أحببت من كنت أكره 💛(متوقفة مؤقتاً⚠)

الجزء السادس عشر

بالصباح تمتم صحت كانت فترانة و شعرها منكوش وماغيرت بيجامة النوم،علي طول مشت علي المطبخ وقالت:أمي عملتي الشاي ولا اعمله أنا؟!.كان في صفرة كده زي المصطبة ومقاعد خشبية دائرية قعدت وهي بتتسائب:أبوي صباح الخير،كيفك تمام؟!تمتم ركزت إنه ابوها للوقت لسع قاعد:أبوي الليلة مالك ما مشيت؟!.
رضوان(الأب):أنا أخدت إجازة شهر راحة.
تمتم:اهاااا لالا ممتاز أحسن ليك والله.
في نفس الوقت علشان شريف غرفته جنب المطبخ سمع اي شئ،شريف:يعني تاني مافي بلاي ستيشن ولا تلفزيون بصوت عالي ولا أكل بليل ولا أكل بسرعة،والله كده مجرى الحياة انقفل واتقفل عديل ياخ.شريف علشان عارف أبوه كلامه كتير وما بحب البرجلة والوسخ والرمتلة استحم ولبس أحسن لبس وهذب شعره ودقنه وجاء مارق علي الهول لقى ناس البيت كلهم قاعدين،بشربوا في الشاي،كلهم اتخلعوا واستغربوا،حلا:ي جماعة ده شريف؟!.
نورة:ما أظن ده هو😕.
شريف:ي جماعة مالكم مبحلقين فيني كده؟!،كسر حنكهم ومشى قعد جنب ابوه:اوووه الابو جيت متين؟!(طبعا شريف ما بقول لي أبوه أبوي بيقول ليه الابو).
رضوان:جيت بليل عشان... قبل ما يكمل جملته شريف قاطعه:عارف عارف الإجازة السنوية(ي جماعة شريف عنده عادة سيئة بقاطع الزول قبل ما يتم كلامه وما بخليه يتم كلامه)طبعا الساعة رضوان يشد ليك شعر شريف،رضوان:مش قلت ليك خلي العادة السيئة دي(واعرفوا برضه إنه رضوان عصبي شديد زي تمتم فلنقول أنه دي وراثة وكده يعني🐸💔)شريف وهو بيضحك:أبوي فكني معليش،بعد ما رضوان فكاه بقوا بضحكوا الاتنين تقول مافي شئ حصل،شريف:حترجع الشغل متين؟!مع رشفة بتاعت شاي لبن،رضوان:أحضر فرح تماضر وأرجع.
شريف:تمتم إنتي قلتي لي عرسك متين؟!طبعا شريف لمن قال عرس حلا من شدة الخلعة انشرقت بالشاي كانوا منتظرين رد فعل كبيرة وانفعال شديد كان عادي تخنقه وتدقه في الحيطة وتقتله عديل كده(طبعا تمتم جنها وجن كلمة عرس بتخلي جنيتها تقوم)لكن السبب في خلعة حلا تاني أنه تمتم ردت له ب برود:بعد شهرين او أكتر.
شريف:ياخ كتير ياخ،تسه تسه(طبعا دي حركة الأسنان واللسان ديك🌚🐸💔)لي ياخ؟!.
تمتم:لأنه دايرين بلسم تحفر وتكمل امتحاناتها،بعدين في العجلة الندامة وفي التأني السلامة.
شريف:عجلة قال،عجلة ولا عربية.شربوا والشاي وشريف وتمتم مرقوا وركبوا العربية واتحركوا تجاه العيادة(شريف بوصل تمتم العيادة).(نقيف هنا شوية ونتعرف علي عائلة تمتم:الأم:زينب 56 سنة،ربة منزل لطيفة وجادة وحازمة في نفس الوقت،الأب:رضوان 59 سنة،طبيب جراحة وعمليات طوارئ،زول رزين ما بحب الوساخة والبهدلة والرمتلة نهائى وجادي جدية صعبة لكن ما علي طول،محمود:مساعد قبطان سفينة عمره 36 سنة،زول ما جادي نهائى ملك المقالب والهظار،متزوج جديد وزوجته إسمها حنان عمرها 30 سنة ما عندهم اولاد بس حنان حامل في الشهر الرابع،شريف:وكلنا عارفناه شغال في اليابان رسام أنمي كبير وممتاز وأهم صفاته متنمر لفظيا بإختصار:معرص تعرصة،مافي زول في البيت نجى من تريقته وتعرصته ودائما بقصف الجبهات.تمتم عرفناها قبل كده حتى بعديها نورة 22 سنة،وأصغر من تمتم متزوجة وبي أولادها وبتقرأ هندسة جيولوجيا عندها ولدين توأم بت وولد أعمارهم سنة واحدة وبي بيتها لكن قاعدة معهم ك زيارة وزوجها:سامي 27 سنة مهندس مدني،وأصغر واحدة حلا في تانية ثانوي عمرها 16 سنة كيكة جدا وظريفة شديد لكن مفلهمة فلهمة وكسلانة كسل،يلا نرجع🐸💔).عند ناس بلسم:نوني بتغسل في العدة وآمال بتجهز في الفطور وفهد طبعا في العيادة ولغمان مرق من الصباح مشوار.نوني إنتهت من غسيل العدة،آمال:منى،قومي أمشي صحي بلسم.نوني وهي ما اتحركت من مكانها أصلا:مشيت.
الثانية آمال تديها ليك لبعة في ضهرها؛نوني دي جرت زي الحصان فتحت الباب وقالت:بلسم،اصحي.لقتها ماف.لقت تلفونها(تلفون نوني)شالته و بقت تفتشتها في الأماكن الدائما بتكون فيها.رجعت لأمها:أمي ما لقيت بلسم فتشت البيت ده كله ما لقيتها.
آمال:فتشتي الحمام؟!.
نوني:ماف.
آمال:المخزن؟!.
نوني:ماف.
آمال:مكتب أبوك؟!.
نوني:برضه ماف.
آمال:الزقاق؟!.
نوني:اولا هو ما زقاق اسمها حديقة خلفية.
آمال:زقاق😒وخلي الفلسفة دي+فتشتي ولا لأ؟!.
نوني:لالا.
آمال:خلاص بتفلسفي ليه؟!.
نوني مشت الزقاق😂لقتها قاعدة قعدتها المفضلة والمعروفة🙂مربعة رجليها وخاتة الكتاب فيهم وبتقرأ.
نوني:يعني إنتي هنا يعني؟!.
بلسم:يعني وين يعني؟!في بيت الجيران مثلا؟!😒.آمال جات وقالت:وترتيني ياخ،علي الأقل لمن تمرقي من غرفتك تعالي الهول أول.يلا تعالوا نفطر.نخلي ناس بلسم ونمشي لي لغمان:كان مع شلة الجامعة وكده،اوريكم البست فريندز:عمار:الزول المظ الوحيد في الأولاد(الأولاد وجيهين بس هو امظظ منهم)شعره ناعم وعيونه عسلية ونخرته واقفة قنا | طويل طول رفيع ولونه حنطي،يوسف:وجيه شعره افرو عيونه واسعة ونخرته واو وطوله برضه المهم هو وجيه شديد وهادئ،باقي الاولاد:إبراهيم،نادر،سامي وسليمان(طبعا سامي وسليمان توأم).
البنات:سلمى،مناسك،دعاء،سارة.
يتبع....
صوت علي الجزء ده🌟💜🎶