ဗီလိန်ဖေဖေကို ဖြောင့်မတ်မှန်ကန်လာအောင် ပြုပြင်ပေးခြင်း( မြန်မာဘာသာပြန် )

Chapter 55: သူမ ကစားချင်တယ်(၃)

Chapter 55: သူမ ကစားချင်တယ်(၃)

' သမီးဖင်ကိုပဲ ကာကွယ်နေလိုက်!! '

' အဖေသမီးကို သေစေချင်နေတာလို့ပဲ သမီးထင်တယ်နော်! '

' သမီးက အခုထိကလေးတစ်ယောက်ပဲ ဖြစ်နေသေးတယ်လေ. . . အခု သင်တန်းတွေအများကြီးစီစဉ်ပေးနေတယ်! သမီးရဲ့ခန္ဓာကိုယ်လေး နည်းနည်းကြီးလာတဲ့အထိ အဖေမစောင့်နိုင်ဘူးလား!! '

' လူကြီးတွေက တစ်ကယ်ကို မစောင့်နိုင်ကြဘူးပဲ!! '

ဟော်ရှောင်းရှောင်းသည် ဟော်ဆွေ့ချန်းအား ပြင်းထန်စွာ ပြန်ရိုက်ချချင်ခဲ့သော်လည်း အသုံးမဝင်ပေ။

အဲဒီအစား သူမသာ ပြန်နာကျင်ခဲ့လေသည်။ သူမသည် ထိုသူ့ကိုအနိုင်မယူနိုင်ခဲ့ဟု ဟော်ရှောင်းရှောင်း တွေးမိကာ 'ဒီလိုမျိုးသာ အဖေကငါ့ကို အမြဲဆူပူနေမယ်ဆို ငါကိုယ့်ကိုယ်ကိုယ်တောင် ကာကွယ်နိုင်မှာမဟုတ်ဘူး !'

သူမဤသို့ သူမ၏မကျေနပ်ချက်များကို တွေးမိလိုက်သည်နှင့်တပြိုင်နက် ဟော်ရှောင်းရှောင်းသည် ဒေါသထွက်လာကာ အဆုတ်ပါကွဲထွက်မလောက် စူးစူးဝါးဝါးကို အော်ငိုတော့သည်။ ထိုငိုသံသည် အိမ်ခေါင်မိုးကို ပြောင်းပြန်လန်ပစ်လိုက်ရန်တောင် လုံလောက်သောအသံဖြစ်သည်။

ချက်ချင်းပင် အခန်းတံခါးပွင့်လာလေသည်။

ဟော်သခင်ကြီးသည် ထိုသားအဖဆီသို့ လမ်းလျှောက်သွားကာ ဟော်ဆွေ့ချန်းကို ဆူလေတော့သည်။ " ဟော်ဆွေ့ချန်း. . . မင်းကဘာသောက်ကိစ္စနဲ့ ငါ့မြေးကိုဆူနေရတာလဲကွ ဟမ်. . . ကလေးကဘာအပြစ်ရှိလို့ ငိုအောင်လုပ်ရတာလဲကွ "

ဟော်ဆွေ့ချန်း:" ..."

ဟော်သခင်ပြီးသည် ဟော်ရှောင်းရှောင်းကို ဟော်ဆွေ့ချန်း၏လက်မှ ကယ်တင်လိုက်ကာ သူမကိုနှစ်သိမ့်ပေးတော့သည်။ " မငိုပါနဲ့တော့ကွယ်။ ဒီအဘိုးက လုမင်တောင်ကို ခေါ်သွားပေးမယ်နော်။ အဲ့ဒီ့မှာ အရမ်းလှတဲ့ ရှုခင်းတွေရှိတယ်။ ပြီးတော့ အဖိုးပိုင်တဲ့ ဗီလာအကြီးတစ်ခုလည်း ရှိသေးတယ်။ အဲ့ဒီ့ကို သွားပြီး နှစ်ရက်လောက်နေကြမယ် ဟုတ်ပြီလား "

ဟော်ဆွေ့ချန်းသည် သမီးဖြစ်သူအား ဆုံးမနေစဉ်ဖြစ်သောကြောင့် ပြတ်ပြတ်သားသားကို ဆန္ဒပြခဲ့လေသည်။ " အဖေ..."