☆☆الجزء 49☆☆
<<سَأبقــى أحــلُمُ بــأن القـــاك عَـلى أمَــلـ أن يأتِــي يَــوم ٌتَقــف أمَــامي فِــيه وأراك أحِــبّــكَ , اهــــواك ولَـن أعشَــق سِـــواك لا تَـشغــل البـــال فـأنـَـا لَــم ولَــن أنسَــــاك >>
العميد: على السلامة
سمر:(لقيت تحية) الله يسلمك أ شاف
العميد:(ابتسامة) واجدة
سمر: (مترددة) تحت الخدمة شاف
العميد: أنا عارف بلي راسك عامر أسئلة
سمر:(هاد المرة ماحشمتش) و بغيت أجوبتهم و دابا
العميد:(عقد حجبانو) كانواعدك نجاوبك بالحق ماشي هنا، حاليا أتمشي مع (ضغط على الزر )
فالحين حضر شخص فاق كل توقعاتي كان أنيس
أنيس:(لقا التحية) سيدي
العميد: أتمشي مع أنيس أولا غادي تمشي لداركم أكيد توحشتيهم تسالمي معاهم و مانبغيكش ذكري لهم حتى حاجة و من بعد أنيس يخبرك بالباقي ...
خرجت من بعد ما لقينا التحية و خرجنا و أنا كنرمق أنيس بنظرات ديال القتيلة مابقيت فاهمة حتى حاجة ...
خرجنا لقيت عسكري مازال محتافظ بشوانطي خداهم أنيس و حطهم فالكوفر د سيارة من نوع &"land rover "كانت على شكل دفع رباعي حلها باش ندخل و حليت معاها فمي اخير ماكاين فالسوق ...
أنيس: ههه ماطلعيش
سديت فمي و طلعت القدام سديت الباب و أنا يالاه بغيت نسولو
أنيس: شفتك مدهشرة مالكي
سمر: ممكن تشرح لي شنو واقع
أنيس: والو المهمة لي تختاريتي لها حتى أنا مشارك فيها
سمر: إذن نتا عارف شنو هي
أنيس: أكيد و ماغديش نقولها لك كلشي بوقتو زوين
شدينا طريق لدارنا و أنا فرحانة حيت توحشتهم أكيد غادي يتصدمو ممولفاش كانجي بحال هاد النهار ...
أخيرا وصلنا نزلت و نزل معايا جبدنا شوانط طلبت منو يطلع معايا
أنيس: (كايشوف فبالكون دبيتي) و الله ماكرهت لكن من الأحسن نمشي حتى نجي من وراك
تودعنا و صونيت الباب
طن طن طن (جرس دار)
نزلات مع الدروج ...
ماما: شكووون (حلات الباب) الله على بنيتي
سمر:(عنقتها) توحشتك أ ماما توحشتك بزاف
ماما:(تبوس و تعنق) حتى أنا يا ضو عينيا توحشت ريحتك و بسلاتك
كملنا تعناق و البوسان لي ماشبعتش منهم كانت علاقتي مع ماما روعة بحال صحابات و هي حنينة بزاف عاونتني طلعت لي فاليز ...
سمر: فينو بابا و خوتي
ماما: باباك و خوك خدامين و ختك فلافاك
سمر:(جلست) والله حتى توحشتهم بزاااف
ماما: حتى هما أ بينتي خليتي بلاصتك واخا دازت خمس شهور ماولفنا فراقك ...
بقينا بالهدرة كاتعرف أخباري و نعرف أخبارهم حتى دخلت ختي تجري تعانقنا و تبوسنا ...
سهر: اوووف فوقاش يكمل هاد الشهر خلاص تجي راني توحشتك
سمر:(بصوت خافت) توحشني أنا و لا أنيس
سهر:ههههه بزووووج (خرجت لسانها)
مشيت لبيتي لبست بيجامة كنت بغيت نتنفس تكيت فوق ناموستي و حطيت يدي و را راسب حسيت بالعيا كايسرس فداتي شوية تحول العيا لتفكير فزيد تنهدت حتى سمعتها ختي
سهر: الله أختي غارقين ليك شركات
سمر:(بابتسامة حزينة) غارق لي قلبي
سهر: مالكي أ حبيبتي حسيت بيك مهمومة
سمر: (جلست) لا أ روحي غير عيا د السطاج
سمعت صوت الباب عرفتو بابا مشيت بالجرى نستقبلو أول مادار رسم ابتسامة على محياه مشيت جيهتو عنقتو بيدي بزوج زيرت عليه باسني فوق جبيني و مشيت جيهة الصالون
بابا: كيف دايرة أ بنتي لاباس عليك مرتاحة
سمر: الحمد لله أ بابا
بابا: أنا مفتاخر بيك أ بنتي
سمر: شكرا ا حبيبي
بقينا كنهدرو حتى دخلت ماما هازا الغدا لي كان دجاج محمر بالفريت ممم شحال ماكليت هاد الأكلات البلدية معدتي تهلكت غير بالسنويتشات و حتى شاف كوزيني بعد مرات كايصاوب الغدا ماكنكونش كاناكلو هادا حالي و طبعي الخايب ماشي أي حاجة ناكلها ...
دخلت فالغدا طول و عرض كنت ما واكلة والو من البارح ...
رديت الروح بعدا غسلت يدي و توضيت صليت الظهر يالاه كيف جلست صونا الباب مشيت نزلت نحل لقيت أنيس
أنيس: يالاه أ سمر تابعانا طريق
سهر:(نزلات ) شكون أ سمر
أنيس:(كايفرنس) سلام (مد يدو)
سهر:(حشمانة) سلام لاباس عليك
أنيس: الحمد لله
ربعت يدي و كانشوف فيهم لي فلحظة حشمو بزوج و ختي لي تزنكات تفكرت زيد و تمنيت يكون معايا ..
سمر: دخل دخل بعدا نبدل بيجامتي
أنيس: لا غير خليني فالطموبيل حتى تكملي لباسك و نزلي
سهر: لا لا عفاك غير طلع
ماعودهاش معاها تأكد مين سد الطموبيل و طلع هو وختي و أنا تابعاهم من اللور حتى دخلنا لدار
سمر: بابا هادا الملازم أنيس كانت أنا وياه سطاج
بابا: مرحبا بولدي جلس
سمر: هاني نبدل و نمشيو
ماما: فين غادين
سمر: (ارتبكت) لا ماما راه حيت
أنيس: لا خالتي غير كنت عندي شي خدمة فالرباك و طلبت سمر نص نهار تشوفكم و وافقو و جبتها معايا
ماما:(بخيبة أمل) و أنا شفت شوانط يصحاب لي صافي كملتي
سمر: لا ماما غير حيت صافي مابقا لي والو وقلت نخفف عليا
دخلت بيتي بدلت بيجامة لبست كولون فالكحل و شوميز د الجين كفدتو من الكمام و لبست سبرديلة فالغوز خليت شعري ديل حصان كتافيت بشانطة متوسطة هزيت لي نحتاجو من أساسيات حتى الحوايج كتافيت بتلاتة لبسات ماعرفتش نوع المهمة ...
☆☆يتبع☆
