///شموخ ///
بقلمي ((رونق السلطاني ))
✨✨✨✨✨✨
ليت بيدي حيله تقودني نحوك
تجعلني بين ذراعيك الان
ليتني شيئاً قريب منك ولا يفارقك ابداً !
عاليه .... طلعوها من العمليات تهذي غالي
ركضت عالممرضه حجيت وياها غير تخلوها تصحى عود اطلعوها
الممرضه ... هسه تصحى خاله دوختنا ذيب ويجلط غالي حبيبي
- عزه عليج شموخ هسه تسمعها امها وننفضح خلي اخابره يلهي امين
هااا اي اي طلعوها راح تمنجدنا تصيح بأسمك لتخلي امين يجي اي لهلي بين متصحى راح انجلط من وراكم
سديت التلفون حطيته بجنطتي وركضت كعدت يمها واصفك بيها راشدايات يمعثوره اكعدي انفضحنا
لسانها ثگيل واجر بالكلمه جر تأشر على بطنها هين شسولي نزعوني هدومي غالي احبك
صفكتها على حلكها وكرصت خشمها حيل اريدها تكعد من نعلا عليكم انتي ويا ول يمه شموخ غزاله اكعدي وليدي شو افتحي عيونج هاي امج تبجي عليج خطيه
- جذابه متحبني بس ذيبي يحبني جيبوليا اريده عليش عافني
فضحتنا يربي شنون بلشه ابتلشت بيها هم زين امها ماجاي تفتهم عليها ملتهيه بتلفون تحجي وتبجي اطمنهم عليها
مسحت وجهه بشوي مي فركت خشمها يله شوي وعت على روحها
شموخ ... وعيت على روحي عمه تضرب بوجهي افتح وارجع اغمض والوجع يذبح عبالك شياش بطني عندي لعبان نفس وحلكي يابس لساني يطبك على لهاتي من كثر الجفاف طلبت من عمه مي شوي قطرت بحلكي
امي تكلطت يمي مدري شعجب باستني وخايفه عليه هم زين طلعت تحبني مسامحتج يمه عبالي گبل متحبيني
دك تلفون امي ردت عليه وتحجي عرفته نزال كالتله زينه هسه طلعوها عجل انت وين موكلت اجيكم هاا يلا عجل يمكن باجر نجي
متت قهر اخويه الجبير مقام ابويه ويدري بينا هين وعندي عمليه
وهسه من الصبح يحدر لديره بجذب ما كال شنونج شبيج مابيج
لو خايف ليدفع جم فلس ويخسر
بعدني عايشه براتب تقاعد ابوي وكمال مدري شعجب شال فلوس
وحطها بيد امي واحنى بهاي المستشفى الله ليعلم شكثر راح ندفع بعد
جتي الممرضه انطنتي مسكن طب امين سلم عليه وكعد يمي
ادحك عليه الخوف مبين عليه كال ... يول ام عيون الهايشه طلعتي غاليه واحبج يمصگوعه بجيت عليج نزلت دمعتي جم بيضه طلعو منج
