شموخ
بقلمي ... رونق السلطاني
أسوأ أنواع الاشتياق
ذلك الشوق الذي يغلي في الصدور
وذلك الحنين الذي يكاد يختنق له القلب
فتشتعل الروح
وقد مسَّها الشَّغف نحو من نُحب
هذا الشوقُ الجارف وهذا الحنين
يدفعنا إلى البكاء سراً
يؤرقُنا السَّهر في انتظار عودة الحبيب
وأصدقُ كلمات الحب والمشاعر
ما يقال في لحظات البكاء.
💔💔💔💔
مياده ... عياط وهوسه اطباء لتمت اجى دكتور بعده شاب
دحست نفسي ويا ودخلت ..
غالي ساد خشمها وينفخ بحلكها
مثل المخبل ويظغط على گلبها ويرجع يضرب على وجها ويصيح اكعدي
نايمه انتي نايمه افتحي عيونج اني هين وياج غزالتي اكعدي شو دحكي عليا
صاح الدكتور الشاب وخر اخي منو انت شصير منها
صاح بي شنهو اوخر شعليك انت منهو اني لازم اكعدها نايمه هي نايمه
الدكتور طلب ابره منشطه للقلب اخذ مكص كص فتحه من يم القلب
صيح غالي شتريد اسوي
الدكتور اطلع برا ميصير هيج ضربها الابره وسوالها صدمات
وربط جهاز النبض يريد يظغط على گلبها ماخلاه كاله اني اسويلها
ضل يظغط وينفخ بحلكه يله اكعدي اكعدي
اشر جهاز النبض
كله صاحت يا الله يا الله حطولها أوكسجين وضربها الدكتور ابره
بالوريد ونقلها فوراً على غرفة الانعاش تحت المراقبه بس الدكتور
بقى يمها وطلعهم كلهم برا واكفين نباوع من الجام مكتف اديه واكف
يراقب النبض بعده ضعيف
هي ساعات مرت لاكن صعبه حيل تلفت اعصابه مضل بينا حيل
رجفه وخوف من فقدان عزيز على گلبك هو اصعب شي بهاي الدنيا
امين كاعد بالكاع وراسه بين رجليه
شروق انتهت من العياط والبجي كاعده وراسها عالحايط
اما غالي اااخ شلون اوصف حالته واكف بطوله يباوع عليها من الجامه
ومن داخله منهار العيون حمره وجهه اصفر كل ساعه يمسح وجهه ويلتفت
علينا
طول الدكتور واحنى ننتظر والانتظار مثل الواحد ليتكلب على جمر
الاجهزه بديها وصدرها الأوكسجين على خشمها مغمضه عيونها مثل الطفله
ما ادري شكد مر الوقت طلع الدكتور كلنا ركضنا عليه انريد كلمه اطمنا
الدكتور ... سبحان من يحي العظام وهي رميم الله كتبلها
عمر جديد سكته قلبيه وعدتها وهيج حاله ما مرت عليه ابد حالياً دكات القلب تعلى وتنخفض هي تعاني من مشاكل بالقلب..؟
