كحل عرب

الحلقة 12

#كحل_عرب
(بيت بيوت )

((( بقلم زينب ماجد )))

الحلقة -12-
( تحرش قيد الكتمان )

من شفنا الحچي مگاطف
عرفنـــا وجوهنـــا نمّــلت
لـِ عريان سيد خلف||🖤

سرحان : والله ما ادري شكلج يهدوة

- ما بعد بيه حيل هبطات و علي

- فليح رد من الاسر وكبل شواي جابوه لاهله .

-عليك العباس

- اي بالله

- اكلك اله علي حك يو شنهي اليصير

- لا شيصير غير اشعل اهله يو كرب منج بحجاية

- وبتي

- ما عرف والله ... بعدني كلشي ما عرف عن الامر

- شو انا خفت

-دكولي يالله تخافين من هالاجرب .. حطي بتج بكترج ولا توصلين صوبهم والله كريم .

جاي احجي .. انفكت الباب وامي جابت جمارة واجت ، دفعتها : اكعدي هنا

هدوة - هااا

كواغد - من هو الاغم الاغبر الفيسد جا و تعدا اعلى غرفتها عليش ما كلتي ، عليش ما صحتي وشهرتي ، عليش سكتي

جمارة : يمه وعلي خفت ما كدرت اصيحن ، انا من ساعة الاجاني وليجاي وانا جسمي يرعش ..

- ورعشتهم جا تسكتيله احسن هيح ولج وصلت لابوج ويو ما الله فكه جا تورط ابوج وجتله ، وانت الطعره انا شنهي وتضمين علي وما تكليلي رحتي ذبيتيها بحلك ابوج ولجن انتن ما تخافن من الله .

- يمه انا كايلة لابوي يو هم الكلوله جا شنهي اسكت من يذبون بلاهم علينا

- ولجن وانا شنهي ... ما تعرفن تكعدني وتكللي

جمارة : يمه خفت منج تسوينها هوسة بالليل

- جا شنهي انطر ليما يصخم وجهج يو يفضحج ابلية بالسلف

هدوة : هسه الصار صار و هديها دامها خذوا ابنهم وفكونا هاهيه

- ابوج يسمع هالحجي لبس دشداشته و تبعهم ويو ما لكاهم للسلف يوصلهم

- عليش يكبرها يا يمه

- وابيج ينكض يسمع من احد ، نعلنا وشعل ابهاتنا و طلع مهرف ... يضيمجن الما يفتك كلبي منه .

جمارة : هسه شني راح يصير

هدية : ما يصير هلبت ابوي يرد وانا يو راح للسلف اخبر سرحان يكضه غاد ويهمد السالفة

اكلج يمه
اعاين عليها كاعدة بالكاع و حايرة بزمانها ، حجيتها : يمه فليح رد

دارت علي ... تنوعت : جا هي هاي الكاصرة بعد ، يجي من وراجن خير ... لا والله