نوني وبلسم قالوا يمشوا يساعدوا أمهم في المطبخ وساعدوها و انتهوا من الشغل عملوا بسبوسة،بيتزا،سامبوسة.وتاني حاجات كدا وبلسم العملت البيتزا لكن خايفة تكون ما سمحة،قالت لي آمال ونوني:ضوقها،كانت في حالة موت،وفجأة نوني قالت:ماسمحة المشكلة هي بتاكل فيها.
آمال:مشاء الله طلعتي ما هينة طلعتي بتعرفي تعملي بيتزا.
بلسم:تسلمي.
وبلسم قالت لي نوني وبلسم مقبلة علي أمها:ها ي بت أمي،أمي قالت سمحة وانتي يا ست الع... قبلت عليها لقيتها شالت واحدة تانية.
بلسم:تقولي ما سمحة وتشيلي واحدة تانية.
كلبة ما قلتي ما سمحة.
نوني:اولا: اكلتها عشان الضيوف ما ياكلوها و يتسمموا يموتوا ونبقى فضيحة في الحي هنا ده يقولوا ماتوا بسبب تسمم بيتزا اكلوها في بيتنا
ثانيا:دمنا واحد يا كلبة انتي
بلسم جات جارية ومسكتها من ياقتها بتعاعت البجامة وبقت تصرخ في وشها: سمحة ولا ماسمحة
نوني:سمحة سمحة
بلسم:مؤفنة
بلسم:ااااااااا قلتي لي سمحة
نوني اتخلعت:أمي انتي في وحم بسبب الأمتحانات لأنه مزاجها متغير البت دي.
طبعا بلسم عاينت ليها كده😒
آمال كانت بتعاين ليهم كده😐
طبعا طوالي كسروا الحنك. وبلسم قالت ليها:قلتي لي ناس خالتو حنين جايين متين.
آمال:قريب المغرب كده.
بلسم:المهم انا ماشة استحمى.واشوف قرايتي وين.يلا
طبعا جري مشت الغرفة خشت استحمت ولبست ليها بجامة قميص وبنطلون رمادية شاموه فيها زي الكوالا كده،أما نوني استحمت ولبست بيجامة
راقية وكيوت شديد لونها وردي،المهم آمال ونوني جهزوا الحاجات وكده وبلسم دخلت غرفتها بتقرا وأمي كانت في المطبخ بتعمل شوية شيغلات كدا وعند ناس حنين:
حنين:ما تجهزي سرعة يا دانية ياخ دانية:اي جاية جاية
هزبر:ياخ انتي دايرة تلبسي درع ياخ
دانية:انت مالك ومالي دي حاجات بنات ما تدخل
حنين:ما عندك أدب كيف تردي لي اخوكي الكبير.
هزبر:😏
حنين:اعتذري ليهو
دانية:اسفة😒المهم طلعوا كدا فهد جاء بي عربته و وقف جنب بيتهم ونزل سلم علي حنين وأولادها وسالهم من احوالهم وكده قام سال حنين قال ليهم:اها جاهزين للمرقة بعد المغرب.
حنين:ايوه جاهزين.
فهد:بس ظابط
حنين:آمال قالت ماشين شارع النيل
فهد:أيوه صح
دانية:الليلة احلى يوم في حياتي.
فهد قبل علي هزبر و علي:اها يا فردي عاملين كيف؟!!
تمام يا مان رد عليهو الاتنين في نفس الوقت فهد:ليلة عندنا برنامج ظابط في شارع النيل.
علي:ظابط.
فهد لدانية:كيفك دندوش؟!!
دانية:الحمد لله.
فهد:شايفك انتهيتي من امتحانات الشهادة وكدا اشتغلتي كيف؟!! دانية:اشتغلت ظابط😌.
فهد:الحمدلله
المهم وقفوا قدام الباب بتاع البيت فهد دق الجرس ما فتحوا الباب لأنه
مشغولين كلهم.
فهد:بيكونوا مشغولين وقف جنب الجرس بتاع الباب وعمل مكالمة بي اللاسلكي وقال:بلسم افتحي الباب دا طوالي بلسم فتحت الباب وحضنت زول القايلاهو فهد.
بلسم:جبتها لي؟!.
فهد كان مركز في التلفون:ااا لالا نسيت والله أما حنين والباقي كانوا برضه ما ركزين نهائى لأنهم كانوا بعاد.
بلسم:ما مشكلة جيبها لي بكرة،فهودي!!
فهد:امم
بلسم:لي بقيت قصيروني شوية كده.
فهد رفع رأسه واتخلع:دا ما انا يا بلسم. فتحت عيونها لقتوا هزبر اتخلعت😨وطوالي فصلت مشت لي خالتو حنين وسلمت عليها💖 وعلي دانية و على علي وسلمت علي هزبر آخر واحد بالخجل وابتسامة باردة😊و قالت ليهم اتفضلوا البيت بيتكم دخلوا وهي كانت لسه على الباب وفهد كمان فهد:دا شنوا العملتي دا يا بسيو فضحتينا😒💔الحمدلله حنين ما ركزت😫(طبعا ما بدلعها إلا أبوها وفهد بس فهد دا أخوها البتحبه شديد لانو بفهمها وهي بتفهمه)بلسم:إحساس كنت مشتاقة ليك وهيك😅والله انا زاتي شليقة شديد😅
فهد:بلاي تاني خلي بالك😂
بلسم:سمح حاضر كويس😁
فهد:ورح ندخل مع الجماعة عندنا برنامج ظابط مع الجماعة
بلسم:أي صح،نسيت قلتوا ماشين وين؟!
فهد: ماشين شارع النيل😍يلا اجهزي عشان تمرقي معانا
بلسم:لكن انا عندي امتحانات الشهادة بعد 3 أسابيع😓 ما بقدر اجي معاكم
فهد:براك قلتيها 3 أسابيع بعدين انتي حافظة اي شئ و ما بنخليك في البيت براك+زفت الطين الامتحانات🌚💔
بلسم: انت جادي 😢💖
فهد: اي جادي
بلسم: عليك الله حنك أمي دي🌚
فهد: بحنكها🌚
بلسم: دسيس😍ورح جوه
طبعا دخلوا جوه لقوا الونسة💕طاقة لمن ماف طريقة فهد مشى على امو وسلم عليها ووقف في نص الصالة وقال بصوت عالي انتوا نسيتوا شارع النيل ده ولا كيف
يتبع....
أنت تقرأ
أحببت من كنت أكره 💛(متوقفة مؤقتاً⚠)
Fanfictionاسم الرواية:احببت من كنت اكره♥ الاسم الثاني:احببته♥ الكاتبة: آية عبدالله إبراهيم صاحبة الحساب:أمل عبدالله إبراهيم دي أول رواية لي يعني انا مبتدئة في كتابة القصص والروايات واتمنى تعجبكم🐸❤ الحساب الرسمي لآية عبدالله إبراهيم كاتبة الرواية على الواتباد...
