#كحل_عرب
(الفوضى)
((( بقلم زينب ماجد )))
الحلقة_53
(تمادي مروان )
منين اطب للغيب حتى ادري
وافرزن بالگلوب الطيب واللاطيب
اشلون اگعد واطش حسبات روحي
ابصحن بلور
واتخير اخيار التوجع ومتخيب!!
لـ عريان سيد خلف||
الاء: من طلع من البيت وراح ، واني التهيت بالعزيمة و الشغل ، لحد ما فضيت ، توقعت هسه راح الكه فد ١٥ مكالمة هيج ومفتقدني ، لإن دزيتله كلمة احبك وهاي اول مرة انطقها واحس بيها وادزها .
بس من صعدت وكضيت التليفون ، شو لا مكالمة ولا رسالة ، حتى ما راد عليه من كايلتله احبك ، شنو معقولة ما شاف الرسالة ؟
لا شني اكيد شافها
خابرت عليه .. خلص الاتصال و ماكو رد
دزيتله رسالة (انت وينك ) وهم ما جاوب !
وين راح لعد ؟
كلهم جوا ملتمين ، استغليت هالشي والكهرباء جاية ، بساع شكلت الشاحنة ورى البردة و حطيت التليفون .. ونزلت ، نهاد تشكي من رجلها وتحجي وتكل لامي ( بعد ما اريد ارجعله يمه دخيلج طلكوني )
كواغد ؛ كولي يا الله بتي ، جيبي بسلامة يمه والله كريم
أيمان : لا بعد متضلين عده .. جيبي و هنا حالج حال خواتج .
نانة : بعديش بعد ما حبلت وانكتلت وكوة جابوها ، من البداية وردوهم .
- ونشم كفا ادينا ، شمدرينا بيه هيج
- شني كالو عصبي واعصابة ما تنحمل ، هاج هاي اعصابه ..
- سكتي انت سوالف كبار هاي مالج غرض بيها .
- ظلوا ترضون بالغلط من البداية وتطونه الف تبرير وبعدين ها وشلون يسوي هيج ابتنا .
لالة : ولج انت هاكداتج ولسانج ها اطويلاته ، دسكتي .
ايمان : كومي صعدي فوك
- ظلوا طردوا بيه لإن حجيت الحقيقة
ايمان : السانج صباااااا
- روحو اني هم صوجي احجي وياكم .
عفتهم وصعدت فوك ، بساع لحكتني الاء ، باوعت عليها : ها ذبانة شعدج لحكتيني ؟
- وانت شعدج صعدتي هنا عصعص
- شعليج ، غرفتج ؟ مسجلة باسمج ؟ مكتوب ع الباب الاء ؟ لا ... لعد دولي
- اني جنت كاعدة هنانة ، ولي انت
- ولة التولج لا تغلطين عليه
- اغلط ونص ، يلا وليييي
كضتني من راسي واني تشابكت وياها نتعارك ، صعدت امي وبيدها الصوندة : اني المن اصير لاختجن الجوا لو الجن طايحاااااات الحظ
تصرخ علينا واحنا كامشين بشعر بعض ، ضربتنا واحنا نصرخ ونانة تصرخ : عووووفي شعررررري
أنت تقرأ
كحل عرب
General Fictionجيل بعد جيل .. يولد حبا جديد يواري خبث العادات و التقاليد بين نهوة و فصلية هدية و دية اولاد ضحية وشيوخ ظالمة لا تجد للإمور حلاً غير السلاح .. من العراق وعلى ارض السماوة اقدم لكم (كحل عرب )
