أحببت من كنت أكره 💛(متوقفة مؤقتاً⚠)

الجزء الخامس والعشرين

بلسم مشت المطبخ،آمال شافتها وهي شايلة صينية فيها كبياتين لبن آمال ابتسمت وعرفت أنهم اتصالحوا ومشت،أما بلسم مشت لي نوني،لحدي بعد المغرب كده فهد جاء من العيادة قعد اتغداء لحدي العشاء كده،كان بشرب الشاي وهو بشرب في الشاي أتذكر أنه هو المفروض يمشي لابوه في المطار عشان يتلقاه من هناك،مشى لبس لاقته امه قالت ليه:قاشر كده مارق ولا شنو؟!.
فهد:اي ي أمي انا أحسن امرق.
آمال:وين؟!.
فهد:عشان اجيب أبوي من المطار،نسيتي؟!.
آمال وهي بتضحك:هاي أنا ما نسيت اكلمك،أبوك ما جاء.
فهد بإستغرب:جاء!!،متين؟!.
آمال:جاء الضهر.
فهد:بالجد!!،لي ما لاقيته!!.
آمال:مرق قبل شوية.
فهد:اها،ولي جاء بدري كده؟!.
آمال:عشان الجو بليل ح يكون كعب عشان كده بدلوا ليه التذكرة بالصباح.
فهد:اهااا عشان كده قاطتعوا يد مجد البتتخت فوق كتفه فهد قبل وراهو لقاه أبوه،فهد وهو بقالد أبوه بحب وشوق:اوووه حبيبنا يا،مشتاقين ياه.
مجد:كميات ي زول،أمورك؟!.
فهد وهو بقعد في الكنبة:تمام والله الحمدلله وبدأوا يتونسوا،بعد شوية كده جاء لغمان ماري بيهم ودخل المطبخ شوية كده ركز إنه ابوه قاعد رجع بسرعة وسلم عليه وقعد معاهم بعدها آمال ختت العشاء والعائلة السعيدة اتلمت وكانوا بضحكوا وبتونسوا والحب والسعادة والسرور مالين البيت.
بالصباح:كانت قاعدة في الكنبة بتذاكر ومنتظرة الترحيل،كانت لابسة تيشيرت أبيض وقميص كاروهات أسود بي أحمر وبنطلون جينز أسود،جزمة نايك بيضاء،طرحة شيفون بيضاء ومسرحة ضفرتين فرنسيتين(جاميكاتين)ولابسة عباية كالعادة،جاها لغمان:بلسم،الترحيل جاء،بلسم خمخمت حاجاتها ومشت ركبت الترحيل لقت صحباتها،بقوا بتعرصوا وبتافهوا وبضحكوا كالعادة.
اليوم مر و عد بنفس الشئ وبنفس الحاصل والبحصل وبنفس الروتين إلا حاجة واحدة جديدة دخلت على الروتين الممل ده؛إنه ابوهم مجد الدين قاعد في البيت.
المهم اليوم مشى واليوم التاني واليوم التالت واللاهو الأربعاء بلسم قررت ما تمشي المدرسة هي ومعها الشلة عشان الأربعاء والخميس والجمعة والسبت يقروا لأنه الأمتحانات باقي ليها اربعة ايام فقط.
بلسم بدأت بي روتينها اليومي الممل:(القراية😧💔)لكن المرة دي بتركيز واهتمام أكبر واكتر بس في زهج محشور في النص بين القراية وبيسو.
بلسم تركيزها تشتت بسبب صوت رن الجرس(طبعا صلحوه🐸💔)مشت فتحت الباب والمفاجأة طلعت إنه دي دندوش.
بلسم:اوووه دندن كيفك.
دانية:تمام الحمدلله والله لكن تاني ما تقولي لي دندن😆.
بلسم:خلاص تاني ما بقول ليك دندن😂دانية بس+اتفضلي ياه،شنو نص في الشارع ونص في البيت.
المهم دانية دخلت وسألت من منى،بلسم:والله منى دي قاعدة في الغرفة منتظراك،ومنتظرة اليوم ده بي فارق الصبر.ومشت برا في الحديقة الخلفية.
نوني جات لي دانية،نوني:دندن يااه،كيفك تمام،ياخ تمانية ايام مروا زي التمانية أسابيع.
دانية:قبل اي شئ ماتقولي لي دندن😧+يا بت أسابيع شنو،سنين عديل كده(هاي،ما البشكم،بعد ده لازم تعرفوا أنه دانية كل أربعاء بتجي لي نوني،ونوني الأربعاء البعده بتمشي لي دانية،يعني بالتناوب🙂).
نوني:خلاص خلاص ما بقول ليك دندن تاني+خلاص الليلة برنامجنا لليوم ح يكون شنو؟!.
دانية:برنامجنا شنو،واختك زهجانة.
نوني:زهجانة كيف يعني؟!😕.
دانية:زهجانة من القراية لأنه روتينها كله قراية.
نوني:وأعمل ليها شنو يعني؟!😕،ما هي براها مطلعة روحها وزيتها وحياتها في القراية.
دانية:يخس عليك تقولي كده،هسع انتي لما كنتي ممتحنة هي بتقفل تلفونها وتشيل كتابها وتقرأ عشان ما تزهجي،ويوم تزهجي بتقول ليك الليلة يوم فيري وتفرفشك من جديد،يعني خلاص نسيتي الفات داك كله وبقيتي ناكرة جميل خلاص؟!،طبعا نوني بعد ما سمعت الكلام قلبها حن على بلسم،نوني:اها نعمل شنو؟!.
دانية:عندي فكرة،نحضر ليلة الأفلام وبقت تفهمها في الخطة الح يعملوها لإسعاد بلسم.
نوني:فكرة ظابطة،ورح نطبقها.
قبل ما يمشوا نادهم مجد الدين وشرح ليهم كلام كتير وهم وافقوه على كلامه.
دانية مشت المطبخ ونوني مشت لي لغمان وقالت ليه كلام كتير بعد مساااافة طويييلة نوني جات لي بلسم الكانت قاعدة في الحديقة الخلفية وبتقرا نوني جات جمبها وجرت منها الكتاب.
بلسم:ي نوني ياه،خلي السخافة دي واديني الكتاب ده عشان أقرأ.
نوني:قراية بدون نفس وبي زهج دي ما قراية ولا يحزنون+شيليه إذا بتقدري وفنن فكت ليك الجرية،بلسم جرت وراها نوني دخلت الغرفة وقفلت الباب في وشها وقفلته بالمفتاح وبلسم بدأت تدق في الباب أقصد بتخبط في الباب،بلسم:ي نوني ياخ،خلي العوارة وجيبي الكتاب ده،جيبيهو ياخ.
بلسم بعد تحانيس كتيييرة لي نوني أنه تفتح ليها الباب قنعت وقعد وهي مربعة رجلينا وهي متكلة علي الباب بعد شوية نوني فتحت الباب ولزت ليها الكتاب بلسم فرحت بس لمن شالته لقته رواية بعض هذا القرنفل(سمحة شديد اقروها،على فكرة موجودة في الواتباد).
بلسم وهي بتخبط في الباب:يا نوني خلي عوارتك دي،و جيبي الكتاب ده عشان ما اكتبك تعهد هسع ده،والله بكلم ليك أمي.
نوني:كلميها إذا بتقدري.
بلسم مشت عشان تكلم أمها لكن ضميرها قال ليها:إذا كلمتي ح تعملي مشكلة كبيرة وانسحبت من الموضوع مشت المطبخ لقت دانية خاتة مؤقت.
يتبع...
وما تنسوا التصويت...
صوتوا...