☆☆الجزء 57☆☆
أحس أن ...
الحياة بعدك ستفقد أجمل وأمتع مافيها ..
فذكرى الأيام التي عشناها ستبقى تخفق في قلبي ..
ورسمك الجميل سيبقى يتراءى أمام عيناي ..
فأنت حبيبي .... للأبد>>
كملت كلامي مع العميد و انا كانجاوبو غير بااه أو لا خفنا نكون مراقبة فاللحظة تمنيت نسمع صوت زيد و كأن ربي سمع دعوتي أول مانطق باسمي دموعي نزلو شلال تقول فين كانو مخبين ماقدرت نقول والو مين غير نسمع و نشهق ...
زيد: روحي كوني قوية أنا ديما و فجنبك و كانواعدك ماعمر شي حاجة تصيبك ماحدي عايش كنبغيك يا من ملكت الفؤاد كنبغيك
تقطع الاتصال مسحت عيني من الدموع و أنا فرحانة كلامو زادني جرعات من الصمود ...
دوزت يومين بلياليهم و أنا فالرعب كنا كل ليلة كانجلسو كجماعات نسا بوحدهم و رجال بوحدهم شحال كنت تقطع من الداخل مين نسمع زعيمهم لي هو صقر كيأمرهم بتخليص البشرية من الكفار بقطع رؤسهم و تفجير ذواتهم في سبيل الله كنت كاع أخبارهم كانوصلها العميد على مخططتاهم و لي هي مقررين يفجرو جامع بدم بارد تخلعت و أنا كنسمع كيف كايخططو أن هاد المهمة أتكون من نصيب مرة أتنكر بحوايج رجل و دخول جامع الرجال و تفجر
زيد: سمر سمر كاتسمعيني
سمر: ااه
زيد: سمعيني مزيان بغيتك تكلمي مع صقر و تقنعيه يضمني ليكم
سمر:(غوت) كيفاااااااش
زيد: شششش أ تفضحي راسك
سمر: لا مانقدرش
زيد: أتقدري يا روحي قولو أنا سميتي عبد الله و بلي مهتم لنبذ المنكر و حسابي فيه"عبد الله المتوكل" أنا نقطع معاك دابا ديري لي قلت ليك
فرحت و فنفس الوقت خفت خفت عليه نتحمل على راسي أي حاجة إلا تجرا لو شي حاجة نتسطا فيها نموت فيها أكيد بديت نخمم و نخمم حتى وصلت العشية كان عندنا جلسة مين كملنا ندت عند الزعيم
سمر: السلام عليكم
صقر: و عليكم السلام ماذا هناك أخت ايمان
سمر: أردت أن أخبرك لما لا أنوسع خليتنا
صقر: لم أفهم مقصودك بعد
سمر:(صرطت ريقي) أنا أعرف صديقا
صقر: خنز فيه
سمر: أقصد هو كأخ لي و كنا نجتمع في حصص قرأنية و يريد أن ينضم لنا
صقر: و من أين له علم بخليتنا
سمر: عندما كنت أتكلم مع فاتن كنا نتشارك أفكار حول هاته المناكر لطفك يارب و أنا متأكدة أنه يستطيع أن يجازف بحياته فداء لله
صقر: أعطني حسابه
عطيتو الحساب لي قال زيد و أنا كنحس بنبضات قلبي سارية فلحمي كامل و أنا راجعة لبيتي
سمر: المهمة نفدت بنجاح
تلاحيت فوق ناموسيتي و أنا مازالة شادا على قلبي ملي جاي كيف أيقدر يولي معايا ليل كامل و أنا نحط فأفكار ماليها أخر حتى صبح الصباح ...
ندت صليت و لبست نقابي خرجت نشم شوية د الهوى كانت الأمور عادية مين تشوف فيهم كاتلقاهم ناس عاديين لكن أفكارهم جهنمية جلست حدا فاتن و ساهية حتى سمعنا صقر كاينادي خرجت و انا كنبحلق من تحت النقاب والله حتى هو كان زيد بلباس مغاير كايقلب بعينيه عليا أكيد ماعرفنيش و أنا ماكنبانش بلباسي الفضفاض
صقر: أريدكم ان ترحبوا بأخينا عبد الله المتوكل
الكل رحب بيه ماكرهتش نقز عليه و نعنقو ليا توحشت
سمر: توحشتك
تلفت ليا بالخف و رسم بسمة على وجهو فهمت معناها ..
شحال توحشتك يا نبض قلبي ماقدرتش يومين دوزتها كأنها عامين لا بل قرنين من الزمن ...
من أول كنت عارف المهمة صعبة و كانت القيادة العسكرية ختارت سمر مافهمتش فالأول علاش تختارت بحث و عرفت السبب زدت حقدت على لي كان سبب زطمت على قلبي و قلت مع بالي ياريت لو كان تعرفت عليها فظروف حسن لكن مادامها ختارت هاد الميدان لا أنا و لا هي مخيرين لكن باش توصل بيهم يعطيوها ككبش فداء لا ماقدرتش
فلاش باك
العميد: سيادة النقيب كايبان لي بديتي تخرف بحال هاكا بغيتي ضيع علينا المهمة
نقيب: أنا على حد قولي حتا أنا أنضم ليهم و هاكا انعاونها واش ماكتفهمش ليلتين ماكنعسش و أنا كنخمم بلي طرات ليها شي حاجة الا تكشفات
العميد: حنا مراقبينها و بزوج بينا تحت الخط
نقيب: ااها و مين يقطعو لها راسها أشنو أدير ديك الساعة
العميد: كن متفائل
نقيب: كلام واحد قلت أنمشي هي نمشي و لو تكون أخر مهمة فسلكي المهني
و بالفعل دارت لي قالها لي راسي و فتحت الخط مع سمر طلبت منها تعر صقر عليا فالعشية توصلت بميساج من طرفو تبادلنا الكلام ووهمتو بصدق كلامو ليل كامل مانعسنا و حنى على الخط قطعت معاه و كانتمنى يواقف وصلت 4:30 د الصباح وصل لي ميساج بلي كايسايني و درنا فين نتلاقاو تنكرت بحجبان كاثفين و لحية طويييلة صبغت شعري بالقهوي برونزيت راسي و كيف بغيت نخرج حتى وقف عليا العميد طمني بلي أنتراقب و عطاني جهاز تصنت مزود بجي بي اس
وصلت أخيرا لورزازات طلعت نفس أخيرا انتلاقا بحبيبتي وصلنا لدار وقفت و عيني كتقلب على سمر حتى سمعت صوتها لي رد فيا الروح حسيت برجلي فشلو عليا كاينة و قدامي و ماقدرش نعنقها او لا حتى نلمس يديها ...
مشات من قدامي و ماكرهتش نعايط لها ...
وصل وقت الظهر صليت و خرجنا على برا حتى عيط لي صقر انضممنا كاملين و هما تيشرحو مخططهم و أنا عيني غير على زيد لي عينو في
