Chapter 122: အဖေတွေအားလုံး အတူတူပဲလား (၄)
စကားပြောပြီးနောက် သူမက ယီချန်းကို ရှေ့သို့ဆွဲခေါ်သွားသည်။
" ဖြည်းဖြည်းသွား "
"ဖေဖေ၊ မြန်မြန်လုပ် "
ပင်လယ်အောက် ဥမင်လိုဏ်ခေါင်းများသည် သူတို့ အထဲသို့ ၀င်လာလေ ပိုမိုကျယ်ဝန်းလာသည်။ ကျောက်တန်းများနှင့် အမျိုးမျိုးသော ပန်းပုကျောက်ဆစ်ရုပ်များကို မှန်ဥမင်လိုဏ်ခေါင်းအတွင်း၌ တဖြည်းဖြည်း မြင်ရလာသည်။ ဤနေရာ၌ ငါးမန်းကြီးများ၊ ခြေဦးတည့်ရာ လျှောက်သွားနေကြသည့် ရေခူများနှင့် အရောင်မျိုးစုံရှိသော ပင်လယ်ငါးအမျိုးမျိုးကဲ့သို့ အဏ္ဏဝါတိရစ္ဆာန်အမျိုးအစားများ များစွာရှိနေသည်။
" ယီချန်း ဟိုအပြာငါးကြီးကို ကြည့်လိုက်! အဲ့ဒါကို ငါးမန်းပြာလို့ ခေါ်တယ်. . . လှတယ်မလား "
" ... " ယီချန်း မျက်မှောင်ကြုတ်လိုက်သည်။ " လှတယ် "
" ဒါဆို အရောင်အများကြီးနဲ့ ငါးကို ဘယ်လိုခေါ်လဲ နင် သိလား "
" ငါ မသိဘူး "
" အဲ့ဒါကို ရောင်စုံငါးလို့ ခေါ်တယ်၊ နင် မြင်တယ်မလား. . . သူ့မှာ အရောင်တွေ အများကြီးရှိတာကို "
ဘေးမှ ၀န်ထမ်းက ပြုံးပြီး ငါးကို မိတ်ဆက်ပေးသည်။ " ဒီကလေးလေးက အရမ်းတော်ပါလား. . . ဒီငါးကို တကယ်ပဲ ရောင်စုံငါးလို့ ခေါ်တယ်၊ ဒါပေမယ့် သူ့ရဲ့နာမည်အပြည့်အစုံက ရောင်စုံအိန်ဂျယ်ငါးတဲ့ "
" ရောင်စုံအိန်ဂျယ်ငါး? " ဟော်ရှောင်းရှောင်း သူမခေါင်းလှည့်လိုက်သည်။ " ဖေဖေ၊ ဒီငါးက အရမ်းလှတယ်။ သမီးတို့ အိမ်ကို ယူသွားပြီး မွေးလို့ရမလား "
" ရတာပေါ့ "
သူမရဲ့အဖေက ဒီလောက်လွယ်လွယ် သဘောတူလိမ့်မယ်လို့ ဟော်ရှောင်းရှောင်း မထင်ထားတာကြောင့် သူမ မယုံနိုင်ခဲ့ပေ။ " တကယ်ကြီးလား "
" ဟိုငါးမန်းလည်း အရမ်းလှတယ်၊ သမီး သဘောကျရင် ဖေဖေတို့ တစ်ကောင်လောက် မွေးမယ်လေ "
ဟော်ရှောင်းရှောင်း ဟုတ်ကဲ့ဟုမပြောမီ သူမအဖေ ထပ်ပြောလာတာကို ကြားလိုက်ရ၏။ " အဲ့အကောင်ကြီးကို သမီးပဲ အစာကျွေးရမှာနော် "
YOU ARE READING
ဗီလိန်ဖေဖေကို ဖြောင့်မတ်မှန်ကန်လာအောင် ပြုပြင်ပေးခြင်း( မြန်မာဘာသာပြန် )
HumorGuide The Villain Father To Be Virtuous Author_公子闻筝 English Translator_Chichipeph Burmese Translators_ Xiao LiuShu & Xiao Shu Start Date_25.1.2021 End Date_ All credit to original author and English translators.
