عودة الفراعنة (عشق تخطي الزمان) لعنة الفراعنة الجزء الثاني ( جاري تعديل السرد )

الفصل الواحد والعشرين

واحد صاحبي سألني وقالى انه بيبقى مضايق  لما حد يجرحه او يهينه ومايردش عليه!! ...وان الناس بتقول عليه طيب بزيادة !!

اديته قلم جاف وقولتله اكسرة....فكسرة !
اديته استيكه وقولتله اكسرها...فضل يعافر لحد اما قطعها!!
قولتله أنى الاصعب؟..قالى الاستيكه!
قولتله على الرغم من هى أضعف من القلم فى الشدة بس هى مرنه

اهو قلبك عامل كدا بالظبط لو بقى قاسى وبيرد هيفضل يجرح ويكسر ويتكسر
لوبقى مرن وبيتقبل هيتجرح ويجرح بصعوبه !
و سيدنا النبى بيقول  " اقرب المؤمنين مجلساً منى يوم القيامة الموطئون اكنافا الذين يألفون ويؤلفوون " !
و ان من أشر الناس منزلة عند الله يوم القيامة من أتقاه الناس لفحشه ولسوء لسانه !

فكون انك طيب  وقلبك مختلف عن قلوبهم مش معناة ضعف منك
انت جواك نعمه اتنزعت من قلوب كتير اسمها "الرحمه"
فخليك دايما استيكه مش قلم جاف!!

يا بائعا في أرض طيبة عنبر
بجوار أحمد لا تبيع العنبر
إنّ الصّلاة على النبي وآله
يشدو بها من شاء أن يتعطر.
صلواعليه ما استضاء بنوره🌸

في صباح يوم جديد كانت كريمة تنام بهدوء وهي تحتضن صلاح وتبتسم بسعادة ويبدو انها تحلم حلم جميل ولكن فجأه استيقظت بفزع هي وصلاح وهي تضم الملاءه برعب لجسدها برعب وهي تلطم / يا مري يا مري اتقفشنا يا صلاح هيقتلونا ويغسلوا عارهم
ضربها صلاح علي رأسها بحدة / مرك مين يابنت الفلطوس انتي مراتي يا هبلة د ده احنا عدينا العشرين سنه متجوزين بعدين بتشدي الملايه عليكي علي أساس انك لابسالي  الاحمر والاخضر اشحال مانتي لابسه بجامتي يا شحاتة
كريمة بتذمر / جرا ايه يا صلاح مش كنا خلصنا من حوار البيجامة ده وقولتلك اني اخدتها عشان مريحه
تحدث صلاح بسخريه / ده وضع يد يا روحي روحي يا شيخه الله يسامحك
نظرت له كريمة بغباء وهي تبعد الملاءه / انت مش مسامح فيها يا صلاح
صلاح ببسمة باردة / لا مش مسامح
كريمة بسماجة / اخر همي
وما كاد يجيب صلاح حتي سمعوا صوت الصراخ مجددا فنهضت كريمه وهي ترتدي اسدالها بعنف وهي تتحرك للخارج / نهار ابوك اسود ياللي بتصرخ علي الصبح كده
ثم وقفت علي السور المقابل لغرفتها والذي يشرف علي الدور السفلي وجدت احمد يقف أعلي الطاوله وهو يصرخ فصرخت بدورها / جرا ياض يابن جاسر يا معفن بتنادي في سوق ولا إيه يا خويا
نظر لها احمد بحنق / ادخلي يا كريمة نادي جوزك عشان هعملكم جريمة هنا
رأيت كريمة نيرة التي تدخل وخلفها جاسر ونسرين وحسام والجميع فاشارت كريمة / امسكولي الكلب ده لحد ما انزل
خرج مراد وطمطم وصلاح وهم ينظرون بتعجب لما يحدث بينما ركضت كريمة علي الدرجه وهي تخلع نعلها وتلقيه بحدة علي احمد  الذي انحني بسرعه فامسك جاسر النعل وهو يتحدث بضيق/ هو مفيش يوم هيعدي علي العيله دي بسلام
حسام ببسمه باردة / وكريمة ونيرة في العيله؟؟؟ ما ظنش ان الحلم السعيد ده هيتحقق
اقتربت كريمة من أحمد / جرا ايه يا ديك البرابر نافش ريشك علينا ليه من الصبح يا خويا
احمد وهو ينظر لصلاح / انت وعدتني انك هتكتب كتابي انا وفاطمة يا عم صلاح ولحد دلوقتي محدش جاب سيرة الموضوع تآني
كريمة بحده / هو ده الموضوع طب ايه رأيك معندناش بنات للجواز يلا بقي وريني هتعمل ايه
هبط احمد من الطاوله وركض لكريمة وهو ينظر لها بشر فامسكه حسام بينما احمد يصرخ / سيبني بس يا عمي انا مش هعمل حاجه انا هقعنها بهدوء
كريمة وهي تختبئ خلف صلاح / اوعي تسيبه يا حسام احسن والله اخلي نيرة تنكد عليك
نظر حسام لنيرة فهزت رأسها ببسمه باردة
ضحك جاسر بشده / خلاص بقي يا جماعه ده عيل دماغه جذمه حددوا ميعاد ونكتب الكتاب ونخلص
احمد باعتراض / دلوقتي تجيبوا المأذون دلوقتي والا هقتل كريمة
كريمة بتذمر وهي مازالت تختبئ / الله وانا مالي يا لمبي ان شالله تولعوا انتم الاتنين
نظر احمد لنسرين وتحدث / زغروطة يا نسرين
أطلقت نسرين زغروده عالية بينما الجميع يضحك علي كريمة