شمووخ
بقلمي ... رونق السلطاني
_________________
غالي ... الووو السلام عليكم انصاف
انصاف ... كل الهلا اي عيوني تفضل
غالي ... تعرفين مياده وين تدرين بيها ....؟
انصاف ... منو انت ولك احجي وينها شو منو ميخلصك مني اذا تلمس شعره منها
غالي ... عرفتيني اني منو ....؟
انصاف ... اكولك هاي الكلاوات مو عليه عرفتيني وما عرفتيني مياده وين صارلنا تلث ايام مشكوك حلكنا وندور
نزال ... انطني التلفون تا اشوف هالكو***** منهو هذا وجاي يلعب علينا
انصاف ... اكعد انت خلي افتهم بس تكمز فوك راسي مثل القرد
اي عيوني ولا زغرا بيك ما عرفتك
غالي ... اني غالي تذكريني لا ..؟
انصاف ... يبعد عمري اي عرفتك هلا يبعد گلبي يمعود وينك من ذاك الوكت ما شفناك شلون صحتك
غالي ... مو وكت هالحجي ست انصاف مياده هسه خابرتني تبجي مو حافظه بس رقمي وصتني ابلغج هي عند سماهرر تعرفيها مووووو...!
انصاف ... صخام الصخمج انصاف وعزا العزاج فدوه العينك تعال عليه
دا ارجف ما بيه اسوق وهذا رجله مثل الشاذي يكمز فوك راسي تعال على هذا العنوان فدوه لعيونك الحلوه يبعد روحي
نزال ... اشو انتي ما تحترمين شنهو قرد شنهو شاذي لو ما جبيره الا اثرم حلكج اكيد هذا واحد من كواوي**** هو لخاطفها وروح ابويه اذا طلع مسويلها شي الا احرك بغداد على راسج
انصاف ... دكعد راحه يمعود ليطك بيك عرج مو سطرتني وانت تكمز
رن جرس الباب راح نزال يركض يفتحه
نزال بتعجب وعيونه نطت ... غالي انت شسوي هينه عين عليه وعين
على انصاف وضرب الباب لتخبلوني انتي منين تعرفي وانت مسوي
نفسك شريف بروسنا وتاليتك تطلع بحضن الكحاب هاااا يول هااا احجي
غالي ... لتخليني افلش اسنونك بحلكك لتعلي صوتك انت مو بشارع ولا بيت الخلفك شسوي هينه
انصاف ... فدوه هاي شنو راح تلمون العماره علينا امشي خلي نلحك
نروح اشوف بتي وين شصار بحاله هسه وانت مو وكت صياحك الحك شوف مرتك .....فدوه لكلبك ما كلتك وين ماعرفت العنوان هالبربوك سماهرر ولك مياده عد سماهر يمصخم
نزال ... يا سماهر يالكعبه شجاب سماهر على مياده وانت شجابك عليهم منين تعرفهم يالكائانات يالسماواااات يول عندك علاقه بمياده لو بسماهررر
غالي ... وخر ايدك ولتجاوز كافي تهوبز وتكمز وامشي اخذ انصاف وروح شوف مرتك وين وبعدين نتفاهم
انصاف ... فدوه لگلبك غالي لتعوفني وحدي رجلي على رجلك يله عيني يله يمه مياده يمه بتي
