حبيبتي المجنونه الجزء الثاني و الثالث

الجزء الثالث " الحلقه الثالثه " ❤

الحلقه الثالثه ...

ليليان و هي تهبط من الأعلي ساحبةً حقيبتها الشخصية لتذهب إلي المُعسكر التدريبي ف وجدت والدتها ك كل مُعسكرٍ يحدث جالسه حزينه

ليليان بمزاح و هي تقترب منها و تحيط عُنقها من الخلف : إيه يا مامتي بقي اللي مزعلك كده ما انا راحه ما عمتو مريم ما تخافيش عليا بقي

روان بزعل مكبوت : برضو انا ما بقدرش يا بنتي سواء انتِ أو أخوكى مش بقدر حد فيكم يبعد عني

ليليان : يا مامى و الله ده هو أسبوع بالكتير اوى اتنين و هتلاقينى عندك عشان خاطرى بقي فكي التكشيره دي بقي و بلاش زعل

جذبتها روان من يديها و أحتضنتها بدفئ و قامت بوضع يدها علي رأس إبنتها تردد اعدية لتحفظ إبنتها من كل شر و تُحصنها بحديث الله

ليليان بحب : ربنا يخليكِ ليا يا ماما

روان بحنوّ: و يحفظك ليا يا قلب ماما

أدهم و هو يريد أن يلملم شتات الموضوع قبل أن تنفجر أحاسيس روان بالبكاء : و يا اختي مش هتسلمى علي أبوكي

ليليان و هي تذهب لترتمي بداخل احضناه : لاء ازاي بس يا بابي و الله هتوحشني أوي

أدهم و هو يقبلها من رأسها : تخلي بالك من نفسك كويس

ليليان بلماضه خفيفه: مش محتاج يا بابا بنتك أسد

أدهم بحنان و هو ينظر لها : " لاء محتاج ديما أفكرك أنتِ بنتي و أول حنان مختلف شوفتو أنتِ صحبتي أنتِ أمى أنتِ اللي أول ما شوفتك عيوني دمعت و عيط يا أحلي بنوته جت علي وش الدنيا دي كلها "

أدهم الصغير و هو يدلف قائلاً بسخريه : هييح الواجد إيه كمان شوبين عصير لمون يا داده

ليليان بضجر : يا شيخ يخربيت فصلانك انت مالك

ادهم الصغير: لاء ما أنا أفهم بقي أنتو متبنيني مثلا يعني أنا يا أبني مش أبنك جايبين من قدام جامع مثلا

ليليان : و هو هيقول كلام حلو لحلوف زيك ليه

كاد الشجار أن يبدأ و لكن قاطعهم أدهم قائلاً : كل كلب منكم علي شغلو انتو عيال ما اتربتيوش أصلا تعالى ورايا علي المكتب و انت يا هانم روحي شوفي شغلك

ذهبت ليليان و هي تضحك و توزع قُبلات لأبيها ف الهواء و ركبت سيارتها و أنتقلت إلي مكان الراحله التي ستأخذهم إلي مكان المعسكر بينما دلف أدهم و إبنه إلي المكتب ليتناقشو في بعض الأعمال ، و لم يلاحظ أحد روان التي أنسحبت بهدوء إلي داخل غرفتها