حبيبتي المجنونه الجزء الثاني و الثالث

فضفضه ❤

اذيكم يا شباب عاملين ايه حابه اوضح كام نقطه كده بخصوص حلقة امبارح و اجو من اي شخص متابع الرواية ان هو كمان يناقشني ...

1__ ان الموت بقي اوڤر في الرواية و اني عشان اعمل تشويق و اعمل اي حاجه تشد متابعين و خلاص اموت ابطال و اطلع اعيشهم تاني و الحكاية بقت فيك و ممله جدا .... اولا يا جماعه نكون متفقين ان اي كاتبه او اي حد بيكتب عموما بيكون عايز متابعين و روايتو تتشهر و دي حاجه و لا حرام و لا عيب و انا مش بهاجم اي رأي ناقد لاء انا بس بتكلم معاكم و بوضح اولا مثلا موت ادهم انا كنت عملالو حلقات تشوقيه و اقتباسات قبل ما اكتب الجزء التاتي يعني قبل حتي ما الرواية تتشهر اما بقي لما روان ماتت اول حاجه خاالص و هي وقت ما اضربت بالرصاص ده ليه دور مهم جدا في الرواية و ان كمان يعني اللي ملاحظ هيكتشف ان لسه (((القاتل ما ظهرش )))

ااما اختلافكم علي حلقة امبارح سواء بقي ان ده حلم او لاء و رأيكم كان كاالاتي ...

ان لو حلم اوڤر و معروفه ....

لو مش حلم اوڤر برضو ....

يعني ف كلاتا الحالتين اوڤر بس خلينا معا بعض واحد عدو معايا كده

(مافيا ... كان بيعذبها في الاول ... قتال قتلة و القتل بالنسبه لي حاجه سهله ..و و و )

لسه علي اول باب التوبه واحد قالو مراتك الميته عايشه و ان في واحد كمان لسه نازل من عندها ده نحمد ربنا ان ما فجرش روان 😂😂😂ده طبيعي ردة فعل اي حد يا جمااعة الخير

ده في حالة ان حقيقه

اما لو حلم ف ده ما هيخلي ياخد بالو من تسرعو ف اي وقن و هيكون ليه حاجات تانيه في الروايه مترتبه علي ده ...

الرواية و الله يا جماعه ف اخرها و خلاص بتخلص 🙂🙂السؤال ده و الله تعبت منو بحسكم عايزين اخلصو مني و ان انتو متخيلين ان رواية لسه مخلصتش داخله علي الربع مليون كلمه ! متخيلين الارهاق و التعب طيب و الله الحلقه القصيره اللي كا بتبقاش ااقل من (2500) كلمه بتاخد علي الاقل اربع ساعات فا تعب جامد و الله ....

و التأخير ده صدقوني اللي متابع الرواية من زمان عارف ان الجزء الاول خلص ف وقت قياسي جدا جدا كمان و بعض الفصول من الجزء التاني ...بس انا حصلي ظروف مكنتش بقدر حتي امسك الفون عشان ااقول مش هقدر اكتب حلقه و الحلقه القادمة بإذن الله بكرة او بعدو لو اتأخرت ....

و اللي بيهاجموني (الكلام ده خارج من الكلام الناقد للرواية خاااااص بس بالمهاجمين عشان محدش يقولي اي رواية ليها راي نقد و ايجاب انا عارفه ده و متقبله كمان و في الاول و الاخير بفضفض معاكم❤ )

اللي بيهاجموني و بيعملو بلاغات علي الرواية و انا مش فاهمه حتي ليه السبب الرواية لحد الان جالي ٣ عقود بيع ليها و كام منهم عقد واصل لحد 500 دولار علي الجزء بس للبيع الحصري و انا مش موافقه امسحها من علي الوتباد ل اي سبب عشان مش حابه اخسر المكان اللي انا بدأت منو ف لو انا غاوية بقي الفلوس و الشهرةة و كده كان زماني مسحتها من هنا و اخدت الفلوس و عادي يعني خلصنا بس انا موافقتش الا علي عقود غير حصريه فكل انسان مش حابب الخير ل غيرو يهدي شويه ...

و اتمني انكم تناقشوني ف كل كلمه قولتها و متقبله رأيكم واحد واحد سواء نقد او ايجاب و اي سؤال حابين تسألوها هرد علي كل كومنت يجيلي مهما كان
....

الكاتبه رحمه عبده♥

اميرة التشويق👑