/// شموخ ///
بقلمي ( (رونق السلطاني))
✨✨✨✨✨✨✨✨✨
انت فقط من يلفت انتباه قلبي دائماً ❤️
منال ... جان كلتيلي اني احضر الحمام وملابسه وانتي اسوين عشى
وين الجنطه اني ارتب ملابسك وغراضك خمو تبقى بالجنطه
بكل عينه صلفه راحت لغرفة يسرى سحبت الجنطه وبغرفة الولد كعدت ترتب ملابسي
كمت سبحت طبيت لغرفة امشط ما احس الا الباب انطبك !
التفتت ورايه هاي منال واكفه ورا الباب تخبلت يولي انت براسج عگل شسوين هين ما استحيتي تريدين تلبسينا مصيبه امشي اطلعي برا ليجون اخوتج من الله يفين حظج ... مكدر اعلي صوتي صاك على اسنوني واحجي اني ناقصني حرك اعصاب
واكفه تفرك بديها عود مستحيه ... عفيه غالي يمته تحس بيه كلما اشوفك اهجس گلبي يريد يطلع من مكانه حتى يكوم يوجعني ادري بيك تعرف اني احبك بس متريد تحجي
خبال لخبلج بكل عين صلفه واكفه تعترفلي .... يطلع من مكانه يبقى بمكانه اني شعليه بي شبيج يابه تخبلتي تحبيني رحمه الله والديج اني شسويلج وخري يابه وخري انتي مو صاحيه تريدين تبليني بيج
مشيت خطوه وگضبت ايدي
كشت روحي وكزبر جلدي بحياتي ما گضبت مره ... سحبت ايدي
يا يابه انتي واعيه على نفسج شجاي اسوين عيب يبنيه حلاتج بثگلج وبعگلج يعني شكثر احبجن واحترمجن والجن معزه من معزة خالتي واكثر وحاسبجن خواتي ليش تخليني اغير نظرتي عليج هسه انتي شسويتي بتصرفج الارعن هذا طحتي من عيني
انتبهي على نفسج وبطلي حركات المراهقه انتي مو زغيره عمرج 20 سنه واعيه وبالغه
فتحت الباب وطلعت دمي فاير !
لو الي سلطه عليها الا اخلي كلبها يطلع من ظهرها خجل ماكو هي نكطه لو بحر ... مو بنوات مصيبه خالتي خوش مره ما تطلع منها العيبه حتى خواتها مو مثلها ثكيلات يستحن يسلمن عليا
بس هالمصگوعه عينها صلفه !
طبيت لدوانيه نشفت شعري واستغفر .... گلبي يفور عليه اريد اكضبها اخلي اجنوبها زرك ااااخ لو اكدر لنسيها حليب لرضعته
جابت يسرى العشى ... غالي وين صافن اكعد تعشى
وين اختج خلي تجي تتعشى خمو بعدها تبجي ؟
