☆☆الجزء 15☆☆
لا تحاول أن تعيد حساب الأمس
وما خسرت فيه؛ فالعمر حين تسقط أوراقه لن تعود مرّة أخرى
ولكن مع كلّ ربيعٍ جديد سوف تنبت أوراق أخرى>>
لقينا التحية الجماعية و كلشي مشا مع واحد العسكري فرق علينا البيوت ...
أكيد جيت أنا و لمياء فنفس البيت بحكم أنا و ياها لي بنات ...
لمياء: ناري ياختي شفتي النقيب زيد شحال زووين تحلفي ماشي مغربي
سمر: ختي شفتك مين دخلتي و نتي حالا فمك فالدراري جايا تسطاجي و لا دبري على راسك
لمياء: هههه و مالها حجة و زيارة ماعرفتي نتزوجو بشي زميل
سمر: ختي هدري على راسك أنا ناوية نسطاجي هاد 6 شهور و لا يخرجها على خير
لمياء: علاش مالكي
سمر: الجن لي فيا ماحل داك زيد حاس براسو شي ممثل و مين جا و هو يتحلف تقول قتلين ليه مو
لمياء: هههههه وياه راني سمعت واحد من ورايا قالك جا من ألمانيا و ماعندوش شي حاجة سميتها الرحمة فالخدمة غير الله يسلكها على خير
تنهدت و قلت أمين نادت ستافت حوايجي فبلاكار كان من الحديد كل واحد بوحدو قديت ناموسيتي كان حداها كمودينو حطيت الروايات فيه و القرأن قديت كلشي كليت و تجبدت نعس
صباح دخل واحد العسكري بالغوات حتى فزعنا هز عصا د الشطابة
العسكري: ألالة انودي نتي و ياها مسرحات عندنا لوطيل هنا
ندت أنا و أمل مفزوعين و كينغزنا بالعصا و قفنا و أنا عين ساداها و عين حالها ديديكاس #طارق
عسكري: عندكم 10 دقايق دوشو فيها و تلبسو البذلة ديالكم و يا ويل شي واحدة تعطل مفهووووم
أنا و لمياء: مفهوم شاف
ضربناها بجرية لحمام حليت رشاشة حدي درت صابون لحمي و شامبوان لشعري شللت و خرجت انا و لمياء قد قد نشفت لحمي و شعري كنسقطر فيه لبست البذلة و البروطكان هزيت سيشوار برونشيتو مع الضو كانشف فيه
لمياء: بقا ليك غير سيشوار سربي ليوم زيد يردنا كفتا
سمر: واه نمشي بشعري فازك
نشفتو شوية درت لو ذيل حصان حطيت كاسكيط و ضربناها بجريا ... وقفنا فالصف حدا العالم كان القدام النقيب زيد بكامل هيبتو المعتادة و شحال مغرور أدينا الشعار المغربي بدا يخطب عاود على الولاء و التضحية فسبيل الوطن من بعد عطانا 10 دقايق نمشيو نفطرو و نرجعو لهاد ساحة واااه كلشي عندهم ف10 دقايق مالهم مزروبين تفكرت أيام لي كنت فدارنا نفطر وقت ما بغيت و نفيق بشوية عليا و الفطور ندير فيه ساعة حطو لينا الماكلة يالاه درت دغمة اللولة بغيت نلوكها حتى كلشي بدا يخرج اهئ اهئ اهئ يعني كملت 10 دقايق ...
خرجنا و انا كنكر مشينا الساحة طلب منا النقيب زيد نمشيو لاصال نتعلمو الفنون القتالية مزيان أصلا من البارح مامشيت لاصال طلب منا زوج زوج تقابلت أنا و لمياء ضربة زوج عطيتها لها لراس
لمياء: اهئ اهئ اهئ بشوية أصاحبتي هرستيني
زيد: شافتكم شدين الحديث هنايا خدموووا
زعزني صوتو بقيت محاولا و عليها و ماكنضربهاش و هو كايضور علينا و كايورينا شنو نديرو يالاه جيت نهز رجلي مانجيبها غير المعلم حتى شدو .... ميمتي شنو درت
كلشي حبس التدريب و شاد فمو من هول الصدمة لمياء شهقت و شدت فمها أما أنا صافي مشيت عند الله ناد مزنك و حبس الكلام شاف فيا و شرار مرسوم فعينو شير بيدو لجيهتي
سمر: العااااااار أ شاف و الله ماقصدت نضربك كنت ناوية نضرب لمياء
زيد: بالغوات قلت ليك أجي لهنااااااااا
مشيت قبالتو و أنا مغمضة عينيا و هيا مولنا نحلف ليكم ماعرفت دقة مين جات واش ضرب بيدو و لا برجلو و لا بزوج لي عارفة فراخ ولاو كايبانو لي فوق راسي طحت الأرض نزل عندي و شنق عليا هزني جيهتو
زيد: هاد المرة نتابهي ماجينش نستعرضو عضلاتنا
طلقني جيت على ضهري حسيت بالصداع تحتي كيوزوز
طلب من لمياء تمشي مع واحد الولد و أنا مع واحد أخور بدينا عاود كانضربو شوية تم جاي جيهتي قبط لي ضهري كايعدل فيه لا لا قول كايهرس فيه شوية قبط لي يدي حسيتها تهرست و يجمعها معايا بنص
زيد: بابتسامة جانبية اول درس خاص يكون ثبات وتوقع أي وقت دقة من العدو
نادت و أنا و ذنيا كيخرجو فيهم شياط مارضيتش حسيت بالحكرة مشيت جيهتو بفيت نعطيه بكروشي قبط لي يدي عطيتو بتانية قبطها لي و دورها مور ضهري
سمر: أي أي هرستني
قرب جيهة وذني و غوت تاني درس عمرك تكون منرفز مين تكون مع العدو حيت أيستغل هاد الفرصة و يخليك فموقع الضعف
ضورني بالجهد حسيت بالدوخة رجعت عند الولد لي كنضرب معاه و قال لينا واحد الحركة لي هي نضربو بالرجل لجيهة الوجه ماشي جيهة ...
و هو يحبس تفكرت الدقة لي عطيتو تفركعت بالضحك دورت وجهي جيهتو لقيتو مخنزر و أنا نجمعها طبقتها على الولد شحال شبعت فيه دق مسكين قرب منا داك الكنس الناقص و بدا يعرعر على الولد دفعو
زيد: ضربني
سمر: تصدمت ناري شنو كايقول هادا
زيد: بالغوات قلت ليك ضربني
ماكملهاش هزيت رجلي نعطيها ليه تحنا و جمع معايا بنص حتى تقلشو رجليا
سمر: واااااع تفصلت
زيد: الدرس الثالت عمرك ماتستهان بقوة الخصم و توقع أي دقة تجيك و نعاود نكررها خاص يكون تركيز فالمقاتلة
عيني تحجرو فيهم الدموع مد لي يديه باش يهزني بتاسمت و مديت لو يدي
☆☆يتبع ☆☆
ديروا جيم في لأجزاء باش نعرف واش متبعي
