Stay With Me

Nineteen

Taehyung p.o.v

Nizân ah hmeichhe pakhat in min hmuh duh thu a sawi vangin Jungkook pawh ka in lam tîr lo. 

Ka biak lai kha chuan ka awihloh thu ka sawi tak na a,. Jungkook nena kan inkar thu a ni a tih vangin kal ka tum leh ta zawk. Chuan bumin ka awm mek thu a sawi a, ka hrethiam lo kher mai. Tu chuan nge maw min bum ni...

A sawi na hmun lam chu ka pan a, tunge ka mi hmuh tur pawh ka hre bawk silo. Â ka in tithar viau zui, tinge hriat ngailoh hmuh ka tum ngawt ni. Min fiamna te pawh ni ve thei tho.

Mahse ka kal ta sa sa, tiin ṭhuthlêng Awlah chuan ka ṭhu a intur ka chah nghal zât.

A la tui em em zui.

Keimaha thlamuang zeta ka lo ṭhut ham ham lai chuan.

"Hi Taehyung min lo nghak rei em" A rawn ti a

Ka melh chho chu, mak ti zetin ka en reng ringawt

Enge awmzia Jiyeon hian hetah enge a tih, chuan tinge min hmuh a duh le. Min ankhum vak zâwk dawn a mi, Jungkook nen kan ni ta daih si a...

Ka hmaah chuan rawn ṭhu a, ka en reng ringawt

"Mak i va ti awm ve a" A rawn tih chuan ka hawi sawn zuk a, ka coffee ka in zauh

"Seoul ah i awm law" Ka ti ta ringawt, sawi tur dang ka hre hlawl lo

"Imm nih hi. Ka hmuh duh chhan che chu Jungkook chungchang a nia"

"Tinge Jungkook chu" Ka ti hu a, a nui suk

"Taehyung i hrelo der dawn a maw, huh ka bialpa min chhuh sak tih theihnghilh miah suh. Ṭhian ṭha tak i nih ka ring mahse hetiang rilru hi i lo pi reng si."

"Chumi sawi tur chuan mi min koh a" Ka ti ngat a

"Nilo e, i hriatloh thu pawimawh tak a awm a chu chu hrilh che ka tum mawle. Ka hrilh hunah che chuan mak i ti chu I meng phar awk awk mai ang" Ngeiawm zet hian min tih khum a, eng ka hriatloh mah a hriat ka ring lo hrim hrim

"Anih chuan sawi vat ta si che"

"Huh,,, i hrechak hle ni maw"

"Sawi tur i neih chuan sawi la nih loh chuan ka kal dawn nia. Jungkook an min lo nghak reng tawh ang" Ka ti ve sak a

Thawh ka tum uaih tawh tihah chuan

"Jungkook hian a duh tak tak lo che" A rawn ti a

"I hre diklo tlat. Enteh Jiyeon keihian ka chhuhsak lo che nangman i kaltîr zâwk a nih kha. Chuan ka hun ṭha ka lo hmang ve ni mai" Ka ti hmak a, kal nghal mai ka tum chu ka kut ah rawn vuan a

"I u vau na vâng chauh a ti a ni tih hrilh ta che ila khatiang khan i la ngai tho ngem" A tih chuan mak ka ti, Hyung te rawn sawi chhuak nia a awihawmloh telh telh.

"I dawt sawi hi ka ring lo ang"

"Ṭhu la, ka hrilh vek dâwn che nia" A tih chuan ka inngaihtuah neuh neuh a, a thawnthu phuah ngaihthlak sak chu ṭha in ka hre ta zawk a. Ka thu thla leh hnak a

"Sawi la" Ka ti sup

"U ṭha tak i neih vang hi chuan i vânnei ngawt mai tiraw mi pawh hian an awh ṭhin ngawt che ka ring mahse keichuan ka awt miah lo che ka khawngaih daih zawk che sawtiang u i neih vang sawn" a ti chu ka thinrim takzet ka melh hraw mai

"Ka u chungchang khatiang khan vawikhat pawh sawi tawh suh. Chuan Jungkook chungchang ah hian ka u hi a tel lo bawk" Ka ti chang fak a, ka awki pawh a hniam teh chiam lo. Min ti thinrim em a ni