شموخ
بقلمي ... رونق السلطاني
اقسى انواع الشوق ... هو ان تشتاق لشخص غائب عند ربه
💔💔💔
حين يتحدثون عن الموت ، تقف غصات متتابعه في حلقي
لا استطيع الحديث ولا اقوى ابتلاعها اقف حائراً اردد ربي
ارحم ميت ما زال في قلبي حياً .....! غالي ....💔
عاليه ... على كيفك راح تكلب بينا السياره الله عليك اهدا شوي
غالي ... الووو وينكم اي اطبك على صفحه لتكمل جايك اخذ ابني
اخذها وياك وما اريد ادحك خلقتها بعد كتلها لتاخذي عليش تجذب عليهم وماخذته لتحجي زايد اكف بمكانك يله
عاليه ... هاا وينهم
غالي ... هين گريب بس اكضبها لشرب من دمها لو بطنها عشره
عاليه ... ما نكدر عليها من حبلت لليوم متخبله من جتي سمره
دكوللها راح اضلين هين زعلانه ارجعي لرجلج الغرفه اريدها اسويها لولدي
غالي ... ادري بيها مراقبها واعرف سوالفها اريدها بس اجيب تا اكضبها لباب واريح راسي
عاليه ... مو هذيج سيارتهم اكف اكف لتكلبنا
مطر والسيارات تمشي سرعه جدامنا افتر عليهم الكوستر ويمرد السياره
جان واكف بصفحه حدرنا نركض الكوستر فوكاهم والسياره من فوك طبكت عليهم جم سياره وكفت وكله التمت اتصيح الله الله الي يخابر عالاسعاف والي يخابر الشرطه ومعارفه الدنيا ادك مطر فوكانا
الدنيا بعدها بخير وبيها ناس طيبه وكله مدت اديها تساعد ابو الكوستر مضروب براسه بس ما بي شي غالي والزلم كسرو السياره تا يفتحون
البوب يصيح بعلو صوته ابني هين يولو حمودي بابا لتخاف هسه اطلعك
واكفه وادك على راسي تكربت منهم خاف هاي مكشفه طالع منها
تا استرها واغطيها ياريتني ما تكربت عليهم الضربه كله جاي براسهم
اخوها علاء ممرود وهي غركانه بدمها وجهها ما يبين
مد ايده طلع حمودي يا وليدي الدم نافوره ينبع من راسه
شعرات الحلوات صبغهن الدم ويگلب بعيونه واحد من الزلم
كسر صندوك السياره ركضت ويا فتحت الجنطه طلعت منها هدوم
اخذت من شالاتها لفينه راسه
غالي يصيح بعلو صوته ول ابويه انت يا وليدي تسمعني باباتي
ياااا الله يااااا الله حاضنه حيل ضامه على صدره ويغطي بي
وصلت سيارات الشرطه اسعافات اثنين اكرب شي علينا سامراء
نقلوهم بالاسعاف صعدت ويا كالو بعد بي نبض ابوه انتهى وهو يدحك عليه
اهجس الدرب شبعده صار علينا ماخليت ايه ودعاء ما قريته
وصلنا المستشفى واخذوهم ركض دخلوهم وغالي وياهم دخل
يريد يطلعو ما قبل يصيح ابني هذا ابني علاء بمكانه مات زهره
ويه ما وصلو كال الدكتور ماتت حاولو ينقذون الطفل يطلعو بس
بعدها بدقايق مات
