Find My Bearings | ဘာသာပြန် [Main Story Completed]

ကမ္ဘာလောကကြီးကနက်မှောင်နေပေမယ့် မင်းကတော့ပန်းရောင်သန်းတယ်

Translator: youtiao
Editor: dounai & mantou

ကမ္ဘာလောကကြီးက နက်မှောင်နေပေမယ့် မင်းကတော့ ပန်းရောင်သန်းတယ်

.
△

နှစ်အစတွင် အသံလွှင့်ဌာနတစ်ခုမှ မျက်မမြင်များအတွက်ရုပ်ရှင်ရုံနှင့်ပတ်သတ်၍ အထူးသတင်းထုတ်လွှင့်ခဲ့သည်။ အဲ့ဒီနောက်တွင် ရုပ်ရှင်ရုံသည် နှစ်ရှည်လှူဒါန်းသူများရရှိခဲ့သည်။ ဒါ့အပြင် Volunteer အသစ်များလည်း အစုလိုက်အပြုံလိုက်ဝင်လာကြသေးသည်။

လက်များတော့ အလုပ်တွင်သည်ဆိုသည့်အတိုင်း ရုပ်ရှင်ကြည့်ခြင်းအပြင် စာဖတ်အသင်းကိုဖွဲ့ကာ တေးဂီကသင်တန်းကိုဖွင့်လှစ်ပြီး နွေဦးရာသီတွင် သစ်တောပန်းခြံများသို့ ပျော်ပွဲစားထွက်ရန်လည်းဖွဲ့စည်းခဲ့သည်။

နွေရာသီအားလပ်ရက်တွင် ကျောင်းသူကျောင်းသားလုပ်အားပေးများလည်း အဖွဲ့ဝင်လာကြရာ အနီးနားမြို့သို့ အလည်အပတ်ထွက်ရန် သုံးရက်ကြာခရီးတိုတစ်ခုကိုစီစဥ်ခဲ့ကြသည်။

နေ့ရက်တို့ဟာ ချန်းကျိုအတွက် နှစ်များအလားပင်။ တစ်ရက်သာကုန်သေးပြီး သူနောက်ထပ်နှစ်ရက်သည်းခံရပေအုံးမည်။ မဟုတ်လျှင် သူ့အားကလေးဆန်သည်ဟု ထင်ရပေမည်။

ဒုတိယရက်တွင် သူထပ်၍ထိန်းမထားနိုင်တော့။ တစ်မနက်တည်းမှာတင် ကျိရှောင်ပေကို သုံးကြိမ်နှောင့်ယှက်ခဲ့သည်။

ကျိရှောင်ပေက ခပ်တည်တည်ဖြင့်မေးလိုက်သည် "ချန်းကျို ဒီနေ့အလုပ်မသွားရဘူးလား?"

"လွမ်းတယ်ကွာ ၊ အလုပ်လည်းမသွားချင်ဘူး" ချန်းကျိုက ပြောင်ပြောင်ဘွင်းဘွင်းပင် ပြန်​ဖြေလိုက်သည်။

ကျိရှောင်ပေခမျာ ထို​တဲ့တိုးစကားများကိုကြားသည့်အခါတိုင်း ရှက်ကိုးရှက်ကန်းဖြစ်ရသည်။ "အာာ... ကျွန်တော်မနက်ဖြန် ပြန်လာမှာလေ"

ရလဒ်အနေနှင့် ချန်းကျိုသည် သုံးရက်ပြည့်သည်အထိ စိုးရိမ်ကြောင့်ကြ ဗျာပါရများဖြင့် စောင့်မျှော်ခဲ့ရသော်လည်း ကျိရှောင်ပေက နောက်တစ်ရက်ထပ်မံနောက်ဆုတ်လိုက်သည်ဟုပြောလာသည်။ ချန်းကျိုမှာ မူးနောက်လာသလိုပင်ခံစားလိုက်ရပြီး "တကယ်​ကြီးလား? အချိန်ထပ်ဆုတ်နိုင်သေးတယ်ပေါ့?"