بستها)
أمل: زيد بغيت نقول ليك
ترن ترن ترن
زيد: ألو ... أوكي ... هاني جاي قطعت وي روحي شنو بغيتي تقولي
أمل: ااه لا حتى ترجع و نقول ليك
زيد: بست يديها أوكي حبيبة أنا مشيت و هاهي كارط كريدي خودي لي خصتك مواااح أنا مشيت
أمل: ألو ... ضروري نتلاقاو ... وي موضوع مهم ... باي رجعت لخدمتي كانو محتاجيني بقيت فالمقر حتى ليل و رجعت عند أمل باش نجيبها معايا لدار وقفت السيارة حتى بان لي أحمد مع أمل و باين عليه معصب و هي ملامحها بحالة خايفة سديت السيارة و مشيت عندهم باش نفهم
زيد:(كانشوف فأمل) أحممد أشنو كدير هنا
أحمد: (مرتبك) ز زيد على سلامتك فوقاش جيتي
زيد:(مقطب حجباني) اليوم عاد جيت أحمد شفتك معصب على أمل ياك لاباس
أمل: (قاطعاتو) لا ماكيغوتش عليا غير قال لي بفا قهوة سادة و جبتها حلوة مادخلاتليش هاد الهدرة و خصوصا شوفات أحمد لممفسرنيش تغاديت على الموضوع و توادعت مع أحمد و مشيت أنا و أمل للدار ... أمل سيري بدلي حوايجك أنا نوجد لينا العشا
أمل: أوكي مشيت الكوزينة صاوبت بيتزا بالكفتة و جبدت زوج كانيطات د كوكا كولا حطيتهم فالطابلة خرجت أمل لابسة شوميز دو نوي كايبين مفاتينها جلست حدايا
أمل: توحشتك
زيد: عنقتها حتى أنا حبيبة توحشتك و مشتاق فوقاش تكوني مرتي كحزات عندي و تقابلات معايا و كانت مترددة فالكلام ... زيد بغيت نقول ليك علاش مانأجلوش زواجنا
زيد: علاش أ أمل نأجلوه واش مابفاش تزوجي بيا
أمل: لا غير غير
زيد: تعصبت علاش كتقفقفي شنو كاين أ أمل من صباح باغا تقولي شي حاجة و متردة (بالغوات) أمل قسما بالله و تكوني مخبية عليا شي حاجة و لا كتغدري بيا نقتلك و ندفنك بيدي
أمل: (كتبلع فريقها) لا لا أشنو كاتقول أ زيد أنا منقدرش نخونك و لا نغدرك (كتقرب منو) نتا حبيبي و روحي و خطيبي ... بقات عليا بالكلام المعسول دوخاتني بيه حتى دخلنا فالقبلات شوية حسيت بيها لونها تخطف و مشات بجريا لحمام استفرغات
زيد: (قابطها) شوية دابا
أمل: اميئت بااه
زيد: شنو وقع ليك واش كليتي شي حاجى أمل: يمكن واحد الحلوة كترت منها و ضراتني
زيد: أجي ترتاحي فالفراش ديتها لبيت النعاس حطيتها فوق الناموسية و غطيتها قبلت جبينها جمعت العشا لي ماقصنهاش و خرجت لبالكون د الصالون جبت كارو كميتو و من بعد تخشيت حداها ... يوم جديد يوم جميل كيف لا و هو بالذات أنخطب فيه أمولة من بعد ماطمنت عليها و قلت ليها ماتمشيش تخدم حيت صبح وجها صفر مي هادا ماكيمنعش أنني واخا مريضة نخطبها وصلتها لدار عمها أكيد الكل كيتسأل كيفاش مخلي بنت خوه تبات على برا لكن قالت لي بلي ماكيتدخلش فيها و لا فحياتها مهم هازا راسها و كيخلص عليها حتى فلس و ماشي شغلو تكون بريئة و لا فاسدة صراحة حتاقرتو حيت ماعندوش روح الغيرة على بنت خوه جاب الله حطاها بين يديا محتارمها و هادا من حبي ليها ... مشيت لخدمتي و أنا اكثر حيوية,,یتبع
