أحببت من كنت أكره 💛(متوقفة مؤقتاً⚠)

الجزء التاسع والعشرين

#كسرة:المشكلة أنه بلسم هي قامت بكل الادوار الفوق دي،يعني بتقوم من محلها وتمثل الدور،والمشكلة الاكبر إنه هناك شخص يراقب🌚💔.
طبعا خلت الباب متاكة شوية كده تسمع ليك صوت فتح الباب بلسم اتخلعت لامن قربت تقع بلسم بخلعة:ابوي،اهئ اهئ صباح الخير.
مجد:صباح النور،اصبحتي كيف؟!.
بلسم وهي بتمتم بسب الخلعة:ك ك كويسة الحمدلله.
مجد:الحمدلله،اها كسرتي الملل كيف؟!.
بلسم:ياتو ملل؟!😕.
مجد:في المسرحية.
بلسم:مسرحية سقادي....اها اي اي المسرحية.
مجد:اها النهاية شنو؟!.
بلسم:إنتهت كده.
مجد:بس كده؟!،بس إنتهت كده؟!،كنت عايزها أكتر وأطول.
مجد وقف مسافة وسأل بلسم:دخلتي المكتب كيف؟!
بلسم ارتبكت:آ آ آآآ لقيت الباب مفتوح هي اقصد الباب في المفتاح هي قصدي المفتاح في الباب.
مجد بخبث:طيب اديني ليهو.
بلسم:صراحة ي أبوي حبل الكضب قصير وانا اصلا ما بعرف اكضب،انا فلست الباب بالبطاقة.
مجد ضحك:اها من البداية إذا قلتي لي كده كان اتحاصرتي زي ده.
بلسم:خلاص زاته مليت ماشة برا أنا.
مجد:انا زاتي.
مشوا الحديقة وبدوا يتمشوا ويتوتسوا شوية كده يسمعوا صوت نوني:تعالوا الشاي بسرعة،المهم مشوا شربوا الشاي واي زول مشى لي شغله،آمال:نوني ي نوني،ألبسي عبايتك جري أمشي جيبي لي منفوش.
نوني:خلاص اديني حق المرسال،قروشي خمسين جنيه.
آمال:ما عندكم أدب،زمان حق المرسال سفة سكر انتي هسع تقولي لي خمسين جنيه،أمشي بلا خمسين جنيه معاك بلا حق مرسال،أمشي يمشي فوقك قطر.
نوني:خلاص خلاص،اديني القروش.
آمال:هاك دي 500 جنيه جيبي منفوش بي 450 ورجعي لي الباقي.
بلسم كانت بتقرا جاها لغمان:اوووه بلسم ام الحفارين ياخ.
بلسم:بلا ام الحفارين معاك ي بجم،ما تخرب لي مزاجي الرايق.
لغمان:إذا مزاجك رايق ما كان قلتي كده.(سجل عندك دي القفصة رقم واحد).
لغمان:بعدين البجم يعرفون بعضهم البعض ودمنا واحد ما تنسي أنه انحنا اخوان(سجل عندك دي القفصة رقم اتنين).
لغمان:اآآآآ اتذكرت أنه البجم ما بعرفوا يتكلموا ولا يفهموا الكلام(سجل عندك دي القفصة رقم تلاتة،جات قفصة في نص جبهتي ورمتني لا حس لا كلام،أمل كيفكتمام🐸❤).
ومشى خلى جبهة بلسم سودااااء سواد الليل ونوني جات ختت المنفوش في الترابيزة ونامت بالباقي ماف زول ركز لأنه الكل مشغول بلسم المسكينة بتقرا ولغمان وفهد في التلفون وآمال بتنضف،نوني مشت ساعدت أمها في النضافة وغيره.
صلاة الضهر جات اللي هي صلاة الجمعة جاء اولا لغمان ويحردوها له والعجب العمة اما فهد ده حاجة لا توصف أما التاني داك اللي هو مجد الدين اتقول عمره 20 سنة(الزول ده إذا عرسني ما بطال💔🌚).
بلسم:اتحصنوا اتحصنوا اتحصنوا ما تطقكم عين سوداء انت ي فهد وابوي.
لغمان:وانا؟!.
بلسم:إنت نط البحر،ولا أقول خليك بتمرر لينا الموية.
لغمان:لي؟!.
بلسم:ولا شي يلا ي شباب الصلاة بتفوتكم يلا اتخارجوا مشوا بي جاي،بلسم طلعت لبستها كانت عبارة عن فستان لونه بني مارون تصميمه هاي لو مخنصر من منطقة الحضر وفاري من تحت(ي جماعة هاي لو ده الفستان من قدام قصير ومن وراء طويل)ومن قدام قصير لحدي نص سيقانها اكمامه شوية واسعة لحدي الكوع والباقي فاري مشت استحمت طلعت ابجورة منورة.
آمال:مشاءالله اتحصني اتحصني بسحروك لي اتقول عروس.
بلسم:هي انتي زاتك سحرتيني😂.
نوني:يسحروا فيك شنو؟!ي شينة أمي بتجامل فيك ساي.
بلسم:الغيرة الروح الشريرة.
آمال وهي بتضحك:غايتو،امشوا جهزوا الحاجات هسع الرجال بجوا نوني انتي اعملي القهوة والمنفوش وماتنسي الدواء في القهوة بلسم إنتي ختي ورصي الكراسي الترابيز في الحديقة ونادي حنين ودانية.
نوني:لي انا أعمل شغل النار.
آمال:لأنك بتعرفي ليهو ولا أقول ليك أنتي اعملي المنفوش بس القهوة بسويها انا.
نوني:يس.
بلسم رتبت الحاجات وعملت العليها و مشت لي ناس حنين ونادتهم قعدة القهوة وكده،طبعا الرجال الوقت ده رجعوا من الجامع بلسم كانت ماشة بسرعة لانه الشارع اتملى رجال ودخلت البيت بسرعة وعشان زفتين الفستان الطويل وفي موية جنب الباب بتاع الشارع بي جوه بسب مرشات الحديقة اتزحلقت وقربت تقع بس فجأة حست بي يد زول بتحاوط خصرها وهي ختت يدها في كتفه واليد التانية مسكت بيها علي جيب الجلابية بقوة وطبعا من الحظها البيش شعرها اتفك والطرحة وقعت من رأسها طبعا لانها لافة شعرها كعكة من غير باندة وهو كان خاتي رأسه في شعرها لأنها بقت ملصقة معاه طبعا كانت مغمضة عيونها من شدة الخلعة والخوف،عرفت من البنية والطول أنه راجل فتحت عيونها شافت المركوب لا بتاع ابوها ولا فهد ولا لغمان شافت اللبسة اللابسها لقتها جلابية والجلابية برضه ما بتعات واحد من رجال البيت بس من العطر عرفت ده منو لأنه ما غريب عليها بلسم في نفسها:يالله،انشاءالله يكون ده ماهو،يالله ما يكون ده هزبر.
رد:خلي بالك لي خطواتك.
بس للأسف مرادها ما تم ومن الصوت عرفت أنه ده هزبر،طبعا جسمها بقى باااااارد وهي حاسة بسخانة بركان وبدأت ترجف رفعت رأسها لقته ده هزااااابر يااااااي بلسم بصوت خجول وكيوت:أهئ اهئ ك ك كويس ش ش شكرا ل ل ليك.
أما هو بي هناك طبعا ولي أول مرة يركز في ملامحها الجميلة ويكتشف إنها في قمة الجمال بقى مركز في:شعرها المسدل قريب من نهاية ضهرها بعد ما كان في نص ضهرها بقى أطول بعد ما قصته وطال تاني،عيونها الواسعة اللونها بني غامق،رموشها الطويلة والكثيفة،انفها الحاد الصغير من قدام،شفايفها المكنتزة،جسمها المفصل،وغيره من صفات الجمال الرائعة والجذابة الموجودة فيها.فكاها براحة وهي زاتها فكته بخجل شديد بعد ما كانت ماسكة فيهو بي قوة،وختت طرحتها ومشت وهي ميتة ميتة ميتة من الخجل(طبعا ما وريتكم بلسم شعرها طال اكتر من الأول بعد ما قصت طال لحدي تلاتة أرباع ضهرها كده)وهزبر كان لسع واقف وبيركز في الحصل قبل شوية.
طبعا بلسم استغربت من أنه هزبر جاء من وين؟!وشافها كيف؟!ومسكها بسرعة دي كيف؟!لحقها كيف؟!وعرفها ح تقع كيف؟!وهل في زول شافها وهو ماسكها؟!طبعا رأسها شغال دوامة تفكير وأسئلة كتيرة من الحصل قبل شوية ده.
يتبع...
وما تنسوا التصويت...
صوتوا...
ده آخر بارت لليوم ده نتلاقى انشاء الله قريب😊💗💐