عودة الفراعنة (عشق تخطي الزمان) لعنة الفراعنة الجزء الثاني ( جاري تعديل السرد )

الفصل العشرين

"و لعلّ ما انفطرَ عليه قلبكَ يومًا،
لو عُرض عليكَ اليوم لرفضته بملءِ القلب و الفمّ... لأنّ الله يعلم و أنتُم لا تعلمون! "

يا سيّد الثقلين عشت يتيما
واختارك الباري فكنت عظيما
يا من تُحبّون النّبيّ محمدا
صلّوا عليه وسلّموا تسليما💦

نظر سيف لوالده وهو يغمض عينه بألم ودموعه تهبط بشده بينما تيتي تنظر له وهي تحاول أن تتماسك فهي تكاد تنهار مما تري امامها
ضم سيف شفتيه بعنف وهو يغمض عينه بشده ومشاهد له مع والده تعاد امام عينه
( سقط سيف البالغ من العمر ٧ سنوات فنظر ليده بألم وامتلئت عينه بالدموع فوجد والده يركض له وهو يحمله بحنان ويمسح رأسه ويقبل يده / حبيبي بتوجعك
نظر له سيف الصغير بدموع / اتعورت يا بابا
ابتسم له ابريس وهو يهمس / وسيف بطل مش بيعيط صح؟؟ اسمع يا سيف يمكن يجي يوم وتتوجع وممكن وجعك يفوق تحملك وهتحس للحظات انك مخنوق ومش قادر تكتم وجعك في الوقت ده تبعد عن الكل وتصرخ باعلي صوت خرج وجعك كله بس بعيد عن الكل عشان محدش يشوف ضعفك اصرخ جامد وبصوت عالي وقول يارب وقتها هتحس وجعك خف كتير
نظر له سيف ببراءه / يعني لما اصرخ مش هتوجع
ضحك ابريس وهو يحمل سيف علي كتفه / آيوه يابطل مش هتتوجع بعدين أنا واثق في ابني قوي ومش اي حاجه هتوجعه تعرف ان دي الطريقه اللي علمتها ليا ميسره ولما بحس بوجع بعملها
ضحك سيف بشده وهو يضم رأس ابريس ويقبلها / بحبك اوي يابابا
ابريس بحنان /وبابا بيحبك يا قلبي)
نظر سيف امامه لابريس وهمس / بس الوجع المره دي كان شديد يابابا كان شديد آوي
ثم ركض للخارج بسرعه كبيره وهو يبتعد عن الكل حتي وصل لمكان معزول تقريبا ووقف فيه وهو يتنفس بعنف وصدره يعلو بشده وكلمات والده تتكرر في اذنه مرت ثواني وهو علي تلك الحاله وفجأه صرخ صرخات هزت الارجاء من قوتها كان يصرخ بحرقة قلب كان يصرخ بعنف / ياااااارب الوجع زاد مش قادر يااااااااااارب
انهي كلماته وهو يسقط أرضا ويصرخ بوجع بينما كانت تيتي تقف بعيدا عنه وتنظر له وتبكي بشده عليه ولكن تكتم بكائها بيدها
استمر سيف في بكائه العنيف لدقائق طويلة وتيتي فقط تراقبه من بعيد دون التدخل حتي تتركه ليفرغ وجعه
بينما كان عدي ما يزال يبكي كطفل صغير في الغرفه بجانب ابريس وهو يمسك يده ويقبلها ودموعه تهبط علي كف ابريس /  متسبنيش يابابا بالله عليك اوعي تعمل فينا كده هنموت في بعدك يا بابا احنا ولا حاجه من غيرك
ثم ارتفع نحيبه بشده وهو يتحدث / هنضيع من غيرك ارجوووك يابابا ارجوك
دقائق وكان سيف يدخل للغرفه بعدما تماسك قليلا وأعاد الجمود لملامحه
واقترب من عدي وجذبه لاحضانه بينما اخذ عدي يبكي بشده / بابا يا سيف بابا، هو مش هيسيبنا صح مش هيسيبنا
نظر سيف لابريس بوجع وهو يهمس / ربك كبير يا عدي ربك كبير