☆☆الجزء78☆☆
بقا كايخبط عليا الباب و أنا مكمشة فبلاصتي تخلعت يمشي يتعصب عليا و أجا مافكو واحد شوية هدا من دقان تسنيت واحد 20 دقيقة قلت مع بالي يمكن خرج تسلت على طراف رجلي جيهة حليتو بشوية و خرجت راسي نشوف مابان لي حتى واحد و أنا نخرج كاملة
سمر: واااااا
زيد: أجي لهنا قبطتك دابا
جيت نسد الباب و هو يحبسو دخل عليا و راسم ابتسامة انتصار ماحدي أنا كنبعد عليه و هو كايقرب مني أنا راجعة باللور و هو كايتقدم حتى تعكلت بجنب الناموسية جيت جالسة فوقها ..
سمر: بعدني ماتقربنيش ياك قلت ليك سير عندها
زيد: لا أنا بغيت نبقا معاك
سمر: الصمت
زيد:(قبط وجهي) سمر شوفي فيا واش حمقيتي واش عارفاني نشوف غيرك
سمر: (كنتبعكك) و أنا شفتكم بزوج و كاضحكو
زيد: ناااري على باطل فين ضحكنا هي جات عندي قالت لي علمني نعوم قلت لها سمحلي مانقدرش مراتي كاتغير عليا و بقات كاتضحك
سمر: و نتا ضحكتي معاها
زيد:(قبط راسو) ياربي شوف لي حل مع هاد المغيارة و أنا غير جاملتها
سمر: امممم ضحك عليا
ماحسيت براسي غير مردوخة فوق ناموسية و زيد فوقي خنقني بتقلو
زيد: نتي يصلح معاك غير العنف
سمر: نوووود قتلتني
زيد: حتى تقولي واش تصالحنا
سمر: للاا
زيد: اوكييي
قرب مني و أنفاسو كانحسهم على عنقي ماحيلتي لحرارة الجو و لا حرارة جسمو لي تقل عليا ...
سمر: زييد والله حتى قتلتني (درت راسي سخفت)
زيد: سمر سمر مالكي
ناد من فوقي و كايصرفق فيا بشوية
زيد: (مخلوع) سمر حبيبتي ماتخلعينيش عليك سمر سامحني
سمر:(حليت عيني) ههههههه قولبتك
زيد:(معصب) اووووووف هادا ماشي لعب طيرتيها مني خلعة
دوزنا 4 أيام أخرى روعة فاسبانيا كنت كل نهار كانعيش حب جديد مع راجلي نهار كامل خارجين ضاحكين لا عبين و عايشين حياتنا و فالليل ليالي الحمراء حتى وليت نتشكى منو بكترة الممارسات بل تعدى الأمر حتى فالنهار وليت نهرب منو غير بالكشايف ...
اليوم أنرجعو لمغرب فصراحة مسخيتش بهاد الأسبوع لي دوزنا لكان بالنسبة لي عام عشت فيه أنا وزيد لحظة بلحظة كل نهار كايزيد حبنا يقوى رغم بعض المناقشات لي سببها غيرتنا على علاش هادا شاف فيك و علاش هاديك هدرت معاك لكن كانختمها بليلة حميمية كاتنسينا حتى اسمنا ...
خرجت أنا و حبيبتي من المطار تلقا لينا عادل صاحبي توجهنا لفيلتنا لي أنعيشو فيها إن شاء الله أجمل أيام حياتنا
من بعد ما ودعناه ها نحن ذا أمام بيتنا الزوجية هزيت سمر و سميت الله و دخلنا طلعت بيها بيت نعاس قبل بنهار تاصلت بالحاجة و زينب و طلبت منهم يرتبوها و خاليت لهم دار والديا يعيشو فيها و أنا كل شهر نصيفط لهم قدر من المال هاد الخطوة دارتها بغيت نبقى أنا و سمر على راحتنا من شحال هادي كانت عندي فكرة بلي نهار نتزوج نستاقر أنا و مرتي بوحدنا ...
زيد: روحي نورتي دارك
سمر: ربي مايحرمنيش منك
زيد: نرتاحو شوية و من بعد نزلو نفرجك الدار و نتمنى يعجبك ذوقي
سمر: أكيد روحي مادامك نتا لي ختارتيه
رتاحينا شوية من تعب السفر حتى تماسى الحال و فقت قبل منها نزلت التحت تاصلت بالخدمة بلي جينا و غدا ناخدو بوسطنا فرحت حيت سمر أتبقا قدام عيني نهار كامل سواء فالدار و حتى الخدمة و مايقدر يفرقنا حتى واحد ...
مشا تفكيري فالأب ديالها أكيد مستحيل يخلينا مرتاحين و ضروري ينغس علينا فرحتنا فكرت نخبر سمر بحقيقة باباها و سبب رفضو لكن خفت، خفت تفهمني غالط ...
سمر:(عانقاتني من اللور) زيد فاش كاتفكر
زيد:(دورها عندو) فيك يا عيون زيد رتاحتي
سمر: ااه و فيا جوع
زيد: اممم تبغي نخرجو نتعشاو على برا
سمر: لا لا مافيا مانخرج نطلبو العشا هنا
زيد: أوكي طلبي لي بغيتي
مشيت هزيت تليفون ديال الدار طلبت كنتاكي و عطيتهم عنوان الفيلا و رجعت عند زيد قبط فيدي و مشينا نتفرجو على الفيلا لي كانت كاتكون الفوق من بيوتا بزاف بحمامتهم لي عجبني بزاف هو بيت نعاس ديال ولدنا كان كيحمق مصبغ بزوج د الألوان الأزرق سماوي و الصفر و فيه كونة كبيرة و نونسات بزاف تشهيت نولد بيبي صغيور تمرة حبنا أنا و زيد ماسخيتش نخرج من البيت نبقا غير واقفة و كانتأملو ...
نزلنا لأرضي كانت كوزينة مجهزة بجميع الأدوات الالكترونية وسط دار صالونات بطراز مغربي و طراز الأروبي و كاين بيرو كبير ديال زيد معلق فيه الأوسمة و فالجنب خزانة كبيرة فيها جميع الكتب فمختلف المجالات شحال من رواية كايحمقوني لقيتهم عندو خرجنا من البيرو و توجهنا لواحد الكوان كان فيه دروج تقريبا تلاتة دريجات بحال لا كاف نزلنا حتى كاتبان لي لاصال كبيييرة فيها جميع الألات الرياضية عجبني الحال خصوصا أنا شحال ماترينيت من نهار دخلت المهمة "داعش"(عقلتوها هه)
زيد: و دابا نخرجو على برا كيف كاتشوفي هادي جردة (جر يدي) و هادي أرجوحة فين تلعب حبيبتي و قبالتها بيسين فين نعومو أنا و سمورتي
سمر: واااااااو حمقاتني الفيلا بزاااف
زيد: بصح حياتي
سمر: ااه أنا فرحانة أ زيد حيت رزقني ربي براجل بحالك كنموت فيك
زيد: و أنا نموت بلا بيك
☆☆يتبع☆
