Stay With Me

20 Eight

Taehyung p.o.v

Naktuk ah hian test pawimawh zet ka nei dâwn a, Ka inpuahchah nasa in ka zir ngawrh viau mai.

Ka tihṭhat chuan last exam ah min pui viau dawn a ni
Kan Lucas erawh hlauhthawng vak lo niang, ka bialnu biak ka thlang ti mauh mai.

Bar a kan kal zan ṭang khan karhnih lai a liam tawh. Thil mak ber chu Lucas leh Yuqi te tun thleng a an la ni hi ni. Ka awih lo hial zawk lawm le,
A lo duh ve tak tak zawk pawh ni mahna.

Ka phone rawn ri ral ral a, tunge min lo call ka hmuh chuan rang zet in ka la a. Thil mak dang pakhat leh chu heihi ni.

"Aw Chim enge ni ta" ka ti vat

"Enge ni vak ang, ka ngai che a ka lo call che nih hi. Enge i tih a"

"Lehkha ka zir mawle. Naktuk ah test pawimawh deuh ka nei dâwn a"

"New York awm chu va ṭha ve Lehkha te i zir ta mai si a" a tih chuan kan nui dun hak hak a

"Khalam ai a letin a har daih lawm. Beih nasat viau ka ngai, enge i tih zawk a"

"Enge ti se mi tih College ah ka awm, i tello chuan engmah hi nuam ka ti tak tak lo." A tih chuan ka nui hak a

"Keipawh ka ni tho lawm"

"Ka awih lo, min rawn biak ve pawh i tum ngai lo. Khalam a i ṭhiante kha i ngai zawk a nih kha" a ti ta nghek

"Aww kan hun hi a inang lo ropui si lawm. Helaiah zan ania khalamah chawhma lam a la nia. Zanin pawh lehkha ka zir vangin ka mengrei mai mai nih hi" ka ti deuh duah a.

"Ninawm lo haw mai rawh"

"Ka zir zawh veleh aw niang"

"Ninawm si. Nih zir leh tawh rawh i hman hunah min lo call ang che hrilh tûr che ka nei nia"

"Awle Goodnight Chim"  ka ti chu

"Min Goodnight reng reng suh. Ni ka hmang ṭan dawn chauh. Bye"

Kar hmasa lam tawh khan Jimin hian min rawn bia a. A tîr kha chuan ka awih lo hial zawk, ngaihdam min dil chiam lehnghâl a. Min rawn biak ni a ka hlim dan em em kha, ka ngai ngawih ngawih ni si a.

Jungkook chungchang sawi a tum chuan ka lo pawtchat vat thin. Ani pawn sawi a tum tawh bik lem lo... Hmalam pan ka tum a, a chanchin hriat reng ka duh lem lo. Tunah chuan Jimin ber ka lakah a lungawi tawh a ka tan chuan a hahdam thlâk tawh takzet a ni. Chuan khami ni a ka thil hmuh pawh kha engmah ka hrilh ta chuang lo. Sawi chhuah rêng hi a ngaihna ka hre lo bawk.

Min rawn be ziah a, kan hun inang lo lutuk vang hian achang chuan zing dar 2 ah min rawn call mai thin a. Amah vang hian mut ka kham lo fo.

Kan test pawh chu ka ti ṭha phian zir ve na na chuan tihchhiat uchuak theih lah ni lo.

Jimin khan min rawn call rawh kha a tia, mahse tûnah chuan a hnar bawrh bawrh awm si a. Message kan hnutchhiah zawk mai nge tiin message ka thawn ta zawk.

Lucas ten len puiah min rawn sâwm a, ka lo pawm ve mai. An bula awm te chu nuamlo zawk zawk pawh ni lo a

Restaurant changkang zetah kan kal a, helai hi kan kal ziah na hmun a nia an siam tui ka tih na ber a ni bawk.

Bialnu nei vek an ni a, bike a lenchhuah an rawt chuan ka haw tur thu ka hrilh vat. Couple induh hmel tak tak te hi ka hmu peih fo lo. Chubâkah ka riang dâwn em mai.

Keimah tho in ka awm a, ka riang leh tho mai. Ahma ang te kha chu nise story te ka chhiar leh awm si a mahse tûnah chuan story chhiar chu ka bansan hrih. Jungkook min hriat chhuah tîr tlat zêl miau a.