Stay With Me

Twenty

Ka bulah chuan rawn ṭhu vat a,, ka lo tho chhuak ve bawk.

Ka melh ngawt ngawt a ni mai.

Ka ṭah rawn chhuak nghal em em bawk

Min kuah vawng vawng a

"Khawnge i kal a, tinge tumah i kalna pawh i hrilh loh a.. ka mangang lutuk sin, college i rawn kal leh bawk silo a. Ka ngaihtuah lutuk che" vin miah lo hian a ti a, a tak ni se ka va hlim dawn em. A lemchan na mai a ni ngei ang Hyung in a ko nga rawn kal te pawh niang. 

Ka ngawi reng ringawt

"Tae i ṭha chiah em" a tih chuan zawite in "immm" ka ti sep a, mahse ka ṭhat loh zia hrechiang ber tu ka ni.

Engmah sawi tawh lo in nghet tak chuan ka kuah let ve ta a..... A rim te chu ka hip vang vang mai

Hêng hi dawt nih ka phal lo🤧🤧 a hreawm takzet.

Ka mutna ah chuan rawn in thawlh ve in min kuah chial a, keipawh a awm a bei pah in ka awm ve bawk. A kut lehlam chuan ka kut a khal niap niap bawk.

A thinphu ri dup dup ngaihthlak chu nuam ka ti ngei mai...  Ka mittui rawn tla chu a hmu ang tih ka hlau takzet, ka kut a vawn na chu la sawnin rang zetin ka hru zauh a. 

"Tae tinge i ngawih reng a, vawiin a i kalna te chu min hrilh la chuan tunge i hmuh te chu" a rawn ti a

"Engmah ka sawi peih lo Jungkook, hetia awm hrih hi ka duh" ka tih takah chuan min zâwt tawh lo.

Ka mut rawn chhuak chiai chiai a,. Ka chhing reng vang te pawh ni mah na.

Mahse Jungkook phone rawn ri chuan min ti harh zawk.

A phone a phawrh a, Jagiya tih a ni. Thaw hrawih ri chu ka hria, mahse hmu ang pawn ka lang lo.

"Tae ka va be lawk ang aw" tiin a chhuak a, ka hlir zui vawng vawng ringawt. "Tinge Jung, tinge hetiang a min tih a" ka phun chhuak sap a.

Rei vaklo hnuah a rawn lut a, ka lo melh khiau a

Min rawn din hnaih in ka biang a fawp zauh a, chumi hnuah ka hmui

A hmui a rawn chet ṭan chu ka inlahrang nghal zat. Mak tih hmel takin min en hau mai

"Tinge a"

"Tunge rawn bia che a"

"In lam mawle"

"Nih chuan Va haw tawh rawh" ka ti chu min rawn ṭhut chilh nghal

"Tinge a Tae, i awmdan hi a dik miah lo nia. Zanin chu ka lo riak ang" a tih chuan ka lu ka thing vat a

"Ngailo haw zawk rawh."

"Timaw, ka riah i duhlo mi"

"Chutiang lam pawh nilo,. I chhungten an ngaihtuah ang che"

"Enge i hriat a"

"Keimah vang a an thu i hnial zêl a nih chuan ka Mark a chhiat phah dâwn lâwm.  Chu chu hre ta che" nui lui suk chuan ka ti a

Min kuah leh vang vang phawt a, ka chal ah a fawp zauh bawk

"In enkawl ṭha la, naktuk ah ka rawn lam ang che aw. Muttui le"

"Imm, muttui" ka ti ve sup a, a chhuak ta nghal

Khang te kha dawt vek pawh nise, Jungkook a kal chiah chu ka ruak nghal vek in ka hria, ka ngai nghal ngawih ngawih bawk.

Tinge hetiang hi ka tuar bik le, bum ka awlsam viau a mi zawk. Hmangaih ka tawng a mahse min bum ve ve si. Ti te chuan engtin nge hmangaihna hi ka rin theih tawh ang. Ka hmangaihna chuan atawpah rilru nat na bak min thlen si lo. Hmangaih na hi ka phu ve lo te pawh ni mah na...