كحل عرب

الحلقة 52

#كحل_عرب
(الفوضى)

((( بقلم زينب ماجد )))

الحلقة_52
(مأمون و العائلة الدخيلة)

يالحلاتج سومري يفوّح بخور وطيب
وشفافج توجّ بالبوس فلفل
ياغصــــن مضـــــنـــوك
ماشايف غصن هاكثر يحمل
كل كتر مني اشتـــــــعـل
والكل يريد يذوب بالكل
وكل كتر منج نبض فحطان
ومكهرب وبس ينجاس ينتل
ياحبيباتي العذر لـ لله
الحلاوة البيها تكتل
للشاعر (عريان السيد خلف )

جفت حمزة على البيت وصاح : خايب زلمة وتطرد انت شو تطردنييييي ..
سحب اقسام و رمى حدر رجليه ، صار مطافر خلدون بفلس ، ما تعرف وين ركض وشرد .. وايمان تصرخ : بتي يا نااااس بتيييييي

صرخ حمزة بأم سعد : غرفة البت وينهاااااا

كلهن انعزلن على صفحة والام تأشر بلا حجي ، فك الباب وعرب الهول كض ببحجر الدرج وسوا الدرج خطوتين ، و ايمان تركض وراه .. وكف وهو كاض سلاحه و يصيح : بتج وينهاااا

فكت ايمان الباب على غرفة بتها ، ودخلت ويا دخلتها صرخت : بتي نهااااااااد يمه ، وركضت الها ، صعد حاكم و كواغد و البنية مسحونة روحها .. و ايمان تكعد بيها وتصرخ و حمزة كاض الباب ما يكدر يدخل ، صاح :حجي كللهن خل يسترن البت خاطر اطب اشيلها للمستشفى ... بس ستروها

حاكم كام يصرخ : كاغد حجابها جيبي ، ستري البت خل نشيلها

وكواغد تصرخ : البت ما بيها حس يحاكممممم

حمزة : بس ستروا البت يمعودين ، دستروهااااا

هن يصرخن ويصحن بيها، طب بهمة جر البطانية و صاح بيهن ؛ ميلننننننن
شمر البطانية على نهاد ولفاها بلا شوف وشالها ، وصاح : حجي الحكني .

وحاكم وراه كوة ينزل على الدرج و يصيح: الله لا يطيكم .. بحظكم وابختكم كوووون ، امنه البت عدكم هاي تاليتها .

محد ردت عليه .. حمزة حط نهاد بالسيارة و هو يجر بالبطانية ويغطي بيها ، تراكضن كواغد وايمان صعدن وياها منا ومنا ، وحاكم صعد بالصدر ، وطلعوا لمستشفى القادسية ...
نزلاها ونقلوها .. وكلهم ملتمين عليها والمسعفين يطالبون بمعلوماتها: حامل هي

ايمان : اي اي حامل عليها ثمن تشهر

- شنو اسمها

حاكم : نهاد حاكم خضير

- زوجها وينه

- هو زوجها الطاكها يابوية ، الله يهجمه كون مثل ما اذاها نعلة الله عليه .

ودوها للطوارئ واجا الطبيب فحصها : احتمال تصير عدها ولادة مبكرة ، بس الطفل بصحة جيدة ، انقلوا الام للطبابة داوو جروحها .

نقلوها ، وايمان تبجي و حاكم عصبي ، وكواغد واكفة تتحسب ، اندارت الحمزة : يمه الله يطيك العافية تعبناك ويانا و شتلناك بطلايبنا