أحببت من كنت أكره 💛(متوقفة مؤقتاً⚠)

الجزء السابع والعشرين

بي مناسبة السهر نمشي لي ناس السهر،فهد جاء داخل ي دوب اتعشاء وغير ملابسه قعد يتبظ في التلفون دخلت لي تمتم بمكالمة صوتية قفل ورجع ليها هو وبقى بتكلم وبتونس معها وطبعا كلامهم ما بخلا من المشاغلات الخفيفة البريئة،تمتم:انا عندي فكرة أنه نعمل...،فهد قاطعها وهو بقول ليها شعار الحب الابتكروا والدائما بقوله لبعض:بحبك وبعشقك،وطول حياتي ح أكون معاك،بس ممكن طلب بسيط؟!😊.
تمتم:اكيد أطلب اي حاجة،ي قلبي انا(وانا يشيلني السيل بس🙂💔).
فهد:عايز أشوفك،ممكن؟!.
تمتم:أكيد.
فهد فصل منها ودخل ليها بالايمو مكالمة فيديو،طبعا تمتم شعرها كان منكوش وبتاع بسرعة شالت أقرب طرحة واتكوزت بيها(طبعا بقت زي أستاذة هديل🐸💔)وفتحت.
فهد:حلوة ي ناس❤.
تمتم فصلت😹💔،طبعا فهد كان عايز يختبرها بإختبار بسيط قال ليها:في حاجة ناقصة.
تمتم بغباء:شنو؟!😕.
فهد:شعرك.
تمتم:مالو؟!😕.
فهد:عايز أشوفه.
تمتم:لالالا😃.
فهد:لي؟!.
تمتم:كده بس،إلا بعد العقد والعرس.
فهد وهو مخبي الفرحة الجواه:براحتك.
تمتم:معليش،لكن هذه قوانيني،بس ما يكون زعلت حبيبي؟!.
فهد:لالا ياخ معقولة أزعل منك ياخ(بغمزة).
تمتم:😁❤.
فهد:طيب،تصبحي علي خير❤.
تمتم:وإنت من أهله،نوم كويس وما تساهر(نحن لينا الله والرقاد تحت المظلة🙂💔)بحبك وبعشقك،وطول حياتي ح أكون معاك.وادته قبلة طايرة😘(غايتو جنس محن🙂💔😢)وقفلوا الخط واي زول نام على جنبة مرتاحة بذات فهد بعد ما اتأكد أنه تمتم زولة ملتزمة بدينها وقوانينها و مبادئها،وأنه كانت صادقة لمن قالت ليه لمن اتخطبوا لي بعض أنه م ح تفتح ليه شعرها إلا بعد العقد،نام وهو مبتسم وفي قمة الفرح.
الساعة كانت أتنين صباحا الناس كلهم نايمين،إلا ناس حفلت المبيت؛كانوا قاعدين قدام اللابتوب وخامين المطبخ كله وخايفة كمان أنه شالوا ملاح تقلية وعصيدة🐸💔،وشالوا باقي الدلفري كمان،وبدوا بي فيلم اكوامان(الرجل السمكة)بلسم شافته معاهم ونامت وبعد ما الفيلم إنتهى نوني ودانية اشتغلوا مسلسلات كورية،بدوا بي مسلسل أنتي جميلة.
دانية:منى،اديني الفشار والمنفوش.
نوني فتشت فتشت ما لقته:أظنه إنتهى.
دانية:خلاص المكسرات.
نوني فتشت:برضه إنتهى،لكن في البرينقز الجبته معاك قبيل.
دانية:ظابط،جيبيه.
نوني ادته ليها بعد دقائق نوني سمعت صوت قرمشة،نوني من غير انتباه:دانية خفضي صوت اكلك.
دانية:ومنو القال ليك أنا بأكل؟!.
نوني قبلت:خلاص ده منو البياكل؟!.
دانية:يمكن فأر.هنا صوت القرمشة وقف،ورجعوا للمسلسل،بعد شوية كده،تاني الصوت رجع،نوني بغضب:مش قلت ليك خفضي صوتك ي دانية.
دانية:ومنو القال ليك انا بأكل،زاته البرينقز بتاعي إنتهى.
نوني بنهرة:خلاص ده منو غيرك إنتي؟!
بلسم وهي بتصرخ فيهم:ياخ بطلوا صراخ وعباطة وخلونا نشوف ياخ.
نوني ودانية عاينوا لي بعض وعاينوا لي وراء اتخلعوا شديد واي واحدة قامت ونتطت للسقف ورجعت لقعدتها اتخيلوا لقوا شنو؟!،حاجة مخيفة جدا،إنه بلسم مربعة رجلينها وبتاكل في المكسرات والفشار،الحاجة المخيفة ما هنا،الحاجة المخيفة أنه بلسم طايرة وطايفة فوق،وعندها أنياب طويلة،وعيونها حمراء زي الطماطم البلدية،(دقائق دقائق،الزول البقرأها بليل ما يخاف ولا يلتفت ولا يدس في البطانية لأنه دي تخيلات من ساي🐸😂😂😂💔 أن نوريكم النص الحقيقي:🙂💔)المهم كانت قاعدة في نص السرير قعدتها المفضلة والمعروفة أنه مربعة رجلينها وبتاكل في المكسرات والفشار ومستمتعة بالمسلسل،بلسم:مالكم شايفني زي الحمار في وسط الحصين.
نوني:هاي إنتي مش قلتي ما قادرة تكملي من النعاس.
بلسم:اي،بس الشمار حارقني،قلت ما اخلي يبقى رماد.
دانية:انحنا زاته ملينا،مش يا ننوش؟!.
نوني:اي،زاتو نخلي اللابتوب يشحن.وفصلوا اللابتوب،وده كله عشان بلسم ما تساهر أكتر من كده.
بلسم في وشها ظهرت علامات الحزن.
نوني:يلا.
دانية،بلسم:وين؟!😕
نوني:نشيل الحاجات دي،يعني نخليها للفيران والنمل يعني😐.
المهم قاموا شالوا الحاجات وغسلوها،ونضفوا المكان كأنه ما حصل شئ،دانية شافت الحديقة:أيش رأيكم نتنفس هواء في المرجيحة؟!😊.
نوني وبلسم اعجبوا بالفكرة،مشوا علي المرجيحة،كانت طويلة ومنسوجة بسعف النخيل وفيها تكاية ضهر(مركزين في تكاية ضهر دي🙂💔)قعدوا فيها ورفعوا ريسانهم لفوق كانت السماء الصافية والنجوم قريبة وكتيرة وشكلها حلو شديد،بقوا بعاينوا للنجوم،بعد دقائق كده،جاهم صوت مألوف:ياخ دي شنو الشبكة الزفت دي ياخ،إلا نطلع ليها برا.
بلسم:ده منو ده؟!😕.
دانية:لغمان.
لغمان:انتوا المسهركم للوقت ده شنو؟!.
نوني:نفس الشئ والسبب المسهرك😐.
لغمان:انا مساهر عشان أنزل لعبة😑.
بلسم:وانحنا كنا بنشوف في فيلم،وأنت طلعته ليه؟!😕.
لغمان:عشان الشبكة الزفت دي،وبطلي أسئلة عليك الله😧.
بلسم:خلاص بطلت،دقائق دقائق،طلعت للشبكة وإنت عندك راوتر.
لغمان:راوتر؟!.
بلسم:اي،راوتر واي فاي.
لغمان:اي والله نسيت ياخ،انا ماشي بعد ده،وما تساهروا اكتر من كده،امشوا بعد ده.ومشى غرفته.
بلسم بنعاس:ده أحلي يوم عشته في حياتي.
دانية وهي بتتثأب:أيوه كان يوم جميل،لكن بنعس،انا نعست عايزة انوم.
نوني،بلسم:انحنا برضه،المهم دخلوا الغرفة وناموا نومة هنيئة إلا نوني قبل ما تنوم اتذكرت الخطة الخططوها والبي سببها بلسم رجعت فرحانة والزهج راح منها.
     ┓|❖⇣بداية الفلاش باك⇣❖|┏
مجد الدين:دانية،منى،تعالوا هنا.
نوني:في شنو ي أبوي.
مجد الدين:داير منكم تسدوا لي خدمة.
دانية بحماس:اها وهي شنو؟!
مجد الدين:انا شايف إنه بلسم دي زهجانة وأحسن نعمل ليها برنامج يطير ليها الزهج بتاعها ده.
دانية،نوني:والله هسع قلنا كده،وانحنا برضه عندنا خطة.
مجد الدين:انا شايف ي دانية أحسن تخبزي كب كيك لأنك بتعرفي تخبزيه وح تلقي اي حاجة محتاجة ليها لخبز الكب كيك موجودة،وانتي ي منى،رسلي لغمان يمشي يجيب ليكم من المطعم أو المقهى العايزنه الحاجات العايزنها،وشيلي بطاقتي وجيبوا التربيزة الفي المخزن وزينوها على زوقكم واعملوا الحاجة دي مفاجأة لي بلسم إنتي ودانية.
نوني:طلعته خطير لكن ي أبوي،لكن ما ابوي ما أبو،مجد الدين ضحك ومشى.
دانية ونوني بدوا يخططوا،دانية:أيش رأيك نمشي ديليس أو ديلايس،ونجيب وافل شوكولاتة وميلك شيك.
نوني:لالا ظابط ي زولة.
نوني مشت لي لغمان وفهمته الخطة.
لغمان:ظابط،لكن تدوني معاكم.
نوني:موافقة.
     ┓|❖⇣نهاية الفلاش باك⇣❖|┏
يتبع...
وما تنسوا التصويت...
صوتوا...