Stay With Me

Nine

Ka in ah chuan ka kal a, thil tamtak ka ngaihtuah bawk. Tinge ka nun hi thawk leh khat ah a rawn inthlâk thut mai le... Nun nuam tak ka hmang kha nia mahse tûnah chuan enga mah mah hi nuam a awm lo.

Rei vak lo hnuah Yoongi pawh rawn thleng nghal. Ka ngaihtuah na buai tak hi keimah chuan ka chingfel thei lo ang. Hetiang hunah hi chuan Yoongi ka mamawh ziah thin.

Class thulh in a rawn kal vang vang nia  inpe zo ve tak a ni... Chubâkah zirlai engmah a ngaithla peih tak tak chuang lo.

Chuan he lai hmun hi Yoongi leh Taehyung chiah in an hria.. hmanni kha enge ka hriat pawh ka hrelo Mr Kim an chhuahpui rawh min rawn tih vang khan ka text chawt a. Kalpui na tur ka hre silo a ka in ah ka hruai ta ringawt kha nia.

"Chuan engmaw i buai na ber chu"

Ka hmaa ṭhuran chu ka melh a. Ni e engkim ka hrilh vek a ngai a ni, ka rin ngam ber ania lawm le tiin Yoongi pawh ka hrilh ta vek a. Uluk deuhin a lo ngaithla ve kar

"Taehyung nena in inngaizawng tih ka hriat khan mak ka ti rêng ni.. i awmdan zawng zawng nen khan"

"Ni e, duhthlan tur dang engmah ka neilo tin ni. Chuan kan Company chungchang ka hre miah lo hi â ka in ti hle bawk..."

"Taehyung hian a u in a vau che tih a hria em"

"A hriat chu ka ringlo, Tumah hrilh loh tur zawk ka nia mahse ka buaina hi chinfel dân tûr ka hre hlawl lo a ni"

"Chuan chinfel dân tûr chu ka hrilh che i phut tihna mi"

"Min ngaihtuah pui thei ang chu"

"Ni e ni e,. Hlimna deuh ka nei"

"Engchu"

"Jiyeon nihna i hre chhuak ta hi mawle... Diktak chuan maw Kook henu hi chu ka ring hlawllo i hriat kha mahse i duh em vang chauhin ka pawm lui hram hrâm thin zawk. A mizia hi ka tithei lo, i hmuh kân vek thin mai mai lawm. Chulo ah in nih lai reng pawh khan tu emaw chu a biak thin ka ring thin a chuan khapa vawiin a a hmuh kha a nih ka ring nghet tlat bawk... Thil pakhat ka sawi nga zawm ang che"

"Engchu maw"

"Jiyeon hi pawm tawh hauh suh ang che. In chhûngte chuan innei tur chuan an duh ang che u mahse i chhungte hian i duhlo tak chu an neih tir dawnlo che tih ka hria chuvang chuan i pawm tawh tur ani lo. Hria em" a tih chuan chhan mai dân tûr ka hrelo ka duh ve hle kha ni sia.

"Kook i thei dâwn lo em ni"

"Ka duh zia i hriat kha Yoong, mahse duh viau mahila hethil vang hi chuan ka pawm tawh lo ang" ka ti a, a nui ve suk mai

"Aṭha e, Jiyeon i pawm tawh lo nga mahse Taehyung i pawm tawh zâwk ang" a tih chuan ka melh ralh a

"Chu chu he i buaina ṭanga chhuah dan leh i hlim theih dan tur kawng awmchhun a nia lawm. In Company in a hlawk phah hle dâwn a chuan nangpawh Jiyeon i theihnghilh nan a nia nga. Chuan Taehyung hi ka hria lawm a duh lutuk che,,,, hlim takin a siam thei ngei bawk che ka ring. Chubâkah Jiyeon nen ai chuan Taehyung nen hian in in hmeh daih zawk bawk "

"Mahse ka hua lawm, amah vang vek a ni engkim hi. Tuna ka laka a awm dan phei hi chu ka hne ngawih ngawih" ka ti chhuak hrawih a

"Jungkook ngaihtuah chiang ta che mawle, i tan vânneih na a ni zawk sin. Awmlo se in Company hian a chhiat phah thei, Jiyeon nihna tak i hre miah lo bawk ang. Taehyung hi awmlo se chu chhiatna zawk nih chu I tawh dâwn... Lawm hle rawh. Chuan Taehyung hi chance pe rawh,. Tunah duh rawh ka tilo mahse a ṭhian ang tal khan awm leh rawh. I khawngaih lo mi, a duh em em ringawt che lawm. Inngaihtuah chiang ang che ka kal nge" a tia a tho a min chhuah san nghal....