أحببت من كنت أكره 💛(متوقفة مؤقتاً⚠)

الجزء الثالث

وقالت لي بلسم:دي قرايتك المجننانا بيها.
بلسم:أي انتي ما يخصك.
نوني:علي كيفك امتحاناتك قربت وإنتي لسه بتلعبي،صح انتي ما بتمرقي من 90 بس برضه ما حنك خلي بالك دي إمتحانات شهادة سودانية ختي خطين تحت شهادة سودانية دي.طبعا يادوب بلسم ما ركزت إلا هسع أنه عندها إمتحان شهادة سودانية بعد 3أسابيع.وعشان بلسم ما تنهزم قامت صفقت ليها:يالله ي الله على النصيحة،برافو عليك،إنتي تنصحيني ي شافعة إنتي.بس كانت ردة فعل نوني باردة:ما حنك،انا عايزة أغير ملابسي وأمي بنتده علينا للفطور،المهم بلسم نزلت للفطور وخلت نوني وهي بتغير في ملابسها،نزلت لقت الفطور ب طعمية وشبس بطاطس،مكرونة،سلطة بيضاء مايونيز معمول في البيت(ده فطور ولا عزومة🌚💔)جات نوني نازلة قعدت وهم بياكلوا آمال صدمت بلسم بسؤال: القراية كيف معاك؟!طبعا بلسم ارتبكت وقالت بسرعة:كويسة وبتسلم عليك😁.
آمال:خلي بالك في قرايتك+خلي بياخة دمك دي وتاني سألتها:تلفونك وين ي بلسم؟!لانه التلفون الوحيد القاعد معاي تلفون منى وشالته مني الليلة بالصباح وتلفونك الشهر الفات ده كله ما معاي وهسع الامتحانات قربت وأنا عارفاك زي نفسي واسمي ماعندك شغلة ب إمتحان جنك تمسكي تلفونك ده،تلفونك وين؟!،طبعا في اللحظة دي بلسم قربت تعملها في نفسها وفي ملابسها من الخوف+أمها كانت بتحمر ليها شديد،بلسم:معاي في الدولاب(طبعا بلسم ما بتقدر تكضب علي أمها لأنها بتكشفها طوالي)آمال كانت عايزة تشاكلها بس نوني تدخلت:لالا ي أمي التلفون ما معاها معاي أنا،انا لقيته في سريرها قبل شهر كده وشلته ختيته معاي في دولابي انا عشان ما تعرف مكانه وين وتنشغل بيه وما تقرى وتزاكر للامتحانات،هنا آمال شوية هدأت(طبعا ميزة نوني طوالي اي مشكلة صغيرة بتنحل بسرعة وسهولة بتدخل فيها وتنقذ الزول الوقع في المشكلة عشان كده هسع تدخلت في مشكلة بلسم وياما حلت لي بلسم مشاكل زي دي)طبعا بلسم قربت تقوم وتبوسها،نوني قالت لي أمها عشان المشكلة تنحل نهائيا:ولو حاولت تشيله بشوف اي ذلة قديمة و بطلعها ليها عارفها بتخاف من الفضائح وعلي ما أعتقد هي ما عارفة أنه معاي ولا وين اصلا!!مش؟!.
بلسم:أيوه صح والله كان ما كلامك ده ما كان عرفت مكانه.
نوني:إلا أغير مكانه😅.
بلسم:اي اي😅.
نوني:وأنا ما أنانية عشان اخليها تشيل التلفون وما تقرأ وأنا ما اسألها.
آمال:خلاص خلاص،صدقتكم،خلوا الموضوع ده وكملوا فطوركم،طبعا المرو دي بلسم مرقت منها بأعجوبة بفضل نوني،فطروا ونوني غسلت العدة بما أنها إنتهت من الإمتحانات،المهم الكهرباء تاني قطعت نوني عايزة تموت من الفرح ما معروف ليه،وبلسم قربت تبكي،آمال تذكرت هزبر:إنتي ي بلسم،هزبر قبيل ما دخل ليه؟!أنا كنت منتظراه.
بلسم:اي كان عايز يخش بس قلت ليه ما إلا تتعب نفسك😆وشلت الأنبوبة(ياريت لو كنت في كان وريت آمال الحقيقة🐸💔).
آمال:أكيد ما قلت شكرا،صح؟!.
بلسم:صراحة كده،اي صح.
آمال:شنوووو؟!.
بلسم:اي ماقلت شكرا☺.
آمال:والله إنتي دي خليقة خلاص،أنتي عارفة كنت منتظره لي شنو؟!.
بلسم:ليش؟!.
آمال:عشان يكلم أمه ويزكرها مرقتنا وطلعتنا الشهرية.
بلسم:اها،اي صح،كملت شهر كامل،المشكلة وقعت يوم أحد.
آمال:ما مشكلة.طبعا الشهر المرة دي مارقين شارع النيل.
بلسم:أوه،ظابط.
آمال:بما أنه شارع النيل الزول ما يمشي بأصابع يده العشرة فاضيين.
بلسم:أيوه كلامك صح(احساس عاملة نفسها العاقلة الكبيرة ديك🐸💔).
آمال:ي ربي أعمل شنو؟!،فطائر بيتزا و.........
بلسم:بسبوسة مثلا وكيك شوكولاته و سامبوسة مثلا.
آمال:أحلي فكرة.وضربوا كفهم مع بعض☺💙.المهم آمال اتصلت علي حنين وكلمتها ذكرتها بالبرنامج الشهري حقهم ولقتها فاضية ومستعدة وحددوا يطلعوا بعد المغرب،بعد ما فهد يرجع من العيادة.