لو مفكرين اننا شوفنا اخر الجنون يبقي متعرفوش اللي جاي لو مفكرين اننا جبنا أخرنا في الضحك يبقي نراجع نفسنا لأننا داخلين علي جنون وضحك من العيار الثقيل لسه فيه مغامرات كتير هنعيشها لسه في قصص حب وملاحم عشق هنشهدها ومش بس احنا ده التاريخ كمان هيشهدها و...
ركض ادهم علي الدرج وهو يرتدي تيشرته الخاص ويصرخ / ليلة ابوك سودة يا شرقاوي يا ابن ال ***** ثم ركض في الشارع وهو يبحث عن المشاجره وفي نفس الوقت خرج احد الشباب من قهوه وهو يحمل سكين كبير ويصرخ بغضب جحيمي وشاب اخر يقفز من نافذه احدي البيوت ويركض بسرعه كبيره وصل الثلاث الشباب حيث يوجد المدعو شرقاوي وهو يمسك شاب اخر ويضربه صرخ احد الشباب الثلاثه ويدعي سليم وقال بغضب / موتك علي ايدي يا ابن ال**** ثم امسك سكينة / والله القطعه واعلقه علي باب الحاره امسكه الشاب الاخر والذي يدعي شادي وهو يقول بخبث / عيب عليك يا سولي الحشرات دي هتظفر السكينة دي آخرها رشة بيرسول ادهم بتفكير / تصدق ياض يا شادي عندي سم فران معفن مش خسارة في شرقاوي صرخ الشاب الذي يُضرب /الله يحرقكم انتم بتعملوا ايه انا بخلص يا ابن الكلب منك ليه تحدث شادي ببسمة / ايه ده كريم الكيوت بقي بيشتم الحقوا يا عيال ادهم وهو يخرج هاتفه / كمان مره يا كريم بالله عليك بس بالسلو موشن عشان اسجل اللحظه التاريخيه دي نظر كريم لشرقاوس وتحدث / بقولك ايه خلص ابوس ايدك تقتلني صرخ الشرقاوي وهو يقول / جرا ايه يا حليتها منك ليه داخلين عليا وفاردين صدركم كده ليه يلا يابابا غور من هنا مشكلتي مع صاحبكم ده تحدث سليم بغضب وهو يقترب ويضربه لكمة عنيفه / وانتي بقي يا قطة محدش قالك ان اللي يلعب مع واحد من عصابه الحي بنفرمه ولا إيه نظر الشرقاوي لهم وهو يمسح الدماء من علي وجهه ولم يكد يتحدث حتي سحبه شادي وهو يلكمه بعنف اكثر ويسبه بشتائم قذرة كثيرة بينما ادهم نظر لهم ببسمة وبرود فتحدثت سيدة من النافذة / دكتور ادهم يا دكتور كويس انك جيت يا خويا كان عندي اشتشاره كده ادهم / اشتشاره؟؟ طب قولي اشتشتارتك يا ام علي ام علي / اصلي يا خويا لا مؤاخذه كل ما اجي اشهق علي الملوخيه مش بعرف ادهم / اجي اشهقلك انا طيب ولا إيه ام علي / تعيش يا خويا بس قصدي ان الشهقة مش بتخرج وبتعب في النفس ادهم بتفكير / طب سمعيني الشهقه كده وااااا قاطع حديثه ضرب احد رجال الشرقاوي له ففرك فكه بغضب وقال / طب يا أم علي ابعتيلي الشهقه في ريكورد بقي عشان فيه شويه **** عايز اسمع شهقتهم
استوووب طبعا كلنا عارفين مين هو ادهم نتعرف بقي علي عصابه الحي بالتفصيل
ادهم / العقل المدبر واُس المصايب بيته هو مكان تجمع العصابه هو وعصابته مشهورين في الحارة كلها عمرهم ماظلموا حد بس فكر تيجي علي واحد فيهم هتتفرم ادهم بارد خبيث وذكي دكتور وحنين بس لسانه متبري منه لا بيهتم بناس ولا بيهتم برأي حد عايشها وضاربها طناش دمه خفيف آوي ونص تركي ونص مصري طب ايه حكايته هنعرفها بعدين
سليم / ممكن نقول انه العضلات في العصابه دي كتلة غضب بيتكلم بدراعه بعدين يسأل ايه اللي حصل شديد وعنيف بيشتغل مع ادهم في المستشفي خشن في تعامله محدش بيتحمله غير صحابه بس قلبه قلب طفل لو حبك يبقي اضمن ان محدش ممكن يزعلك لانه هيقف في ضهرك وهيعتبرك فرد من عيلته عايش مع أمه اوخته ودول بقي حكاية كبيره لوحدهم
شادي / مفيش انثي خلقها ربنا ووقعت قدامه الا وشقطها سافل من الطراز الأول مبدأه في الحياه ( كل واحد ياخد باله من مزته) خريج تجاره وشغال مع ابوه في القهوه اللي كل يوم بالمناسبه يكسرها في خناقه من خناقتهم ويجروا كم ابوه يموت في نون النشوه عاشق لتاء التأنيث يعمل اي حاجه عشان يوصل للمزه اللي دخلت دماغه عايش مع ابوه وجدته... وجدته دي حكاية تانيه خالص لان دي تعتبر واحده من ضمن العصابه والشريكة الاولي ليهم في المصايب وبتغطي عليهم
كريم / عقل العصابه بيشتغل مهندس كومبيوتر معروف بطيبته الزياده دايما بيحب يكون في حاله بس ده ميمنعش انه زيهم واسود من حيث المشاكل دايما هو اللي بيفكرلهم في المصايب وبعد ما يخربوا الدنيا يلاقي ليهم الحل واحد من عباقره للكمبيوتر يعرف يعمل اي حاجه علي الكومبيوتر وده مهم آوي لواحد زي شادي في حوار الشقط عايش مع والدته ووالده هنعرف حكايتهم قريبا
