شموخ
بقلمي .... رونق السلطاني
حين يراقصني
مهد عينيك
ولحد شفتيك
يذوب فيك
عشق
وحب
لاينطفيء
تعالي
منك الي
راضية مرضية
ونامي
في صقيع القلب
كي احلق بك
على وجه جنوب البلاد
واستقي من عينيك
جمرات حب
ويذوب
يذوب في شفتيك
ويذوب جسدي
وتلتهب اعماقي
وانا
انا
من دونك
حي
ميت
علي قيد الحياة
الصاهلة
.....
طلعت لكيتهم نايمين فتحت الجنطه اخذت التلفون وصورتهم
اكثر من صوره
مشيت للجهه الثانيه بهدوء كعدت ايدي ترجف مديتها على شعره
اتلمس بي شكد حلو تلمست ملامحه هدومه دنجت ابوسه شميت
ريحته ريحت ابوه بي جكاير وعطر غمضت عيوني ورجفت شفايفي
ورجفت روحي عليه
تحرك غالي فرك وجهه فتح عيونه يدحك عليا
كمت مرتبكه عبالك مسويه شي جبير
عدل نفسه ... تعالي نامي
شنون انام وانتو هين نايمين
نامي يمنا هذا مكان شكبره لو يضايگج
اخذت هدومي اريد البس بالحمام مريت من يمه
كضب ايدي جرني عليه كعدني على رجله
باسني من خدي سحب نفس اوووف سنين واني اتحسرعلى هاي الريحه
البسي وتعالي امشطلج جثير مشتاك وعيونج
كمت وكفت وهدومي بيدي
كتله ... راح اطب النار من وراك متخبل فرد نوب تفشر وناسي الحلال والحرام
مخاد اثنين ورا ظهره شابك اديه اثنينهن ورا راسه يدحك بعيوني مبتسم
-هاي النار اني طابها مابيه مجال رجال عندا نسوان اثنين ومو عادل بيناتهن ويوم القيامه يجي شقه مايل تقبلين ادحكين حبيبج نصه مايل ونص عدل ...؟
-نسوان اثنين لو تلاثه ...؟
-اوو نسيت الثالثه عجل اجيجن يوم القيامه مطعج تقبلين ..؟
-اني مطلكه شعليه بيك روح اعدل بين نسوانك محد كاضبك
طبيت للحمام لبست وطلعت لافه الخاولي على شعري اشوف الواحد اثنين جدامي من كثر ما دايخه وتعبانه اريد بس انام رطبت اديه ورشيت عطر
ريحته هادئه وبارده شلت العلبه اقرا اسمه ..شانيل شانس فيفا رجعته بمكانه ....
التفتت صافن عليا ... شبيك هيج ادحك جريت عيني وخرت الخاولي
من شعري خاف عطر مرتك الجديدة ناسي هينه شو مبين عينك عليه
