Stay With Me

Sixteen

"Jungkook ka rawn lut thei ngem" ka u chuan rawn ti a

Rawn lut nghal zat

Ka bulah chuan rawn ṭhu a

"Tinge engmah min hrilh loh a Kook"

"Hyung i buai sia chubâkah midang ka tawng tawh hrim hrim a ka sawi lo mai mai nih kha"

"Maw midang i tawng tawh a maw"

"Ni e, Hyung ka la in hmelhriat tîr dawn che nia" k ti sap a

"Mahse Jiyeon kha i duh thei hle si a. I theihnghilh thei tak tak dawn mi"

"Hyung Ka nuna rawn lut hian min thlak danglam vek ka ti thei ang... Chuan ka hmangaih in. Ka hre bawk a sin"

"I duh na ah chuan ka support zêl ang che mahse Jiyeon hian a bum tak tak lo maithei che nia. Ka sawi awmzia chu a bum ngei thei che mahse a chhûngte vang chauh a ni maithei. I hria em kan chhungkua leh Jiyeon te chhûng chu kan inpawh in ka Company pawh in inneih na hmanga insuihzawm kan tum kha nia. Mahse i hriat angin kan Company khan tlakchhiat lam a pan ta si a, a chhungte chuan midang neih tir an tum a ni ngei ang. A hmangaih em che vangin a chhûngte pawh kalsan in a rawn kal a nia i ngaihtuah ṭhat leh hle chu a ngai tho ang " a ti dap dap a

"Hyung Jiyeon hi ka theihnghilh tawh, engang pawn min neih let leh tum mahse a theih tâwh chuang lo."

"Ka hria, ngaihtuah rawh ka tih zawk tak chu engtin zêl nge Jiyeon hi i tih ang, I hriat angin a chhûngte duhloh dan in i tan a awm a. Chubâkah i hriat kha  a neih let leh theih nân che nasa takin ṭan a la bawk ang."

"Jiyeon pa chu a damṭha tawh mi a" ka ti ta daih a

"Ziaawm lam chu a pan tawh in ka hria"

"Aṭhat chu" ka ti sup a..

Engkim kha a chhûngte vang pawh lo nise, keichuan Taehyung ka nei tawh chuan Jiyeon hi duhna ka nei tawh lo tih ka hria. Heti em em a ka move on hma hi keipawn mak ka ti... Taehyung vâng chauh a ni

Tuna buai ta ber chu kan inah Jiyeon hi a cheng ve dawn tlat a ni. Ka nu lah hian a duat mai sia.

Dinner kan ei lai te chuan ka nu leh pa chuan Jiyeon chu eng eng emaw an  sawipui reng a...

Dinner ei zawh chuan ka room lam ka pan nghal.

Taehyung ka ngai takzet, tûn thlengin ka message a la seen lo zui. Club hming kha ka lo zawt lui lo ni, thil min dil hi a thiam mah mah tlat....

Jiyeon rawn luh chuan ka mu lai chu ka tho tharh a...

"Enge hetah i rawn tih..." Ka ti hmuk a

"Jungkook khawngaih in min sawifiah tîr rawh." Zawi tak hian a ti a

"Ka hre vek tawh. Mahse Jiyeon a ngai ang khân kan awm thei tawh lo"

"Kook chance min pe hram rawh ka siam ṭha vek ang. Ahmaa kan awm ang khân kan awm leh dawn lawm, min hmangaih thin em kha"

"Ka sawi tur hi chiang deuh in lo ngaithla ang che,, kan inkar chungchang kha chu ka theihnghilh vek tawh nia ka hmangaih thin che maw ka tia mahse keihian ka lo hmangaih ngai hauh lo che tih ka hrechhuak tawh chubakah tûnah chuan hmangaih ka nei. Kan inkar chu siamṭhat duh mahla i tlai tawh, ka thinlung ah mi pakhat chauh in hmun a chang" melh ralh pah chuan ka ti a

"Nilo Kook chutiang sawi suh.  Ka lakah i thinrim a khatiang khan i ngai mai mai nih kha.... "

Ka phone rawn rik chuan ka la hmak, Jiyeon pawh a ngawi ve dat a