☆☆الجزء 79☆☆
كيف تقربنا من بعض قطع علينا صونيط ديال الباب لحظتنا الحميمية ضحكت على زيد لي تعصب مشيت كانوا التوصيلة تبعني خلصو و دخلنا الداخل تعشينا و بكترة ماكنا مازال عيانين نعسنا ديك ساعة زيد مشبح و أنا فوق صدرو مخشا فيه ...
صبح الصباح فقت كانتكسل تحسست جنبي مالقيتش زيد ندت مشيت لحمام ماكنش شفت ساعة لقيتها 7:00 نزلت بالحفا لتحت كانعيط لو ماكيجاوبش
سمر: فين مشا على صباح
قلبت بيرو ماكينش مشيت الكوزينة لقيتو كايوجد فالفطور و حط الموسيقى فوذنيه تبسمت و مشيت جيهتو عنقتو من اللور
زيد:(حيد الكيت و دار عندي) جندتي فاقت
سمر:(بصوت مبحوح بالنعاس) علاش مافيقتنيش
زيد: (عنقني من خصري) قلت حتى نوجد لك الفطور
سمر: واش ديما أتوجدو لي أنولف على هاكا
هوب هزني فوق البوطاجي و رجع يكمل شغلو ...
زيد: شحال عندي من سمر
سمر:(كانلعب برجلي) غييير وحيييدة
زيد: شحال عندي من مرتي
سمر: غير وحيدة
زيد:و شحال عندي من حبيبتي
سمر: ههه و شكون عرف
زيد:(اشارة بيدو ==>) بصح عندي بزااف
سمر:(قجاتو) باش نقتلهم و نقتلك معاهم
زيد:(قرب من جيهتي و طوقتو برجلي) على أنا نقدر نتي لي كانشوف (حاط شفافو على شفايفي)
من بعد غزل صباحي و جرعات عسلية فطرت أنا و زيد و من بعد طلعت دوشت و لبست هندامي رسمي تقابلت مع المرايا رشيت برافان ديالي و حطيت خاتمي ديال زواج هو نفسو خاتم الماسي لي قدمو لي زيد فالأكاديمية هو نفسو لي وعدتو عمرو يخطا صبعي إلى يوم مماتي ...
خرجنا و توجهنا الى مقر خدمتنا توادعنا من بعد ماخدينا التبريكات من الزملاء كل واحد تاجه لبيرو ديالو و أنا داخلة تساطحت مع أنيس بغا يكمل طريقو و منعتو
سمر: أنيس وقف عفاك
أنيس: نعام أ سمر
سمر: ممكن نهدر معاك
حاول يرفض لكن أصريت عليه دخلنا جلست و طلبت منو حتى هو يجلس ...
سمر: أنيس كيف دايرين والديا
أنيس: لاباس عليهم
سمر: علاش كانحاول نتاصل بسهر ماكتجوبنيش
أنيس : ماعرفتش
سمر: أنيس الله يخليك ماتحاولش تخبي عليا
أنيس: شنو بغيتي نقول ليك بلي من نهار تزوجتي بالنقيب زيد باباك تبرأ منك و ماماك ديما تبكي و مقلقة من جيهتك و بلي ختك باباك خيرها الى حاولات تاصل بيك و لا تجاوبك يفسخ خطبتنا
تصدمت من كلام أنيس هادشي كامل دارو بابا فقط حيت ختاريت شريك حياتي يمنعني منهم و يمنعهم مني شنو هو هاد الحقد لي تكون فجأة بدون دراية
سمر:(مخنوقة) و خويا
أنيس: الصمت
سمر: اهئ اهئ جاوبني و خويا حتى هو نكرني ياك حتى هو نسا بلي عندو أخت سميتها سمر
أنيس: حتى هو مغلوب على أمرو عذريه هروبك و زواجك بلا رضاتهم حطمهم بينتي لهم أنك تمردتي على أمرهم بحالة (سكت)
سمر: اهئ كمل علاش سكتي بحالة شنو أنني وسخت سمعتهم ياك لطخت شرفهم فالأرض لا سيدي راك غالط و حتى هما غالطين أنا ختاريت شخص لي صاني و صان شرفي لي ولا حتى هو شرفو تزوجنا فالحلال و زواجنا واضح وضوح شمس قدام عيون ناس
أنيس: سمر سامحني أنا ماقصدتش ظنك فيا أنا غير جاوبت أسئلتك نتي كاتبقاي ختي و زملتي قبل ماتكوني خت خاطبتي لكن رجايا فيك ماتحوليش تاصلي بسهر و لا تشوفيها هاكا أ تحرميني منها ...
جلست فوق الكرسي و أنا قابطة راسي أفكار تديني و أفكار تجبني خرج أنيس من لمكتب بدون رد مني حتى لهاد درجة وليت عائق على الكل فقط حيت ختاريت سعادتي حياتي كاملة و أنا ديك البنت المطيعة لي قالها لها باباها تنفدها بدون نفي حياتي كاملة ساكتة كانشوف خوتي كايحققو طموحاتهم و أنا أجبرت نقرا لي بغا بابا و نخدم لي باغاه و فاﻻخير مين تغرمت بغا يفرض سلطتو عليا جبروتو لي لي خلاني نطغا و نتحرر من سكوتي ...
هزيت صاكي حسيت بالضيق حاسة بروحي بغات تخرج ماعلمتش زيد أني خارجة فقط طلقت رجلي للمجهول ناخد هوا ماهمتنيش الخدمة لي الا ساقو لي الخبار نتعاقب فقط بغيت نبعد نصفي ذهني مشيت فالطريق ماعرفاش فين أديني لي أصلا ماشيفهاش بكترة دموع لي حاجبة عليا الرؤية ...
سمر: لا خاصني نعرف اليووووم مايمكنش نبقا هاكا كيف المكلخة مافهماة والو
قبطت طاكسي و وجهتي كانت دارنا نزلت و طلعت عيني تفكرت طفولتي و أيام لي دوزت أنا و خوتي جلستنا مجموعين ضاحكين ضرتني فخاطري
ترن ترن ترن (صونيت)
تسانيت شوية حتى تفتح الباب كانت ماما حبيبتي شحال توحشتها بزاف شحال عزات عليا و أنا كانشوف فعينيها نظرة حزن خفت ترفضني و تجري عليا لكن وقع العكس حلات ليا يديها ترميت فحضنها و بكيت حسيت بحنانها لي من شحال هادي عاهدتو فيها تباكينا و تعانقنا و تباوسنا طلعت أنا و ياها
ماما: اهئ اهئ علاش أ بنتي حرمتني منك اهئ كيف نقدر على غيابك عليا
سمر: ماشي بيدي أ ماما اهئ اهئ نتي شاهدة على ماداز عليا لو كان يخيرني بين الموت و نتفارق عليه نختار الموت و عيني مفتوحين
ماما:(عنقتني) برا و الباس عليك أ ضو عينيا ليالي و أنا مادقت نعاس و لا شفتو نبات نخمم و نضل نخمم فيك
سمر: اهئ اهئ حتى أنا أ ماما ربي لي عالم بقلبي من جيهتكم
