Minsan talaga dahil sa madalas na tayong tulala
Ay nasa ulap lamang ang hindi pa naisusulat na mga tula
Nalimutan na ng maharot na isipan ang tumingala
Naghihintay lamang na bigkasin at paglaruan ng dila.
Minsan ding ninais na ang alindog mo ay maitipa
Pambihira mong taglay na sa ay humalina
At tuwing maririnig ko ang iyong tawa
Para bang dinidilaan ang aking mga tenga.
Minsan kong nilingon ang bulong ng mga tala
Narinig ko'y pagsiklab ng digmaan ng mga bathala
At ikaw ang bumulabog at nagpa-init nitong hiraya
Paalala na tayo'y ipinanganak na may isip na malaya.
Minsan ko pang-ilalahad ang pagtatangi ko sa aking bawat likha
Na ikaw ang laman, ang luntian at pagkamangha
Hayaan mong tangayin ng harana sa langit ang ating mga paa
'Pagkat nasa ulap lamang ang hindi pa naisusulat na mga tula.
YOU ARE READING
The Hidden Poet
PoetryA compilation of self made poetry that came out from my head during tough times, boredom and specially in time that I'm in love with someone else.
