كحل عرب

تنويه

السلام عليكم

صار فترة اني ماا ادخل تعليقات ولا اقرأ  شتكتبون  او ششنوو رااايكمم  بالاحداث لإن وقت ما عندي ييا دوب اكتب واطلع ،  بس قبل شوي قرأت تعليقاتكم ولفت  انتباهي ( وين اكو بزمن صدام  واحد يحيي شعاىىر الإماام الحسين )

الحقيقة ان التشديد على  الشعائر كان بفترة حرب  ايران وبداية التسعين .. كون صدام كان له نية بحرب اخرى مع ايران بعد ما ياخذ الكويت ، فالشعائر كان يعتبرها ترويج لأيران ... بس اللي صار بعد دحره بحرب الكويت وقيام الأنتفاضة الشعبانية اللي كاد يخسر بيها حكمه لولا تدخل امريكا ودعمه .. هنا غير سياسته اتجاه الجعفرية بالعراق وقال ( احنا ما عدنا شي ويا الشيعة وهم اخوتنا وما عدنا كل مانع يمارسون شعائرهم بس ما يتعرضون للحزب ) موجودة الفيديوهات ع اليوتيوب للأن .. وحتى سمح للعمائم من بعدها بأعتلى المنابر وارشاد الناس  .. نعم اكو حرب من جوا لجوا .. بس تغيرت السياسة السابقة و التشديد اللي كان بالثمانينات .
وللسيد محمد صادق الصدر دور بالارشاد و النصيحة و احياء عاشوراء وترسيخ مفاهيم قضية الإمام الحسين ونشرها بعد ما كانت ممنوعة ، صارت الناس تتعنى للكوفة تستمع خطبه او تشتري كاسيتات تستمعله و هو يرسخ هذه المفاهيم و الشعائر ويدعو الها .

فالثورة مدينة مو مثل كل مدينة ...
كانت مركز لمحبين السيد الصدر ومطبقين جيدين لاقواله .. فكانت بيها حرية اكثر من غيرها في احياء الشعائر و العايش بالثورة يفهم هذا الكلام .

تشكلت قوة ونفوذ جدا قوي لأنصار المرجع الصدر في مدينة الثورة .. حس صدام بخوف من هذا النفوذ و القوة اللي صارت للمرجع .. فقتل مرجعهم الصدر بهذا التوقيت ... قاموا عليه انتفاضة وكوموا الدنيا وما كعدوها واتعدوا على الامن وعلى الدوائر ورادوا سقوط صدام بقتله لمرجعهم .. اضطر صدام بسبب سوء الوضع في العراق ان يتكفى شرهم عليه.. و يعدم رجل ويظهره للاعلام و يعلن ان تم اعدام من قام بأغتيال السيد الصدر وتهم اتباع الحوزة العلمية في النجف بقتله وبرأ نفسه حتى لا يتعرض لثورتهم ومنها يخلق بلبلة وعداوة بين اتباع الحوزة العلمية و اتباع السيد الصدر يلهيهم عنه ...
فالخلاصة ... لا تقيسون الوضع من منظور واحد على الزمن القديم .. اني دا اذكر القصة بتسلسلها التاريخي و شنو الكان ممنوع و صار ممكن .. وراح تنحدر القصة للاوضاع ما بعد السقوط و امور كثيرة جدا تحملها بطياتها .