Stay With Me

30 One

"Hello Cas-si"

"Naktuk ah ka rawn thleng dawn a nia, min lo hmuak ang che ka phût tlat a ni"

"Ka hria ka hria. Tinge chawlh hman nan a Korea kher i tum a"

"Chu min hmu peih vak lo va ang ve aw. Ka tuar na tlat, ka ngai che a ka rawn tlawh ve dâwn che a. Ka ṭhulh leh zawk mai dawn mawni"

"Aw chutiang pawh nilo, amak em lawm. Rawn kal vat mai teh"

"Awle ka Flight chhuah hun ṭêp tawh. Ka dah aw"

"Awle tluang deuh khan lo thlawk ula" tiin ka dah a.

Korea ka let leh ṭang pawn thlathum chu a liam ve leh ta reng mai. Chuan kan graduate tawh bawk a

Tunah hi chuan engmah ti lo in kan awm hrih mai mai. Yoongi Hyung hi a thawk deuh ber chu ni hrih chupawh in lamah.

Lucas te pawh an graduate ve tawh a, min hrilh tirh chuan ka awih hlawl lo a ni ang zir peih lo kha a graduate ve mai pawh nilo in mark a score ṭha mah mah tlat.

"Ka duh chuan ka thiam lawm" ti vel ang êt a

Chawlh hmang tûrin Korea ah a rawn kal dawn thu leh amah hmuak turin kar hmasa lam khan min rawn hrillh a. Naktuk ah hian va hmuah a ngai dawn ni

Jungkook lah chu Lucas hming ka sawi hlek hian a thinrim nghal ṭun ni mai hian ka hria. Lucas nen a kan inbiak na a lo chhiar a chuta ṭang chuan a thik ta êm êm a. Ṭûl lo lutuk hian a, hrilhfiah hleihtheih pawh hi ni lo. Lucas hnêna Jungkook an a thik thu ka hrilh lah in ani mi chimawm tih tâk ah lo phur surh reng mai. Min tihbuai hi nuam a ti chiang lawm hepa zet hi chuan

Vawiin ah Jungkook nen orphanage ah kan kal dawn a, ka phur viau mai

Kan exam lai vel khan kan tlawh ṭha hman si lo a. Eitur leh toys vel leisak ṭeuh ka tum bawk.

Jungkook chuan pâwna a awm thu min rawn hrilh chuan ka chhuk thla vat a

"Jung dawr ah kal hmasa phawt ang aw, naupang ho thil lei sak ka duh a" ka ti nghal zat a, ka credit card ka ken leh ken loh ka en leh te te phawt.

A tlân mai tak loh chuan ka va en hu a

Min lo melh ngur mai

"Enge khati vak a mi melh a" ka ti sap a, a seatbelt phelh nawk in mi rawn hnaih chet a
Mak tih hmel zetin ka en ringawt

"Ka ngai che" ti sup in ka tukkhum ah a rawn vuan a. Min fawp nghal zat

Min thlah mai a tum loh hmel sia ka in la hrang hmasa a

"Kal vat ang kan awm rei thei lo nga sin. Hmuh tir tûr che ka nei nia"

"Min ngai lo em nih kha"

"Ka ngaih leh ngailoh che i hre ngawt mi. Kal vat la kan let leh hunah ka ngaihzia ka hriattir ang che ṭha em." Mit siai zeuh chuan ka ti a, a nui ri hak

Ka khabe ah vuan in min fawp leh zauh a

A seatbelt a hreng ṭha a, a tlân ta nghal

Khua a nuam in thli a thaw heuh heuh bawk sia. A nuam ka ti ngei mai

Tam thei ang ber ka lei hnu in kan kalna tur lam chu ka pan a.

Min lo lawm hlawm ngei mai

Naupang te pawn min lo bawr lai lai mai.

"In lo dam tlâng em" Ka tih chuan

"Awww" An ti dual a

"Enge maw te te ka rawn hâwn che u nia aw. In lawm em le"