///شموخ///
بقلمي (( رونق سلطان ))
✨✨✨✨✨✨✨
أرفعي لثامج فوك وأرحمي خفوگي
يا ذا العيون إللي ذبحني غلاها
نظرة عيونج عود .. لمع البروقي
أرحمي قلوباً ❤ ما تقاوم حلاها
جى واحد بتجاهي يركض يركض ..... خفت منه وركضت بنص الزرع وهو يركض ورايه رفعت ثوبي والجبه واركض رجليه اجرحت من الزرع جثير خفت جتني البجيه يربي استرني
التوبه بعد اذا اطلع
انلزمت من ملابسي من وراه
صرخت لا وخررر عنيييي اميييييييييين
وهو مجلب بيا ويعت بحجابي ... خفت اهجس دمي نشف
وخنكني من كثر ما مجلب بيا
سمعت صوت رجال صاح عوفها عوفها
وصل يمنا وبيده ضوه المبايل وجر الوليد مدري رجال
ولك حماده شسوي هين وعليش تركض وراها جم مره كايلك
لتسوي هيج وتخليهم يخافون منك .. مو بعد محد يحبك وحتى اني بعد ما احبك
منو كالك اتسوي هيج هااا احجيلي يله
حماده ...هذا هذا جفص
شهكت هذا حماده المنغولي وجعيفص الجلب هو دازه عليه يا يابه شسوي بيك اليوم
بعدني منطيتهم ظهري واكح وحيلي يرجف
اخذت نفس ومسحت وجهي ولفيت حجابي تلثمت بي ودحكت عليهم
سويت نفسي قويه ومو خايفه تنحنت وعدلت نفسي ونفخت ريشي
وهو بعده يحجي ويا بش شنهو كل كلامه بلطف
روح لبيتنا يله تا تتعشى ويايه مسوين دجاج شوي انت مو تحبه وبعد لتسوي هيج يله بالعجل روح
حماده ... يله يله بيب بيب .... بيب بيب راح اروح بسياره
وراح يركض بس العجاجه ورا ... خرطت العافيه من الهبطه
ضليت واكفه وعيني بعينه ... يبوووو فشلانه بعدت نظري عنه
حجه بصوت ناصي وحنين ما اعرف شنون جانت نبرة صوته بس حلوووه
غالي ... شمطلعج هالحزه ماخفتي على نفسج بهاليل
رديت عليه برتباك وگلبي يركص .... مو شسمه هذا المصگوع ميجوز مني ومن ورا طلعت اريد هذا كمت اكح مدري شصار بيا
