أحببت من كنت أكره 💛(متوقفة مؤقتاً⚠)

الجزء الثاني

كان يوم الأحد بلسم مؤجزة،طبعا الأمتحانات الشهادة السودانية،نوني كانت في المدرسة عندها آخر إمتحان من إمتحانات شهادة الأساس وفهد في العيادة،لغمان في الجامعة،برضه نازل آخر إمتحان آخر سمستر في السنة يعني منها وطوالي يتخرج ويتخارج.بلسم وأمها براهم قاعدين في البيت،آمال عايزة تعمل الفطور بس الغاز قطع،بلسم كانت قاعدة في الهول بتقرا مربعة رجليها وخاتة الكتاب فيهم،آمال لبسلم:يا بلسم،جيبي لي الغاز لأنه غازي قطع علي إني ما بستخدمه كتير وإنتي عارفة الكهرباء قاطعة يعني الكوكر ما حيشتغل من غير كهرباء.
بلسم ببرود شديد:أنا بقرأ.
آمال:خلاص بتصل على هزبر ولد حنين.
بلسم:كلميه،اصلي أنا الود ده ما بريده ولا بطيقه نهائى.
آمال:انا قلت ليك عرسه،تحبه ما تحبه دي ما مشكلتي دي مشكلتك.طبعا بلسم قتطمت وسدت خشمها.
آمال:هسع إنتي لو ركبتي ركشة خمس دقائق بس بتجيبه،بتجيك حاجة؟!.
بلسم(بدم بارد):انا عايزة أقرأ.
آمال:قر الينفخك،دمك البارد ده خليه.طبعا بعد نقاش طويييل بين بلسم وأمها؛أمها اتذكرت موضوع الغاز.
آمال:نسيتيني الموضوع،ح أتصل علي هزبر لكن المرة الجاية ما ح اناديه تاني.
بلسم:المرة الجاية بيكون في فهودي ولغمانو.
آمال:بطلي قلت ادبك دي.المهم آمال اتصلت علي هزبر وعلى طول جاء لقى بلسم وآمال؛سلم على آمال وجاء سلم علي بلسم مدت ليه طرف يديها وسلمت عليه ب افتراء وكره،طبعا آمال شوية كده وتقوم تلتطشها كف جامد😂.
(طبعا نعرفكم بهزبر:شعره ناعم وأسود سواد الليل مموج،حواجب هلالية مقوسة تفتح النفس،والعجب عيونه؛نعسانة وعسلية روموشها طويلة،صوته فيهو بحة كده تجبر الخاطر،وبلبس نضارات،عنده دقن خفيفة ومظبطة،جسمه رياضي ورشيق،غير طوله ده حكاية تانية خالص،لونه اخدر ناعم ومندي وعنده تفاحة آدم كده واااااع،عمره 19سنة بدرس قانون السنة التالتة في جامعة الخرطوم،امه صحبت آمال من لمن كانوا في الجامعة واسمها حنين وهي الاختارت البيت لأسرة آمال).نرجع:
آمال:شكرا ي هزبر نهائى ما بتقصر.
هزبر:معقولة ي خالتو آمال ياخ.
آمال:بس عايزة منك تجيب لي الغاز لأنه الغاز إنتهى والكهرباء قاطعة ما ممكن اشتغل بالكوكر لأنه بتاع كهرباء.
هزبر:لالا مافي اي مشكلة بس اشيل أنبوبة الغاز.آمال ادته القروش ومشى بس نادته تاني؛جاء قال:في حاجة تانية؟!😊.
آمال:لالا بس هاك قروش الركشة عشان تمشي بدري وسرعة وتصل بدري وما تتعب لأنه الأنبوبة لمن تكون ملانة بتكون تقيلة و حتتعبك.المهم مشى جاب الغاز و رجع دق الباب،بلسم مشت من دون ما تلبس طرحة ولا توب وفتحت ليه الباب لمن فتحته بقى بضحك،قالت ليه:اديني الأنبوبة دي😒.
هزبر:هاك.وهو ختاها من دون ما يحنسها،طبعا بلسم شالتها بالله وأمين لأنها تقيلة شديد عليها وعملت أنها خفيفة عشان عارفة هزبر ح يضحك فيها،شالتها وودتها المطبخ لقت أمها مافي كانت في غرفتها،المهم بلسم رجعت تشوف وتتأكد هزبر قفل الباب ولا لأ مشت لقته لسع واقف في الباب،بلسم استغربت أنه هزبر لسع واقف في الباب وتاني لما شافها بقى يضحك قالت ليه:انت لسه ما مشيت😒،هزبر خلاص كان عايز يمشي وهو يضحك لمن ما قادر يتنفس وشوية كده ينشق من الضحك،بلسم:دقيقة دقيقة،إنت بتضحك ليه؟! أنا عايزة أعرف!!.
هزبر وهو بشيل نفس وبشهق من شدة الضحك:إنتي مالك؟!وتاني رجع يضحك.بلسم:مالك كلمني؟!ولا اجيب ليك ريحان(طبعا عنده حساسية شديدة من الريحان)هزبر صحي؟!😏،بس بلسم من جنب الباب طوالي شالت ريحان،كان في اصيص بتاع ريحان مزروع جنب الباب،طوالي هزبر فصل😂:لالالالا.
بلسم:خلاص كلمني،بتضحك مالك؟!وريني بتضحك ليه؟!
هزبر:اهبشي شعرك.(طبعا بلسم شعرها غابة الامازون بس من شدة نا غزير،لكن عادي ممكن تلقى جواه قروش،حشرات،ورق،ولا أقول ليكم،اي شئ يخطر في بالكم ممن تلقه بما أنه شعرها مقصوص بس غزير شديد)نرجع:هبشت شعرها لقت جرادة خضراء كبيرة،ياخ بلسم دي صرخت لمن الله غفر ليها😂(بلسم عندها فوبيا من الجراد والجنادب)بلسم دي ماتت من الخوف عديل كده،أما هزبر تاني رجع يضحك انبرش من ضحك عديل،طبعا بلسم ي دوب ركزت في نفسها أنها ما لابسة لا طرحة ولا توب و بحامتها ضيقة عليها وأنها في باب الشارع،بلسم خجلت وطوالي قالت ليه:سيريسلي ده كله الفي الموضوع:جرادة في رأسي،تافه،تضحك بلا سنون شحادة ربي.
هزبر:ما حنك بس أنا اتكيفت وضحكت.بلسم قربت تنفجر من الغضب وقفلت الباب في وشه وبقت تنبز وتشتم فيه:ي ريت لو سمعت كلام أمي وجبت الغاز براي بنفسي،كان زفت طين هزبر ده ما جاء ولا ده كله حصل بعدين أمه زاتها شفقانة كان تنتظر الكهرباء وتجي وتعمل الفطور والغاز بنحيبوا في يوم تاني والله غايتو جنس محن.ومشت علي غرفتها وهي لسع بتتكلم وتتطنطن،دخلت الغرفة وبقت تفتش في التلفون،فتشت جيبها بس ما لقته فتشت وفتشت حتى لقته بعد تعب،طبعا الغرفة مبرجلة لمن ماف طريقة،قفلت نفسها جواه الغرفة وبقت تسمع في الأغاني وترقص ونست الامتحان بهناااك،الكهرباء جات طوالي بلسم طلعت لقت أمها جهزت الفطور ولقت نوني جات من المدرسة و فرحااانة وبترقص عديل.
آمال:حمدلله علي السلامة😂.
نوني:الله يسلمك😆.والابتسامة دي من الضرس للضرس وبقت تغيظ في بلسم:واااااع و إنتهيت،اقعدي لي إنتي،تقري وتقري وتقري،والمشكلة أنه إمتحان شهادة سودانية😂.وبقت تتضحك وامال كمان بتضحك معاها،بلسم من شدة اتغاظت منها بقت جارية وراء منى البتضحك وبلسم بتشتم فيها:ي حيوانة ي كلبة ي عفن ي بي كله.وجرت على السلم وركبت غرفتهم قبل ما تقفل الباب بلسم دخلت وراها(الغرفة مشتركة)بلسم قفلت الباب قبلت لقت منى مبحلقة فيها ومخلوعة لمن بلسم اتخلعت معاها.
نوني:ده شنو ده؟!.
بلسم:شنو؟!.
نوني:الغرفة دي أوسخ من ضميرك.
بلسم:إحساس وسختها براي.
نوني:ورح ننضف الغرفة دي لانه أمه لو شافت الغرفة دي الليلة يوم شكرنا و ح نطلع جثث من البيت ده.
بلسم:انا عايزة أقرأ.
نوني:انا قلت ليك جاك عريس وطلب يدك،ما كلها نص ساعة و ننتهي،بعدين حنكك ده بيش اي حاجة عايزة أقرأ عايزة أقرأ.نوني لقت تلفون بلسم في السرير شالته وقالت لي بلسم:دي قرايتك المجننانا بيها.
يتبع....
عليكم الله صوتوا علي كل جزء ما حاجة صعبة بس اضغط علي النجمة التحت دي🌚💕🌟⬇